នៅវេលាម៉ោង០៧ និង៣០នាទីយប់(ម៉ោងក្នុងស្រុក) ថ្ងៃទី២០ សីហា ២០១៦ វិរកីឡាការិនីតេក្វាន់ដូកម្ពុជា ស៊ន សៀវម៉ី ត្រូវបានធ្លាក់ពីការប្រកួតនៅក្នុងព្រឹត្តិការណ៍កីឡាអូឡាំពិករដូវក្ដៅ នាទីក្រុង RIO ប្រទេសប្រេស៊ីល បន្ទាប់ពីបានប៉ះជាមួយកីឡការិនីហូឡង់ Reshmie Oogink ។
នៅវេលាម៉ោង០៧ និង៣០នាទីយប់(ម៉ោងក្នុងស្រុក) ថ្ងៃទី២០ សីហា ២០១៦ វិរកីឡាការិនីតេក្វាន់ដូកម្ពុជា ស៊ន សៀវម៉ី ត្រូវបានធ្លាក់ពីការប្រកួតនៅក្នុងព្រឹត្តិការណ៍កីឡាអូឡាំពិករដូវក្ដៅ នាទីក្រុង RIO ប្រទេសប្រេស៊ីល បន្ទាប់ពីបានប៉ះជាមួយកីឡការិនីហូឡង់ Reshmie Oogink ។
គួររំលឹកថា នៅម៉ោង១០ព្រឹកនៅប្រទេសប្រេស៊ីល ត្រូវនឹងម៉ោង២០និង០០នាទីយប់ថ្ងៃទី២០ សីហា ២០១៦ ម៉ោងនៅប្រទេសកម្ពុជា វិរកីឡាការិនី តេក្វាន់ដូកម្ពុជា ស៊ន សៀវម៉ី នឹងត្រូវជួបប្រកួតជាមួយ និងកីឡការិនីហូឡង់ Reshmie Oogink នៅក្នុងព្រឹត្តិការណ៍កីឡាអូឡាំពិករដូវក្ដៅ នាទីក្រុង RIO ប្រទេសប្រេស៊ីល ខណៈដែលវេលានេះ កីឡាការិនី ស៊ន សៀវម៉ី បានធ្វើការសុំការគាំទ្រ និងការលើកទឹកចិត្តពីចម្ងាយឱ្យបានច្រើនពីសំណាក់ប្រជាពលរដ្ឋខ្មែរទាំងអស់គ្នាផង ។
ស៊ន សៀវម៉ី បាននិយាយថា ៖ «ខ្ញុំមិនហ៊ានធានា ទុកមុនបានទេ សម្រាប់លទ្ធផលចាញ់ ឬឈ្នះយ៉ាងណាក្តី ប៉ុន្តែខ្ញុំ នឹងមិនធ្វើឲ្យអ្នកដែលលើកទឹកចិត្ត ខកចិត្តនោះទេ គឺខ្ញុំនឹងខិតខំប្រឹងប្រែងឲ្យអស់ពីសមត្ថភាព»។
ចំណែកឯកីឡាការិនីហូឡង់ Reshmie Oogink ដែលត្រូវប៉ះជាមួយ ស៊ន សៀវម៉ី មានប្រវត្តិចូលរួមប្រកួតក្នុងព្រឹត្តិការណ៍ធំៗ ជាច្រើន ហើយនាងក៏ទើបតែបានទទួលមេដាយមាសក្នុងការប្រកួត WTF President’s Cup ក្នុងប្រភេទទម្ងន់ ៧៣ គីឡូក្រាម និងគ្រងតំណែងលេខ២ ក្នុងការប្រកួតនៅទ្វីបអឺរ៉ុប ដើម្បីទទួលបានសិទ្ធិមកចូលរួមព្រឹត្តិការណ៍អូឡាំពិកនេះ។
នៅក្នុងវិញ្ញាសាតេក្វាន់ដូមានច្រើនប្រភេទ ទម្ងន់ដែល ស៊ន សៀវម៉ី ត្រូវប្រកួតក្នុងប្រភេទ+៦៧គីឡូក្រាម គូប្រកួតរបស់ស៊ន សៀវម៉ី មានមកពីចិន នេប៉ាល់ ហ្វីលីពីន អង់គ្លេស បារាំង ហូឡង់ ម៉ិកស៊ិក កូដឌីវ័រ ស៊ែប៊ី ន័រវេស និងប្រទេសផ្សេងទៀត ដែលក្នុងចំណោមពួកគេ គឺមានច្រើនគ្នា មានប្រវត្តិទទួលបានមេដាយ ។
ស៊ន សៀវម៉ី ជាក្ដីសង្ឃឹមរបស់កម្ពុជា នោះគឺដោយសារតែនាងមានសមត្ថភាពដណ្ដើមកៅអីទៅប្រកួតតំណាងទ្វីបអាស៊ី និងជាកីឡាការិនីល្បីឈ្មោះរបស់កម្ពុជាតែម្នាក់គត់ ដែលមានឱកាសហ្វឹកហាត់បានយូរជាងគេនៅក្នុងប្រទេសប្រេស៊ីល មុនកម្មវិធីប្រកួតមកដល់ ។ យ៉ាងណាក៏ដោយគេមិនទាន់ដឹងថា នៅក្នុងសមរភូមិដណ្ដើមមេដាយអូឡាំពិកលើកដំបូងរបស់វីរកីឡាការិនី តេក្វាន់ដូកម្ពុជារូបនេះ នាងធ្វើបានកម្រិតណាទេ ក្នុងពេលដែលនាងត្រូវសុំប្រជាពលរដ្ឋខ្មែរទាំងអស់គាំទ្រ ពេលនាងប្រកួតនាម៉ោង៨យប់នេះផង ៕
ចែករំលែកព័តមាននេះ