ស្រ្តីមួយចំនួនបានសម្រេចចិត្តតមការរួមភេទ ដោយសារតែហេតុផលផ្សេងៗគ្នា។ អ្នកខ្លះប្រកាន់យ៉ាងខ្ជាប់ខ្ជួនថានឹងមិនរួមភេទទេ ទាល់តែរកឃើញមនុស្សច្បាស់លាស់ជាមុនសិន។ អ្នកខ្លះទៀត មិនមានដៃគូសម្រាប់ការរួមភេទ។ អ្នកខ្លះមានបញ្ហាសុខភាព ដែលធ្វើឱ្យពួកគេមិនអាចរួមភេទបានមួយរយៈ។ តើវាមានបញ្ហាអ្វីខ្លះ នៅពេលស្រ្តីមិនបានរួមភេទ?…
ស្រ្តីមួយចំនួនបានសម្រេចចិត្តតមការរួមភេទ ដោយសារតែហេតុផលផ្សេងៗគ្នា។ អ្នកខ្លះប្រកាន់យ៉ាងខ្ជាប់ខ្ជួនថានឹងមិនរួមភេទទេ ទាល់តែរកឃើញមនុស្សច្បាស់លាស់ជាមុនសិន។ អ្នកខ្លះទៀត មិនមានដៃគូសម្រាប់ការរួមភេទ។ អ្នកខ្លះមានបញ្ហាសុខភាព ដែលធ្វើឱ្យពួកគេមិនអាចរួមភេទបានមួយរយៈ។ តើវាមានបញ្ហាអ្វីខ្លះ នៅពេលស្រ្តីមិនបានរួមភេទ? ថ្ងៃនេះ អ្នកនឹងបានស្គាល់ផលប៉ះពាល់៣យ៉ាង ទៅលើរាងកាយស្រ្តី នៅពេលពួកគេតមមិនរួមភេទក្នុងរយៈពេលយូរ។
១. បញ្ហាប្រព័ន្ធភាពស៊ាំ
ការរួមភេទទៀងទាត់ជួយពង្រឹងប្រព័ន្ធការពាររាងកាយ និងរៀបចំរាងកាយដើម្បីប្រយុទ្ធប្រឆាំងនឹងជំងឺដោយការបញ្ចេញអរម៉ូនអង់ដូហ្វីន (Endorphins)។ នេះមានន័យថា ការរួមភេទតិចជាងនេះអាចបណ្តាលឱ្យមានជំងឺញឹកញាប់ជាងមុនដូចជាជំងឺផ្តាសាយ ឬគ្រុនផ្តាសាយ។ ការសិក្សាមួយបានរាយការណ៍ថា សំណាកទឹកមាត់របស់និស្សិតមហាវិទ្យាល័យដែលរួមភេទជាទៀងទាត់ត្រូវបានគេរកឃើញថាមានកំហាប់ខ្ពស់នៃអង្គបដិប្រាណមួយចំនួនហៅថា immunoglobulin A ដែលប្រឆាំងនឹងជំងឺផ្តាសាយធម្មតា។
២. បញ្ហាសុខភាពទ្វារមាស
ការរួមភេទបន្ទាប់ពីខានយូរ អាចធ្វើឱ្យមានភាពឈឺចាប់។ វាត្រូវចំណាយពេលយូរជាងមុនសម្រាប់រាងកាយមនុស្សស្រីដើម្បីសម្រើប និងផលិតទឹករំអិលគ្រប់គ្រាន់ ដើម្បីធ្វើឱ្យការរួមភេទមានភាពងាយស្រួល និងមានផាសុកភាព។ ការរួមភេទទៀងទាត់ ឬការសម្រេចកាមដោយខ្លួនឯង អាចរក្សាជាលិកាក្នុងទ្វារមាសរបស់អ្នកឱ្យមានសុខភាពល្អ ដោយធ្វើឱ្យលំហូរឈាមប្រសើរឡើង។
៣. បញ្ហាឈឺចាប់ពេលមករដូវ
មនុស្សមួយចំនួនយល់ឃើញថា ការរួមភេទជាមធ្យោបាយដោះស្រាយដ៏ល្អសម្រាប់ការឈឺចាប់ពេលមានរដូវ។ ការកើនឡើងនៃអរម៉ូនអង់ដូហ្វីន ដែលបណ្តាលមកពីការរួមភេទ ក៏ដូចជាការកន្ត្រាក់ស្បូនដែលកើតឡើងជាមួយនឹងការឈានដល់ចំណុចកំពូលអាចជួយបន្ថយចុកមួល។ អ្នកមិនចាំបាច់រួមភេទ ដើម្បីទទួលបានអត្ថប្រយោជន៍ទាំងនេះទេ ការសម្រេចកាមដោយខ្លួនឯងអាចមានឥទ្ធិពលដូចគ្នា៕
ចែករំលែកព័តមាននេះ