ការខានរួមភេទក្នុងរយៈពេលយូរ អាចជាជម្រើសរបស់បុគ្គលម្នាក់ៗ ឬក៏ មកពីគ្មានដៃគូសម្រាប់រួមភេទ។ ការរួមភេទ គ្រាន់តែជាផ្នែកមួយនៃជីវិត ដែលមនុស្សគ្រប់គ្នាអាចមានក៏បាន អត់ក៏បាន។ ប៉ុន្តែសម្រាប់មនុស្សភាគច្រើន វាជាសកម្មភាពដែលសប្បាយរីករាយ បំបាត់ទុក្ខកង្វល់។ តើនឹងមានអ្វីកើតឡើង ប្រសិនបើយើងខានរួមភេទយូរ? ថ្ងៃនេះ អ្នកបានស្គាល់ពីផលប៉ះពាល់លើសុខភាពផ្លូវចិត្តរបស់អ្នក ដែលបណ្តាលមកពីការមិនរួមភេទ។
១. កើនឡើងកម្រិតស្ត្រេស និងថប់បារម្ភ
ការរួមភេទបញ្ចេញអរម៉ូនអង់ដូហ្វីន (endorphins) និង អរម៉ូនអុកស៊ីតូស៊ីន (Oxytocin) ចូលទៅក្នុងរាងកាយ។ សារធាតុសរសៃប្រសាទទាំងនេះអាចជួយគ្រប់គ្រងឥទ្ធិពលនៃការថប់បារម្ភ ឬភាពតានតឹង។ អុកស៊ីតូស៊ីនមានអត្ថប្រយោជន៍បន្ថែមក្នុងការជួយឱ្យអ្នកគេងលក់ស្រួល។ ប្រសិនបើអ្នកមិនរួមភេទទៀងទាត់ទេ រាងកាយរបស់អ្នកអាចនឹងបញ្ចេញអរម៉ូនទាំងនេះតិចជាងមុន ដែលអាចធ្វើឱ្យពិបាកទប់ទល់នឹងភាពតានតឹង។
២. បញ្ហាចំណង់ផ្លូវភេទ
គួរឱ្យភ្ញាក់ផ្អើល ការមិនបានរួមភេទក្នុងរយៈពេលយូរ អាចធ្វើឱ្យអ្នកបាត់បង់ចំណាប់អារម្មណ៍លើការរួមភេទទាំងស្រុង។ ការរួមភេទកាន់តែច្រើន អ្នកកាន់តែចង់រួមភេទ។ ការរួមភេទទៀងទាត់ជួយបង្កើនចំណង់ផ្លូវភេទរបស់អ្នក។
៣. បញ្ហាក្នុងទំនាក់ទំនងស្នេហា
សម្រាប់គូស្វាមីភរិយាជាច្រើន ការរួមភេទជាទៀងទាត់ គឺជាមធ្យោបាយដ៏សំខាន់មួយដើម្បីរក្សាចំណងស្នេហ៍របស់ពួកគេ។ ការរួមភេទជាប្រចាំក៏ជាញឹកញាប់នាំឱ្យមានទំនាក់ទំនងល្អជាងមុនដែរ។ ជាទូទៅ គូស្វាមីភរិយាដែលរួមភេទច្រើនដងច្រើនតែមានអារម្មណ៍ជាប់ចិត្ត និងទាក់ទងគ្នាច្រើន បើប្រៀបធៀបជាមួយអ្នកដែលមិនសូវបានរួមភេទ៕
ចែករំលែកព័តមាននេះ