លោក ស សុខា ៖ កីឡាប៊ូល និងប៉េតង់កំពុងតែឈានមុខគេក្នុងការដណ្ដើមមេដាយជូនជាតិ
- ភ្នំពេញ
រាជធានីភ្នំពេញ ៖ ឯកឧត្តម ស សុខា ប្រធានសហព័ន្ធកីឡាប៊ូលនិងប៉េតង់កម្ពុជាគោលបំណងនៃការរៀបចំការ
រាជធានីភ្នំពេញ ៖ ឯកឧត្តម ស សុខា ប្រធានសហព័ន្ធកីឡាប៊ូលនិងប៉េតង់កម្ពុជាគោលបំណងនៃការរៀបចំការប្រកួតជ្រើសរើសជើងឯកថ្នាក់ជាតិឆ្នាំនេះគឺដើម្បីស្វែងរកគ្រាប់ពេជ្រដែលមិនទាន់ដុះនិងជម្រុញទៅដល់គណៈកម្មការរៀបចំការប្រកួតធ្វើការវាយតម្លៃឱ្យបានច្បាស់អំពីធនធានកីឡាសម្រាប់ត្រៀមចូលរួមប្រកួតកីឡាស៊ីហ្គេមនៅវៀតណាមនិងការប្រកួតកីឡាស៊ីហ្គេមនៅកម្ពុជានាឆ្នាំ២០២៣ ។
ឯកឧត្តមានប្រសាសន៍បែបនេះនៅក្នុងឱកាសបើការប្រកួតជ្រើសជើងឯកថ្នាក់ជាតិប្រចាំឆ្នាំ២០២១និងការបើកសម្ពោធឱ្យប្រើប្រាស់ទីលានប៊ូលនិងប៉េតង់នៅវិទ្យាស្ថានជាតិអប់រំកាយនិងកីឡាក្នុងសង្កាត់ស្វាយប៉ាក ខណ្ឌឬស្សីកែវ កាលពីព្រឹកថ្ងៃសុក្រ ទី៤ មីនា ឆ្នាំ២០២២។
ឯកឧត្តមាន ស សុខា បានមានប្រសាសន៍លើកឡើងទៀតថា ការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០២១នេះ ត្រូវបានលើកពេលរហូតមកទល់ឆ្នាំ២០២២ ដែលជាពេលវេលាដ៏សមស្របមួយ ។ ហើយស្របពេលដែលយើងត្រូវធ្វើការបើកសម្ពោធទីលានប្រកួតកីឡាប៊ូលនិងប៉េតង់ផងដែរ ដើម្បីចូលរួមលើកស្ទូយវិស័យកីឡាប៊ូល និងប៉េតង់ក៏ដូចជាការពង្រឹងសមត្ថភាព និងការផ្ដល់ឱកាសទៅដល់ប្អូនៗកីឡាករ កីឡាការិនីបានហ្វឹកហាត់ ត្រៀមចូលរួមប្រកួតកីឡាស៊ីហ្គេមលើកទី៣១នៅទីក្រុងយប្រទេសហាណូយប្រទេសវៀតណាមនិងការប្រកួតកីឡាស៊ីហ្គេមលើកទី៣២ឆ្នាំ២០២៣ដែលកម្ពុជាទទួលធ្វើជាម្ចាស់ផ្ទះ។
ឯកឧត្តបានមានប្រសាសន៍លើកឡើងទៀតថា រហូតមកទល់ពេលនេះយើងមានទីលានប្រកួតជាផ្លូវការ៣ធំៗដែលអាចទទួលការប្រកួតជាលក្ខណៈជាតិនិងអន្តរជាតិបាន ហើយចំពោះទីលាននិមួយៗគឺមានកម្រិតស្តង់ដាអន្តរជាតិត្រឹមត្រូវ ម្យ៉ាងវិញទៀតឯកឧត្តមធ្លាប់បានឱ្យដឹងទៀតថា លោកធ្លាប់បានធ្វើដំណើរទៅកាន់ប្រទេសហ្វីលីពីនម្ដងដែរកាលណោះ ដោយឯកឧត្តបានកត់សម្គាល់ឃើញថាទីលាននៅស្រុកគេមិនល្អដូចទីលានរបស់យើងនោះទេ។ដូច្នេះសម្រាប់ទីលានរបស់យើងដែលបានធ្វើការសម្ពោធថ្ងៃនេះក៏អាចទទួលរៀបចំការប្រកួតកីឡាស៊ីហ្គេមឆ្នាំ២០២៣បាន។
តាមរយៈរបាយការណ៍របស់លោកព្រំ ប៊ុនយីទីប្រឹក្សាក្រសួងអប់រំយុវជនិងកីឡាសម្រាប់ការប្រកួតជ្រើសរើសជើងឯកថ្នាក់ជាត់ឆ្នាំនេះ សម្រាប់សមាសភាពចូលរួមមានចំនួន១៨៦នាក់ បុរសមានចំនួន១១៩ស្ត្រី៦៧។ទន្ទឹមជាមួយគ្នានេះដែរសហព័ន្ធក៏បានធ្វើទេសរកឃើញអ្នកកើតជម្ងឺកូវីដ-១៩ ចំនួន១១នាក់(ស្ត្រី៨នាក់) ប៉ុន្តែទោះបែបនេះក្ដីក៏យើងមិនត្រូវយកបញ្ហាកូ វីដនេះមកធ្វើជាបញ្ហាដែលមិនអាចរៀបចំកម្មវិធីប្រកួនេះបានដែរ តែយើងក៏មិនត្រូវមើលរំលងបានដែរ គឺត្រូវមានការប្រុងប្រយ័ត្នទាំងអស់គ្នា។
ឯកឧត្តមក៏បានលើកឡើងផងដែរចំពោះប្អូននៅតាមបណ្ដាខេត្តមួយចំនួនមានទេពកោសល្យល្អអាចធ្វើការប្រកួតប្រជែងជាមួយបងៗដែលជាក្រុមជម្រើសជាតិបាន មូលហេតុនេះហើយក្នុងនាមប្រធានសហព័ន្ធកីឡាប៊ូលនិងប៉េតង់កម្ពុជាសូមធ្វើការលើកទឹកចិត្ត ហើយក៏សំណូមពរទៅដល់គ្រប់ស្ថាប័នទាំងថ្នាក់រាចធានីខេត្តដែលស្រឡាញ់វិស័យកីឡាមួយនេះ ចូលរួមឱ្យបានសកម្មទាំងការផ្ដល់នូវថវិកា ធ្វើដំណើរ ហូបចុក ជាពិសេសក៏សាងទីលានឱ្យបានត្រឹមត្រូវតាមក្បួនខ្នាតអន្តរជាតិ។
ឯកឧត្តមបានសន្យាហើយថានិងរៀបចំឱ្យមានកម្មវិធីប្រកួតផ្សេងៗនៅតាមបណ្ដារខេត្តឱ្យបានច្រើន។សហព័ន្ធកីឡាប៊ូលនិងប៉េតង់កម្ពុជាពិតជាមានមោទនៈភាពខ្លាំងណាស់គឺរយៈពេល៣០ឆ្នាំចុងក្រោយមកនេះវិស័យកីឡាមួយនេះយើងដណ្ដើមបានមេដាយពីការប្រកួតទៅដល់៣៧០គ្រឿង ក្នុងនោះមេដាយមាស១០៨គ្រឿងមេដាយប្រាក់ចំនួន១៣១និងមេដាយសំរឹទ្ធ១៣១គ្រឿង ។ ដូច្នេះបើសិនធ្វើការវាយតម្លៃជារួមក្នុងចំណោមសហព័ន្ធជា៤០ សហព័ន្ធបូលនិងប៉េតង់ឈានមុខគេទាំងការដណ្ដើមយកមេដាយពីថ្នាក់ជាតិនិងអន្តរជាតិ ៕
ចែករំលែកព័តមាននេះ