បាល់ទាត់កម្ពុជាមានសង្ឃឹមហើយ ក្រោយពីនាយកប្រតិបត្តិក្រុមហ៊ុនលីគ លោក Satoshi Saito ប្តេជ្ញាជួយ
- ភ្នំពេញ
រាជធានីភ្នំពេញ ៖ លោក Satoshi Saito នាយកប្រតិបត្តិក្រុមហ៊ុនលីគបាល់ទាត់កម្ពុជា (Cambodian Premier L
រាជធានីភ្នំពេញ ៖ លោក Satoshi Saito នាយកប្រតិបត្តិក្រុមហ៊ុនលីគបាល់ទាត់កម្ពុជា (Cambodian Premier L
រាជធានីភ្នំពេញ ៖ លោក Satoshi Saito នាយកប្រតិបត្តិក្រុមហ៊ុនលីគបាល់ទាត់កម្ពុជា (Cambodian Premier L eague – CPL) បានសម្ដែងនូវការប្តេជ្ញាចិត្តជួយឲ្យសុបិន្តរបស់បាល់ទាត់កម្ពុជាក្លាយជាការពិត។ នេះបើយោងតាមការបញ្ជាក់ដោយបុរសជនជាតិជប៉ុនរូបនេះ ក្នុងកម្មវិធី CPL Press Kickoff Event 2022 ធ្វើឡើងកាលពីរសៀលថ្ងៃទី២ ខែមីនា ឆ្នាំ២០២២។
ក្នុងកម្មវិធី CPL Press Kickoff Event 2022 ដែលជាកម្មវិធីបង្ហាញឯកសណ្ឋានថ្មីរបស់ក្លិបបាល់ទាត់ ទាំង៨នៃលីគកំពូលកម្ពុជា និងការបង្ហាញនៅចំណាប់អារម្មណ៍របស់កីឡាករ ដែលត្រៀមសម្រាប់រដូវកាលថ្មី នាយកប្រតិបត្តិ លោក Satoshi Saito ដែលជាថ្នាក់ដឹកនាំរបស់ CPL បានបង្ហាញនូវក្ដីសង្ឃឹមយ៉ាងខ្លាំងក្នុងការធ្វើអោយលីគបាល់ទាត់កម្ពុជាឈានឡើង។
មានប្រសាសន៍នៅក្នុងកម្មវិធី លោក Satoshi Saito បានបង្ហើឲ្យដឹងពីមូលហេតុចំបងដែលលោកចូលខ្លួនមកជួយបាល់ទាត់កម្ពុជាយ៉ាងដូច្នេះថា «តើអ្នកដឹងទេហេតុអ្វីខ្ញុំមានវត្តមាននៅទីនេះ ព្រោះខ្ញុំចង់ឲ្យបាល់ទាត់កម្ពុជា មានការរីកចម្រើន ហើយឈានទៅដល់កម្រិតមួយទៀត និងបង្កើតប្រវត្តិសាស្ត្រជាមួយគ្នា។
លោកបន្តថា ខ្ញុំមកដល់កម្ពុជាលើកដំបូងក្នុងឆ្នាំ២០១៤ ក្នុងនាមជាទីប្រឹក្សារបស់ FIFA ហើយខ្ញុំក៏ធ្វើការជាមួយ J.League របស់ជប៉ុនផងដែរ ខ្ញុំបានឃើញក្មេងជាច្រើនលេងបាល់ទាត់ ហើយរីករាយជាមួយបាល់ទាត់ និងពោរពេញទៅដោយមហិច្ឆតាខ្ពស់ ប៉ុន្តែបាល់ទាត់មិនត្រូវបានគេមើលឃើញថាជាមុខរបរ ឬក៏ជាការងារអាជីពនោះទេ ហើយខ្ញុំក៏បានគិតក្នុងចិត្តខ្លួនឯងថា យុវជនទាំងនោះពួកគាត់ត្រូវការទិសដៅ ឬក៏អ្នកនាំផ្លូវនៅក្នុងវិស័យកីឡាបាល់ទាត់ដ៏ត្រឹមត្រូវមួយ ហើយជម្រុញឲ្យការលេងបាល់ទាត់របស់គេក្លាយជាវិស័យឧស្សាហកម្មបាល់ទាត់នៅកម្ពុជា។
លោកបន្តទៀតថា «នៅពេលដែលខ្ញុំត្រឡប់ទៅប្រទេសជប៉ុនវិញ ខ្ញុំនៅតែបន្តរក្សាទំនាក់ទំនងជាមួយនាយឧត្តមសេនីយ៍ សៅ សុខា ប្រធានសហ័ន្ធកីឡាបាល់ទាត់កម្ពុជា ហើយខ្ញុំក៏បានចាំនូវអ្វីដែលយើងបានជួបគ្នានៅកម្ពុជា គាត់បាននិយាយថា កម្ពុជា ជាប្រទេសដ៏ក្មេងខ្ចី ហើយពោរពេញទៅដោយយុវជន ហើយយុវជនទាំងនេះត្រូវការក្ដីស្រមៃ រៀនពីរបៀបស្រមៃឲ្យធំ ត្រូវមានភាពជឿជាក់លើខ្លួនឯង ហើយតាមរយៈកីឡាបាល់ទាត់ពិភពលោកឃើញថាយុវជនទាំងនេះអាចរៀនពីរបៀបដែលធ្វើឲ្យសុបិន្តរបស់ពួកគេក្លាយជាការពិត ហើយពេលនោះនាយឧត្តមសេនីយ៍ សៅ សុខា ក៏បានសួរសំណួរមកខ្ញុំថា តើលោកអាចជួយប្រទេសរបស់យើងក្នុងវិស័យបាល់ទាត់បានដែរឬទេ?
លោក Satoshi Saito បានបញ្ជាក់បន្ថែមថា ដូច្នេះបន្ទាប់ពី៨ឆ្នាំ ខ្ញុំពិតជាមានកិត្តិយសណាស់ ដែលត្រូវបានតែងតាំងដោយនាយឧត្តមសេនីយ៍ សៅ សុខា និងគណៈកម្មាធិការប្រតិបត្តិដែលហៅកាត់ថា FFC ឲ្យខ្ញុំក្លាយទៅជា CEO ឬក៏នាយកប្រតិបត្តិនៃលីគកំពូលកម្ពុជា ហើយខ្ញុំមានការតាំងចិត្តខ្ពស់ចំពោះគម្រោងនេះ ដើម្បីឲ្យសុបិន្តរបស់កម្ពុជាក្លាយជាការពិត ខ្ញុំអាចនិយាយបានថា អនាគតនៃបាល់ទាត់កម្ពុជានឹងភ្លឺស្រឡាង ប៉ុន្តែស្របពេលជាមួយគ្នាដែរ ខ្ញុំនឹងជំរុញអ្នក ខ្ញុំនឹងធ្វើឲ្យអ្នកពុះពារគ្រប់ឧបសគ្គ! ធ្វើវាឲ្យបាន! ប្រឹងប្រែងធ្វើវាឡើង នឹងប្រឹងប្រែងបន្ថែមទៀតដើម្បីធ្វើឲ្យសុបិន្តរបស់យើងក្លាយជាការពិត»។
គួររំឭកថា ចាប់តាំងពីត្រូវបានតែងតាំងជានាយកប្រតិបត្តិក្រុមហ៊ុនលីគបាល់ទាត់កម្ពុជា លោក Satoshi Saito បានធ្វើឲ្យលីគបាល់ទាត់កម្ពុជា មានការកែប្រែទម្រង់ និងមុខមាត់ជាច្រើន ជាក់ស្ដែងដូចជាការកំណត់លក្ខន្តិកៈក្លិបដែលចូលរួមលីគកំពូល រហូតដល់ឈានទៅកាត់ចេញក្រុមចំនួន៥ ពីលីគកំពូលកម្ពុជា ឆ្នាំចាស់ដែលពុំទាន់បំពេញលក្ខខណ្ឌគ្រប់គ្រាន់ ឲ្យទៅលេងលីគទី២, លីគទី២ ចាប់ផ្ដើមឲ្យមានការប្រកួតប្រជែងពិសេសជាងឆ្នាំមុនៗ ដោយលេងដំណាលគ្នាជាមួយលីគកំពូល និងជាពិសេសអនុញ្ញាតឲ្យមានកីឡាករបរទេស រួមទាំងការងារសំខាន់ៗមួយចំនួនទៀតថែមទៀតផង ៕
ចែករំលែកព័តមាននេះ