គ្រូបង្វឹកក្រុមកម្ពុជា បោះសម្តី១ឃ្លាលើកទឹកចិត្តក្រុម ក្រោយប្រឈមហាលអាវលើទឹកដីខ្លួនឯង
- ភ្នំពេញ
រាជធានីភ្នំពេញ ៖ ផ្អែកលើស្ថានភាពបច្ចុប្បន្ន កម្ពុជាដែលមាន៦ពិន្ទុក្នុងដៃហើយបានឈរត្រឹមលេខ២ក្នុងពូល មិន
រាជធានីភ្នំពេញ ៖ ផ្អែកលើស្ថានភាពបច្ចុប្បន្ន កម្ពុជាដែលមាន៦ពិន្ទុក្នុងដៃហើយបានឈរត្រឹមលេខ២ក្នុងពូល មិន
រាជធានីភ្នំពេញ ៖ ផ្អែកលើស្ថានភាពបច្ចុប្បន្ន កម្ពុជាដែលមាន៦ពិន្ទុក្នុងដៃហើយបានឈរត្រឹមលេខ២ក្នុងពូល មិនអាចបានឡើងវគ្គ១ភាគ៤បានឡើយ ដោយសារតែវៀតណាមដែលស្ថិតនៅជាលេខ២ក្នុងពូលជាបណ្ដោះអាសន្នដែរ គឺមានពិន្ទុល្អជាង និង គ្រាប់បាល់ល្អជាង។ កម្ពុជាកំពុងប្រឈមហាលអាវនៅលើទឹកដីខ្លួនឯង ព្រោះនឹងមានក្រុមលេខ២ក្នុងពូលទាំង៣តែមួយគត់ ដែលត្រូវជ្រើសអោយប្រកួតវគ្គខ្វែង ដែលការបាត់បង់ឱកាសនេះគឺដោយសារកីឡាករកម្ពុជាខ្លួនឯងតែតបាល់បញ្ចូលទីខ្លួនឯង។ ជាមួយនឹងការបាក់ទឹកចិត្តទាំងកីឡាករក្នុងក្រុមទាំងមូល និងអ្នកគាំទ្រនេះ គ្រូបង្វឹកជាជនជាតិជប៉ុន លោក Ryu Hirose បានលើកឡើងនូវពាក្យមួយឃ្លាជាការលើកទឹកចិត្ត និងជំរុញកុំអោយកីឡាករកម្ពុជាបាក់ទឹកចិត្តក្នុងស្ថានភាពដ៏តានតឹងនេះ។
ការលើកឡើងរបស់លោក Ryu Hirose ត្រូវបានអ្នកខ្លះចាត់ទុកគឺជាការលើកទឹកចិត្តមួយដ៏ធំ ហើយបើទោះជាក្រុមកម្ពុជាមិនអាចបន្តឡើងទៅប្រកួតនៅវគ្គ១ភាគ៤ តែក៏ចាត់ទុកថាគឺជាបទពិសោធន៍មួយផងដែរ។ ទន្ទឹមនឹងការសម្ដែងនូវការសោកស្ដាយមួយដ៏ធំ លោក Ryu Hirose គ្រូបង្វឹកក្រុម U23 កម្ពុជា ដែលជាអ្នកទទួលខុសត្រូវមួយដ៏ធំរបស់ក្រុម ក្រោយពីក្រុមរបស់កម្ពុជា ចាញ់ ក្រុម U23 ទីម័រខាងកើត ក្នុងជំនួបបញ្ចប់ពូល A នៃពានរង្វាន់ AFF U23 Championship 2022 នៅពហុកីឡដ្ឋានជាតិមរតកតេជោ កាលពីថ្ងៃទី២០ កុម្ភៈ ឆ្នាំ២០២០ បានលើកឡើងថា«
ការប្រកួតនេះ ពិតជាការប្រកួតដែលតានតឹង និងពិបាកសម្រាប់យើងបើធៀបនឹង២ប្រកួតមុន។ ចាប់តាំផ្ដើមការប្រកួតនៃវគ្គទី១ យើងមិនអាចរក្សាការអត់ធ្មត់របស់យើង ដើម្បីប្រកួត ហើយយើងក៏មិនអាចរក្សាការគ្រប់គ្រងបាល់បាន និងមិនអាចធ្វើអ្វីដែលយើងចង់បាន។ យើងត្រូវតែរៀនយកយកឈ្នះការប្រកួតដែលសំខាន់ដូច្នេះ ដើម្បីទៅវគ្គផ្ដាច់ព្រ័ត្រ ក៏ដូចជាពានរង្វាន់ដទៃទៀតផងដែរ»។
ការលើកឡើងរបស់លោកត្រូវបានអ្នកគាំទ្រភាគច្រើនពេញចិត្ត តែការបរាជ័យនេះ ក៏ធ្វើអោយលោករងការរិះគន់ថា គឺជាអ្នកធ្វើអោយក្រុមកម្ពុជាបរាជ័យផងដែរ ដោយសារតែនៅក្នុងការប្រកួតជាមួយក្រុមទីម័រនោះ គឺក្រុមកម្ពុជាត្រូវបានគ្រូបង្វឹក គឺលោក និងអ្នកទទួលខុសត្រូវដទៃទៀត ផ្លាស់ប្ដូរទម្រង់លេង ដែលលទ្ធផលចេញមក គឺបរាជ័យ។ ទម្រង់លេងដែលបានផ្លាស់ប្ដូរនេះ ក៏មានសភាពប្រសេចប្រសាចមិនសូវល្អផងដែរ ដោយសារតែក្រឡាលេងរបស់កីឡាករ គឺមិនសូវសង់តង់ ហើយដាក់កីឡាករក្នុងតង់ទី១ ក៏លេងមិនសូវស៊ីសង្វាក់គ្នា ដែលបណ្ដាលអោយការគ្រប់គ្រងបាល់មានភាគរយតិច ហើយកីឡាករទៀតសោត ក៏ចែកបាល់ក៏មិនសូវល្អ ដូចទម្រង់លេងជាមួយក្រុមប្រុយណេ និង ហ្វីលីពីន ដែលលេងបានល្អរហូតមក។
ការតែតបាល់បញ្ចូលទីដោយខ្លួនឯងរបស់កីឡាករ សាទី ពាក់ស្លាកលេខ១៧ ក៏ចាត់ទុកថាគឺជាធ្វេសប្រហែសមួយរបស់អ្នកចាំទីផងដែរ ដោយអ្នកខ្លះលើកឡើងថា មកពីកីឡាករកម្ពុជា គឺសាទី ដណ្ដើមបានបាល់ពីក្រុមទីម័រ គឺជាអ្នកតែត ហើយយល់ថា នឹងជួយសង្គ្រោះបាល់នោះបាន ទើបអ្នកចាំទីប្រហែសមួយពេល ហើយចៃដន្យគ្រាប់បាល់ក្រោយពេលតែត គឺវាឡើងមិនផុតតារាង ទើបចូលក្នុងហ្គោនដោយស្រួលយ៉ាងនេះ។
យ៉ាងណាមិញ យោងតាមការបង្ហោះរបស់លោក Ryu Hirose គឺស្នើមិនអោយដាក់កំហុសលើអ្នកណាម្នាក់ និង ចាត់ទុកថានោះគឺជាភាពតានតឹង ដែលក្រុមបានទទួល ដោយអ្វីគ្រប់យ៉ាងគឺទាំងលោក និង ក្រុមទាំងមូលបានធ្វើអោយពីចិត្តពីថ្លើមហើយ តែលទ្ធផលនៅតែមិនអាចទៅរួច ដោយលោកបន្តថា នេះគឺជាបទពិសោធន៍ថ្មីមួយ ដែលកម្ពុជាត្រូវតែខំកែតម្រូវ និង តស៊ូទៅមុខទៀត។
លោកនៅតែលើកទឹកចិត្តថា អ្វីដែលកម្ពុជាធ្វើបាននៅក្នុងការប្រកួតនេះ តាំងពីដើមដល់ចប់ គឺលទ្ធផលដ៏ល្អហើយ ហើយលោកក៏រំពឹងថា នឹងកាន់តែល្អថែមជាងនេះទៀត សម្រាប់ការប្រកួតលើឆាកអន្តរជាតិថែមទៀតនោះផង។ សាររបស់គ្រូបង្វឹករូបនេះ ក៏ជាការលួងចិត្តកីឡាករ និងអ្នកគាំទ្រដែលកំពុងបាក់ទឹកចិត្តនៅក្នុងពេលនេះផងដែរ៕
ចែករំលែកព័តមាននេះ