គ្រោះផ្ទួនៗ! ទឹកជំនន់ផង និងបាក់ដីផង មនុស្សស្លា.ប់យ៉ាងតិច៩៤នាក់ (វីដេអូ)
មនុស្សយ៉ាងតិច៩៤នាក់បានត្រូវស្លា.ប់ ក្រោយគ្រោះទឹកជំនន់យ៉ាងសាហា.វ ដែលបណ្ដាលឲ្យមានការបាក់ដី និងទឹកជំនន់
ប្រទេសប្រេស៊ីល ៖ មនុស្សយ៉ាងតិច៩៤នាក់បានត្រូវស្លា.ប់ ក្រោយគ្រោះទឹកជំនន់យ៉ាងសាហា.វ ដែលបណ្ដាលឲ្យមានការបាក់ដី និងទឹកជំនន់ ក្នុងទីក្រុងទេសចរណ៍ប្រេស៊ីល PETROPOLIS ជិតក្រុងរីយ៉ូដឺហ្សាណឹរ៉ូ ។
តុល្យការផ្លូវការចុងក្រោយរៀបរាប់ពីមនុស្សស្លា.ប់៤៤នាក់ ក្នុងទីក្រុង PETROPOLIS ដែលមានភ្លៀងធ្លាក់ខ្លាំងបំផុត។ ប្រទេសប្រេស៊ីលក្នុងរដូវភ្លៀងនេះ ក៏មានភ្លៀងធ្លាក់ខ្លាំងដែរ ក្នុងរដ្ឋ BAHIA រដ្ឋMINAS GERAIS និងរដ្ឋSAO PAULO ដែលពួកអ្នកជំនាញការថា មកពីការកើនកម្ដៅបរិយាកាស។
បណ្ដាអ្នកវិទ្យាសាស្ត្រនិយាយថា ជាមួយការកើនកម្ដៅគ្រោះថ្នាក់នានា តែងកើតមានដោយសារភ្លៀងធ្លាក់ខ្លាំង។ ភ្លៀងខ្លាំងបែបនេះនៅប្រេស៊ីល រួមបញ្ចូលជាពិសេសការពង្រីកក្រុង ការកា.ប់បំផ្លាញព្រៃឈើ នាំឲ្យមានទឹកជំនន់និងការបាក់ដីសម្លា.ប់មនុស្ស។
ពួកអ្នកជួយសង្ក្រោះមានអ្នកពន្លត់ភ្លើងជាង១៨០នាក់ និងទាហានប្រមាណ៤០០នាក់ ស្ថិតក្នុងទីក្រុង PETROPOLIS ដោយកាយដីភក់ក្នុងទីក្រុងតំបន់ភ្នំនេះ។ បណ្ដាក្រុមពិសេសខាងរុករក និងជួយសង្គ្រោះ ត្រូវបានបញ្ជូនទៅ ដើម្បីពង្រឹងកិច្ចសហការ សង្គ្រោះជាមួយជំនួយរបស់បណ្ដារថយន្តនិងនាវាក្នុងទីក្រុងដែលរងការបំផ្លាញដោយទឹកភក់។ ភក់បានកប់ផ្ទះទាំងឡាយ ដោយទឹកបន្តហូរចាក់មកពីបណ្ដាកូនភ្នំ។ រថយន្តជាច្រើនត្រូវទឹកភក់កួចនាំយកទៅជាមួយ។ ហាងនានាត្រូវទឹកជន់លិចដែលលិចទាំងបណ្ដាវិថី នាភាគកណ្ដាលក្រុងPETROPOLIS។
សាលាក្រុងនេះមានប្រជាជន៣០០.០០០នាក់ កាលពីយប់ថ្ងៃទី១៥ ខែកុម្ភៈ ឆ្នាំ២០២២ បានចេញការប្រកាសអាសន្នហើយអភិបាលរដ្ឋ លោក CLAUDIO CASTRO បានទៅកាន់តំបន់រងគ្រោះ។ ការកាន់ទុកជាតិ៣ថៃ្ងត្រូវបានប្រកាស៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ