ដួលម៉ូតូខ្ទាតចូលក្រោមឡាន កិនបែកក្បាលស្លា.ប់ភ្លាមៗ
ខេត្តកណ្តាល ៖ បុរសម្នាក់ប្រកបមុខរបរទិញមាន់លក់ដើម្បីចិញ្ចឹមជីវិតបានស្លា.ប់យ៉ាងអណោចអធម្ម ក្នុងឧប្បត្តិហេតុគ្រោះថ្នាក់ចរាចរណ៍ កាលពីវេលាម៉ោង
ខេត្តកណ្តាល ៖ បុរសម្នាក់ប្រកបមុខរបរទិញមាន់លក់ដើម្បីចិញ្ចឹមជីវិតបានស្លា.ប់យ៉ាងអណោចអធម្ម ក្នុងឧប្បត្តិហេតុគ្រោះថ្នាក់ចរាចរណ៍ កាលពីវេលាម៉ោង
ខេត្តកណ្តាល ៖ បុរសម្នាក់ប្រកបមុខរបរទិញមាន់លក់ដើម្បីចិញ្ចឹមជីវិតបានស្លាប់យ៉ាងអណោចអធម្ម ក្នុងឧប្បត្តិហេតុគ្រោះថ្នាក់ចរាចរណ៍ កាលពីវេលាម៉ោង១២និង៣០នាទីរសៀល ថ្ងៃទី២៧ ខែកក្កដា ឆ្នាំ២០១៦ លើកំណាត់ផ្លូវជាតិលេខ១ចំណុចចន្លោះបង្គោលគីឡូម៉ែត្រលេខ២១-២២ ស្ថិតក្នុងភូមិកោះចិន ឃុំគគីរ ស្រុកកៀនស្វាយ ខណៈជនរងគ្រោះជិះម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ផ្លាកលេខភ្នំពេញ1FM-5510 ក្នុងទិសដៅពីអ្នកលឿងទៅភ្នំពេញហើយប៉ះជាមួយរថយន្តដឹកដីបណ្តាលឲ្យដួលខ្ទាតមនុស្សទៅចូលក្រោមរថយន្តកុងតឺនរ័ ហើយកិនស្លាប់យ៉ាងអណោចអធម្ម។
ប្រភព័ត៌មានបាននិយាយថា មុនពេលកើតហេតុគេឃើញជនរងគ្រោះដែលគេស្គាល់ថាឈ្មោះ ឆេង ដា ភេទប្រុស អាយុ២២ឆ្នាំ មានទីលំនៅភូមិជ្រួល ឃុំកន្សោមអក ស្រុកកំពុងត្របែក ខេត្តព្រៃវែង បានបើកម៉ូតូខាងលើក្នុងទិសដៅពីអ្នកលឿងទៅភ្នំពេញ។ ស្រាប់តែដល់ចំណុចខាងលើក៏ត្រូវឡានដឹកដីមិនស្គាល់ម៉ាកថយចាក់ដីនៅខាងស្តាំដៃមកប៉ះម៉ូតូ បណ្តាលឲ្យដួលខ្ទាតអ្នកបើកបរម៉ូតូចូលក្រោមរថយន្តកុងតឺរ័ ដែលកំពុងបើកបរបញ្ច្រាសទិសគ្នា បណ្តាលឲ្យកិនជនរងគ្រោះខ្ទេចក្បាលស្លាប់យ៉ាងអណោចអធម្មតែម្តង។ ចំណែករថយន្តបង្កទាំង២គ្រឿង បានរត់គេចខ្លួនបាត់ស្រមោល។
ទោះបីជាមានគោលដៅចរាចរណ៍នៅខាងមុខក៏រត់រួចខ្លួនដែរ នៅសល់តែម៉ូតូជនរងគ្រោះនៅកន្លែងកើតហេតុ ត្រូវសមត្ថកិច្ចនគរបាលចរាចរណ៍ស្រុកកៀនស្វាយ ចុះធ្វើការវាស់វែងយកម៉ូតូមករក្សាទុកនៅផ្នែកសណ្តាលធ្នាប់ស្រុកបណ្តោះអាសន្ន។ ចំណែករថយន្តបង្កសមត្ថកិច្ចបន្តតាមដានស្រាវជ្រាវដើម្បីចាប់យកមកឲ្យដោះស្រាយគ្នាតាមនីតិវិធី។ សាកសពជនរងគ្រោះត្រូវសមត្ថកិច្ចប្រគល់ឲ្យ ឪពុកយកទៅធ្វើបុណ្យតាមប្រពៃណី៕
ចែករំលែកព័តមាននេះ