AFF U23 ៖ ពូលAកម្ពុជាយកឈ្នះព្រុយណេ៦-០លើទីលានថ្មីក្នុងជំនួបបើកឆាក
- ភ្នំពេញ
រាជធានីភ្នំពេញ ៖ ព្រឹត្តិការណ៍ពានរង្វាន់ AFF U23 Championship 2022 ក្នុងថ្ងៃប្រកួតបើកឆាកដំបូងនៅលើ
រាជធានីភ្នំពេញ ៖ ព្រឹត្តិការណ៍ពានរង្វាន់ AFF U23 Championship 2022 ក្នុងថ្ងៃប្រកួតបើកឆាកដំបូងនៅលើ
រាជធានីភ្នំពេញ ៖ ព្រឹត្តិការណ៍ពានរង្វាន់ AFF U23 Championship 2022 ក្នុងថ្ងៃប្រកួតបើកឆាកដំបូងនៅលើទីលានថ្មីពហុកីឡដ្ឋានជាតិមរតកតេជោ កាលពីថ្ងៃទី១៤ កុម្ភៈ ជំនួបនៅក្នុងពូលA ក្រុមជម្រើសជាតិកម្ពុជាបានយកឈ្នះលើក្រុមភ្ញៀវប្រ៊ុយណេ៦ទល់០ បានឈរនៅលេខរៀងទី១នៃកំពូលតារាងជាបណ្ដោះអាសន្ន ដោយមាន៣ពិន្ទុនៅក្នុងដៃ ខណៈក្រុមជម្រើសជាតិហ្វីលីពីន និងក្រុមជម្រើសជាតិទីម័រខាងកើតបានត្រឹមចែកគ្នាមួយពិន្ទុម្នាក់ប៉ុណ្ណោះក្រោយពីចប់ការប្រកួតក្រុមទាំងពីររកបានពីរគ្រាប់ម្នាក់ស្មើគ្នា ។
សម្រាប់ការប៉ះគ្នាដ៏កក្រើករវាងក្រុមជម្រើសជាតិកម្ពុជានិងក្រុមជម្រើសជាតិប្រ៊ុយណេកាលពីយប់ថ្ងៃទី១៤ កុម្ភៈកន្លងមកនេះ គ្រាន់តែនៅត្រឹមតង់ទី១ប៉ុណ្ណោះ ក្រុមជម្រើសជាតិកម្ពុជាមានឱកាសរកបានគ្រាប់បាល់នាំមុខ៣ទល់០រួចទៅហើយ ។
គ្រាប់បាល់ទី១រកបានដោយកីឡាករសៀង ចន្ធា នៅនាទីទី១៨ ដោយតែតក្បាលបញ្ចូលទី រំលងបានប្រហែលជា៣នាទីគឺនៅនាទីទី២១កីឡាករញៀន សុស៊ីដាន ជាអ្នកបន្ថែមគ្រាប់បាល់ទី២ ដោយបានទាត់បាល់ពីចម្ងាយបានយ៉ាងល្អ ធ្វើឱ្យកម្ពុជានាំមុខ២ទល់០។ទោះជាបែបនេះក៏ដោយក្រុមជម្រើសជាតិកម្ពុជានៅតែបន្តលេងវាយសម្រុកឥតឈប់ដោយបានដាក់សម្ពាធទៅលើក្រុមជម្រើសជាតិប្រ៊ុយណេជាប់រហូតសម្រេចបានគ្រាប់បាល់ទី៣ កីឡាករសារ ទីជាអ្នកធ្វើបានសម្រេចគ្រាប់បាល់ទី៣នៅនាទីទី៣២ ។ រហូតដល់បញ្ចប់ម៉ោងប្រកួតតង់ទី១កម្ពុជានៅតែរក្សាគ្រាប់បាល់នាំមុខ៣ទល់០ដដែល។
ចូលដល់តង់ទី២ ការប្រកួតបានប្រហែលជា១០នាទីប៉ុណ្ណោះ សម្រាប់តែមានភ្ញៀងធ្លាក់យ៉ាងខ្លាំងធ្វើឱ្យទឹកដក់នៅលើទីលានមិនអាចប្រកួតបាន ទើបត្រូវបានគណៈកម្មការសម្រេចផ្អាកការប្រកួតរយៈពេល៣០នាទីជាលើកទី១។
ក្រោយពីភ្លៀងបានរាំងការប្រកួតលើកទី២ក៏បានចាប់ផ្ដើមនៅត្រឹមនាទីទី៥៥ ទោះបីជាការប្រកួតមានការលំបាកបន្តិចក្ដីក៏ក្រុមជម្រើសជាតិកម្ពុជា នៅតែបន្តលេងសម្រុក ដោយលោកគ្រូHondaប្រាប់ពីរបៀបលេងមិនឱ្យទាត់បាល់រាបនោះទេគឺប្ដូយុទ្ធសាស្ត្រទាត់បាល់ផ្លោង ។
ទោះជាយ៉ាងណាក៏ដោយ ក្រុមជម្រើសជាតិកម្ពុជានៅតែធ្វើបានល្អដ៏ដែល ពោលគឺកម្ពុជាអាចសម្រេចបានគ្រាប់បាល់ទី៤ដោយកីឡាករតាំង ប៊ុនឆៃនៅនាទី៧២ ខណៈដែលកីឡាករស រតនាទើបតែនិងផ្លាស់ចូលជាអ្នករកគ្រាប់ទី៥បន្ថែមនៅនាទី៨៦ ហើយនៅពីរនាទីបន្ទាប់កីឡាករណារ៉ុង កក្កដាជាអ្នករកបានគ្រាប់បាល់ទី៦ឱ្យកម្ពុជា ស្ថិតនៅក្រោមក្រសែភ្នែកទស្សនិកជនចូលរួមទស្សនាប្រមាណចំនួន២៤០០០នាក់។
បន្ទាប់ពីឆ្លងកាត់ការប្រកួតនេះទៅកម្ពុជាស្ថិតនៅក្នុងពូលA មានឱកាសរកបាន៣ពិន្ទុឈរលើកំពូលតារាង ប៉ុន្តែត្រូវត្រៀមខ្លួនជួបហ្វីលីពីននៅថ្ងៃទី១៧ កុម្ភៈ ពេលវេលាម៉ោង៧យប់ដដែល ហើយការប្រកួតក៏ត្រូវធ្វើឡើងនៅលើទីលានដដែលផងដែរ៕
ចែករំលែកព័តមាននេះ