ផ្ទុះដំណឹង! កីឡាករប្រេស៊ីល Paulo Vitor ចេញពីក្លិបភ្នំពេញក្រោនស្ងាត់ៗ ចូលក្លិបវិសាខា
- ភ្នំពេញ
រាជធានីភ្នំពេញ ៖ មានការភ្ញាក់ផ្អើលពេញក្នុងបណ្ដាញសង្គម បន្ទាប់ពីគេប្រម៉ាញ់បានកីឡាករសញ្ជាតិប្រេស៊ីល ដែល
រាជធានីភ្នំពេញ ៖ មានការភ្ញាក់ផ្អើលពេញក្នុងបណ្ដាញសង្គម បន្ទាប់ពីគេប្រម៉ាញ់បានកីឡាករសញ្ជាតិប្រេស៊ីល ដែលគេស្គាល់ថាគឺជាកីឡាករក្នុងក្រុមភ្នំពេញក្រោន ស្រាប់តែពាក់អាវក្រុមវិសាខា ហើយចេញចូលកន្លែងហ្វឹកហាត់របស់ក្រុមវិសាខា ខណៈដែលមានការទម្លាយថាលោកបានចាកចេញពីក្រុមចាស់ទៅហើយ ប៉ុន្តែព័ត៌មានមិនអនុញ្ញាតឱ្យបញ្ចេញ ដោយសារតែរង់ចាំអោយការបំភ្លឺពីក្រុមភ្នំពេញក្រោន និងវិសាខាជាមុន ។ ដំណឹងកំពុងខ្ទរខ្ទារនៅលើបណ្ដាញសង្គម ហើយក្រោយពីមានព័ត៌មានបែកធ្លាយគឺមិនមានប្រតិកម្មពីក្លិបភ្នំពេញក្រោន និង ក្លិបចាស់នោះទេ ទើបគេជឿជាក់ទាំងស្រុងថា អ្វីដែលបានលើកឡើងគឺពិតជាមិនខុសពីការប៉ាន់ស្មាន។
នៅលើបណ្ដាញសង្គមកំពុងដាក់ការសង្ស័យច្រើនឡើងថា កីឡាករ Paulo ពិតជាបានចាកចេញពីក្លិបភ្នំពេញក្រោន ហើយទៅសម្ងំជ្រកក្នុងក្លិបវិសាខាបាត់ទៅហើយ ដោយសារតែរូបថតដែលលោកបានពាក់អាវរបស់ក្រុមវិសាខាស្រាប់តែត្រូវបានគេប្រមាញ់បាន ស្របពេលដែលលោកក៏ត្រូវបានគេអះអាងថា បានចេញចូលទីលានហ្វឹកហាត់របស់ក្លិបវិសាខា ដែលករណីនេះកម្រកើតមានសម្រាប់ជើងខ្លាំងផ្នែកបាល់ទាត់រូបនេះ។ រូបភាពរបស់លោកកំពុងបង្កើតជាចម្ងល់ដល់អ្នកគាំទ្រ ហើយអ្វីដែលគេកាន់តែសង្ស័យបន្ថែមទៀត គឺចាប់តាំងពីមានព័ត៌មានថា Paulo បានចាកចេញពីក្លិបភ្នំពេញក្រោន គឺគ្មានការបដិសេធណាមួយ ស្របពេលដែលការសុំការបំភ្លឺ ក៏ត្រូវបានអ្នកជាប់ពាក់ព័ន្ធ និង សាមីខ្លួនផ្ទាល់ក៏សុំរក្សាភាពស្ងៀមស្ងាត់។
អ្នកគាំទ្រជាច្រើនបានធ្វើការ Comment នឹងការបង្ហោះសង្ស័យរបស់អ្នកសារព័ត៌មានថា លោកបានចាកចេញពីក្លិបចាស់ គឺភ្នំពេញក្រោនប្រមាណ២ខែមកហើយ ហើយអាចមកពីក្លិបនីមួយៗមិនទាន់ចង់បញ្ចេញផ្លូវការ ទើបភាគីម្ខាងៗរក្សាភាពស្ងៀមស្ងាត់ ហើយមិនទាន់ប្រកាសព័ត៌មាន។ ការបាត់បង់កីឡាករ Paulo គឺជារឿងចាប់អារម្មណ៍ធំមួយ ដោយសារតែក្លិបភ្នំពេញក្រោនកន្លងមក គឺបានលេចធ្លោដោយសារតែកីឡាករសញ្ជាតិប្រេស៊ីលនេះជាច្រើនប្រកួត ជាពិសេសគឺការប្រកួតលីកកម្ពុជាតែម្ដង ហើយបើពិតជាបាត់បង់កីឡាកររូបនេះពីក្រុមពិតមែន គឺពិតជារឿងសោកស្ដាយខ្លាំងណាស់ ក្នុងពេលដែលក្លិបភ្នំពេញក្រោនក៏កំពុងត្រូវការកីឡាករខ្លាំង ដើម្បីពង្រឹងកេរ្តិ៍ឈ្មោះ និងបន្តនូវភាពប្រកួតប្រជែង។
មិនខុសគ្នាដែរ ចំពោះក្លិបវិសាខាក៏កំពុងធ្វើអោយអ្នកគាំទ្រផ្ដោតការចាប់អារម្មណ៍ណាស់ដែរ ព្រោះបើដណ្ដើមបានកីឡាកររូបនេះមកកាន់ក្រុមពិតមែន គឺច្បាស់ជាដើម្បីយកជំនួសកីឡាករខ្សែប្រយុទ្ធ Junior Barros ដែលបានដើរចេញកាលពីពេលមុន ហើយការនាំចូលកីឡាកររូបនេះមកកាន់ក្រុម ក៏ពិតជាយុទ្ធសាស្ត្ររបស់ក្លិបវិសាខាផងដែរ។
មានការលើកឡើងថា វត្តមានកីឡាករ Paulo ក្នុងក្រុមវិសាខា នៅមិនទាន់ដឹងថា នឹងអាចជួយអោយក្រុមមួយនេះ លេចធ្លោក្នុងលីគកម្ពុជាកម្រិតណាឡើយ ប៉ុន្តែបើអ្វីដែលមហាជនសង្ស័យក្លាយជាការពិតពិតប្រាកដមែន គឺច្បាស់ណាស់ថា ពិតជាធ្វើអោយក្លិបវិសាខាអាចកែប្រែផ្លែផ្ការបស់ខ្លួននៅក្នុងរដូវកាលថ្មី។ យ៉ាងណាក៏ដោយអ្វីៗគ្រាន់តែជាការជជែកវែកញែក និង ជាការប៉ាន់ស្មានរបស់អ្នកគាំទ្រប៉ុណ្ណោះ ប៉ុន្តែការពិតយ៉ាងណា គឺមានតែសាម៉ីខ្លួន និងក្លិបទាំងសងជាអ្នកបកស្រាយប៉ុណ្ណោះ៕
ចែករំលែកព័តមាននេះ