ជនជាតិវៀតណាមម្នាក់បានស្លា.ប់ ក្រោយពីឆ្លងដែននេសាទខុសច្បាប់
ខេត្តតាកែវ ៖ យ៉ាងហោចណាស់ជនជាតិវៀតណាមម្នាក់បានស្លា.ប់ និងទាហានខ្មែរយើងម្នាក់ទៀតរងរបួសធ្ងន់ ហើយត្រូវបានជំនាញជលផលខេត្ត ដឹកបញ្ជូនទៅព្យាបាល
ខេត្តតាកែវ ៖ យ៉ាងហោចណាស់ជនជាតិវៀតណាមម្នាក់បានស្លា.ប់ និងទាហានខ្មែរយើងម្នាក់ទៀតរងរបួសធ្ងន់ ហើយត្រូវបានជំនាញជលផលខេត្ត ដឹកបញ្ជូនទៅព្យាបាល
ខេត្តតាកែវ ៖ យ៉ាងហោចណាស់ជនជាតិវៀតណាមម្នាក់បានស្លាប់ និងទាហានខ្មែរយើងម្នាក់ទៀតរងរបួសធ្ងន់ ហើយត្រូវបានជំនាញជលផលខេត្ត ដឹកបញ្ជូនទៅព្យាបាលនៅមន្ទីរពេទ្យឯភ្នំពេញ ខណៈពេលដែលជនល្មើសជនជាតិវៀតណាមទាំងអស់នោះបាន សម្រុកឆ្លងដែនជិះទូកចូលមកឆក់ត្រីនៅលើទឹកដីខ្មែរយើង តែត្រូវក្រុមចម្រុះរបស់ជំនាញជលផលជិះទូកចុះទៅទប់ស្កាត់ ក៏ត្រូវក្រុមជនល្មើសបានព្រួតគ្នាព័ទ្ធ មានបំណងឆក់ និងគប់ឆ្បូកសម្លាប់ក្រុមចម្រុះ តែក្នុងនាមកម្លាំងជំនាញបានបាញ់ការពារខ្លួន ទើបមានការស្លាប់ និងរបួសទើបក្រុមចម្រុះអាចរំដោះខ្លួនចេញពីការឡោមព័ទ្ធបាន។
ហេតុការណ៍នេះបានកើតឡើងកាលពីថ្ងៃទី១៤ កក្កដា ២០១៦ វេលាម៉ោង០៩និង០០នាទីយប់ ស្ថិតក្នុងឃុំកំពង់ក្រសាំង ស្រុកបុរីជលសា ខេត្តតាកែវ។ លោក សៅ កុសល នាយខណ្ឌរដ្ឋជលផលខេត្តតាកែវបានឲ្យដឹងថា នៅវេលាម៉ោងកើតហេតុខាងលើនេះកម្លាំងជលផលសង្កាត់នេសាទសេក ដែលមានទីតាំងឈរជើងក្នុងបុរីជលសា បានទទួលព័ត៌មានពីប្រជាពលរដ្ឋថា មានទូកវៀតណាមឆ្លងដែនចូលឆក់ត្រីដោយខុសច្បាប់ជាច្រើនទូក ពេលនោះកម្លាំងរបស់សង្កាត់មានគ្នាតែ៤នាក់ គឺជលផលម្នាក់ទាហានម្នាក់ និងកម្មករ២នាក់ ជិះទូកទៅក៏ឃើញទូកវៀតណាមជិះចូលមកក្រោយវត្តកាហាងតាមប្រឡាយឆ្លងដែនចូលមកដីខ្មែរ ៣ទៅ៥គីឡូម៉ែត្រពីព្រំដែនដែលជនជាតិវៀតណាមកំពុងតែឆក់ត្រីភ្លើងពិលពេញប្រឡាយ ដោយមានទូកចំនួន១២ ទូកមួយជិះគ្នា២ទៅ៣នាក់។
លោកសៅ កុសល បានបន្តទៀតថា ពេលចូលក្នុងប្រឡាយមេឃក៏ងងឹត ក្រុមចម្រុះបានជ្រុលទៅក្នុងការឡោមព័ទ្ធរបស់ជនល្មើសៗ ក៏បានព្រួតឆក់ និងគប់ឆ្បូកមកលើសមត្ថកិច្ចយើង យ៉ាងខ្លាំងក្លាធ្វើឲ្យកម្លាំងយើងបានបាញ់គំរាមរួចដកថយ នៅពេលដកថយនោះត្រូវក្រុមជនល្មើសបានបើកទូកដេញពីក្រោយដើម្បីសម្លាប់ក្រុមយើង ទើបធ្វើឲ្យក្រុមយើងបាញ់សំដៅម៉ាស៊ីនទូករបស់ក្រុមជនល្មើសស្លាប់ជនជាតិវៀតណាមម្នាក់ និងត្រូវរបួសវៀតណាមម្នាក់ និងទាហានយើងម្នាក់ ឃាត់ខ្លួនអ្នករបួសរួចបញ្ជូនទៅព្យាបាលនៅមន្ទីពេទ្យឯភ្នំពេញ។ ចំពោះវត្ថុតាងដែលត្រូវដកហូតបានមានអាគុយ២ អាំងម៉ូទ័រសម្រាប់ឆក់២ជង់ ឆក់១ ចង្វា១ ឆ្បូកចំនួន២។ ប្រជាពលរដ្ឋបាននិយាយថា ស្រុកចំនួន២ គឺស្រុកកោះអណ្ដែត និងស្រុកបុរីជលសារក្រុមជនល្មើសវៀតណាមតែងតែចូលមកឆក់ជាញឹកញាប់ និងមិនខ្លាចសមត្ថកិច្ចយើងថែមទៀត តែបើនគរបាល ទាហានព្រំដែនបិទមិនឲ្យចូលនោះពួកវៀតណាមចូលមិនបានទេ៕
ចែករំលែកព័តមាននេះ