ចោរលួចកុំព្យូទ័រម្នាក់ ត្រូវប្រជាពលរដ្ឋវាយទ្រោមខ្លួន
រាជធានីភ្នំពេញ ៖ យុវជនម្នាក់រពឹសដៃទៅលួច កុំព្យូទ័រយួរដៃ១គ្រឿង ដែលជារបស់បុរសម្នាក់ទៀត ប៉ុន្តែត្រូវម្ចាស់ឃើញទាន់បានស្រែកថាចោរៗ បង្កឲ្យមានការភ្ញាក់ផ្អើល
រាជធានីភ្នំពេញ ៖ យុវជនម្នាក់រពឹសដៃទៅលួច កុំព្យូទ័រយួរដៃ១គ្រឿង ដែលជារបស់បុរសម្នាក់ទៀត ប៉ុន្តែត្រូវម្ចាស់ឃើញទាន់បានស្រែកថាចោរៗ បង្កឲ្យមានការភ្ញាក់ផ្អើលដល់ប្រជាពលរដ្ឋ និងក្រុមអ្នករត់ម៉ូតូឌុបនៅក្បែរកន្លែងកើតហេតុ ហើយដេញតាមចាប់បាន បន្ទាប់មកបានវាយទ្រមខ្លួន ទើបហៅនគរបាលឲ្យយកទៅសួរនាំ។ ហេតុការណ៍នេះបានកើតឡើង កាលពីវេលាម៉ោង៣និង១៥នាទីរសៀល ថ្ងៃទី១៥ កក្កដា ២០១៦ នៅចំណុចផ្ទះល្វែងមួយកន្លែងស្ថិតក្នុងបុរីញូវថោន ភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ។
យុវជនខាងលើមានឈ្មោះ ផាន់ ធី អាយុ២៥ឆ្នាំ ស្នាក់ផ្ទះជួលម្តុំរោងចក្រ៦ជាន់ ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ។ ដោយឡែកម្ចាស់កុំព្យូទ័រនោះឈ្មោះ ទ្រី រចនា អាយុ២៦ឆ្នាំ មុខរបរជាគ្រូបង្រៀនបើកបររថយន្ត។ តាមប្រភពព័ត៌មានបានឲ្យដឹងថា នៅមុនពេលកើតហេតុ គ្រូបើកបររថយន្តម្នាក់នោះ បានទុកកុំព្យូទ័ររបស់ខ្លួននៅមាត់ទ្វារសាលាបង្រៀនបើកបរ អាស៊ាន បន្ទាប់មកម្ចាស់បានដើរទៅខាងក្រោយមួយភ្លែត ក៏ស្រាប់តែជនសង្ស័យខាងលើដើរចូលទៅក្នុងផ្ទះឃើញកមព្យូទ័រ ក៏បានកាន់យកចេញទៅក្រៅ។
ប៉ុន្តែចៃដន្យម្ចាស់បានដើរមកវិញប្រទះឃើញ ក៏រត់តាម ចេញប្រតាយប្រតប់ដណ្ដើមយកកុំព្យូទ័រពីជនសង្ស័យនោះវិញ ប៉ុន្តែជននេះបានព្យាយាមរត់ឡើងជិះម៉ូតូរបស់ខ្លួនប្រុងគេច ហើយត្រូវម្ចាស់ស្រែកថាចោរៗ បង្កឲ្យមានការភ្ញាក់ផ្អើលដល់អ្នកក្បែរខាង និងក្រុមអ្នករត់ម៉ូតូឌុបនៅទីនោះជួយដេញចាប់ ហើយជនសង្ស័យបានផ្តូលម៉ូតរត់រហូតដល់មហាវិថីព័ន្ធសហពន្ធ័រុស្ស៊ី មុខផ្សារផេនសលទើបក្របួចបាន ហើយនាំគ្នាវាយម្នាក់មួយដៃមួយជើង ទើបហៅសមត្ថកិច្ចនគរបាលឲ្យទៅយកធ្វើការសួរនាំ នៅប៉ុស្តិ៍នគរបាលចោមចៅ ដើម្បីកសាងសុំណំរឿង បញ្ជូនទៅជំនាញផ្នែកព្រហ្មទណ្ឌខណ្ឌពោធិ៍សែនជ័យ ដើម្បីចាត់ការបន្ត៕
ចែករំលែកព័តមាននេះ