សិស្សម្នាក់ជិះកង់ចេញពីសាលាទៅផ្ទះ ជួបគ្រោះអកុសលតាមផ្លូវ
- ភ្នំពេញ
រាជធានីភ្នំពេញ ៖ ក្មេងប្រុសម្នាក់ខណៈជិះកង់ចេញពីសាលារៀនត្រឡប់ទៅផ្ទះ ក៏រអិលដួល ហើយត្រូវរថយន្តកូរ៉កិន
រាជធានីភ្នំពេញ ៖ ក្មេងប្រុសម្នាក់ខណៈជិះកង់ចេញពីសាលារៀនត្រឡប់ទៅផ្ទះ ក៏រអិលដួល ហើយត្រូវរថយន្តកូរ៉កិន
រាជធានីភ្នំពេញ ៖ ក្មេងប្រុសម្នាក់ខណៈជិះកង់ចេញពីសាលារៀនត្រឡប់ទៅផ្ទះ ក៏រអិលដួល ហើយត្រូវរថយន្តកូរ៉កិន បណ្ដាលឲ្យដួលហើយបានកិនរងរបួសធ្ងន់ធ្ងរ ក្រោយមកក៏បានស្លា.ប់ពេលក្រុមគ្រួសារបញ្ជូនទៅសង្គ្រោះនៅមន្ទីរពេទ្យ។
ហេតុការណ៍ខាងលើនេះបានកើតឡើងកាលពីវេលាម៉ោង៨និង១០នាទីព្រឹកថ្ងៃទី៣ ខែកុម្ភៈ ឆ្នាំ២០២៣ នៅតាមផ្លូវ ក្នុងបុរីសន្តិភាព២ ភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
ក្មេងប្រុសរងគ្រោះខាងលើឈ្មោះ ស៊ាប សុខមីង ហៅ ធៀន អាយុ៧ឆ្នាំ រស់នៅក្នុងបន្ទុកគ្រួសារ មានទីលំនៅក្បែរកន្លែងកើតហេតុ ។ ចំណែករថយន្តបង្កម៉ាកហ៊ីយ៉ាន់ដាយ ពណ៌ស ពាក់ស្លាកលេខ កំពង់ស្ពឺ 2A-9275 ដឹកអំបោសដើរលក់ បើកបរដោយឈ្មោះ ឆិល កក្កដា ភេទប្រុស អាយុ២៧ឆ្នាំ ស្នាក់នៅភូមិបឹង ឃុំជង្រុក ស្រុកគងពិសី ខេត្តកំពង់ស្ពឺ ។
តាមប្រភពព័ត៌មានបានឲ្យដឹងថា នៅមុនកើតហេតុ គេបានឃើញក្មេងរងគ្រោះជិះកង់ធ្វើដំណើរចេញពីសាលារៀនទៅផ្ទះ ក្នុងទិសដៅពីកើតទៅលិច លុះពេលទៅដល់ត្រង់ចំណុចកើតហេតុ បានបត់ស្តាំឆ្ពោះទៅជើងវិញ ។ ពេលនោះជិះឡើងលើផ្លូវទួលផ្លូវខូចមានថ្មផង ក៏បានរអិលដួល ស្របពេលនោះរថយន្តបង្កបើកបរក្នុងទិសដៅពីជើងទៅត្បូងទៅដល់ជាន់ហ្វ្រាំងមិនទាន់ ក៏ជ្រុលទៅកិន បណ្ដាលឲ្យរងរបួសធ្ងន់។
តាមប្រភពដដែលបានបន្តថា ក្រោយពេលកើតហេតុ រថយន្តគ្លីនិកឯកជនដឹកយកចេញដើម្បីនាំទៅសង្គ្រោះបន្ទាន់ ប៉ុន្តែជាអកុសលដឹកផុតពីកន្លែងកើតហេតុបន្តិច ក្មេងប្រុសរងគ្រោះក៏បានស្លា.ប់ ទើបដឹកត្រឡប់យកទៅផ្ទះក្បែរនោះវិញ ។
ក្រោយពេលកើតហេតុ នគរបាលសង្កាត់ចោមចៅទី២ និងនគរបាលចាចរណ៍ខណ្ឌពោធិ៍សែនជ័យបានចុះទៅពិត្យនិងធ្វើការវាស់វែងព្រមទាំងនាំយករថយន្តនិងកង់ទៅរក្សាទុករង់ចាំការដោះស្រាយតាមច្បាប់៕
ចែករំលែកព័តមាននេះ