កីឡាការិនី ពៅ សុខា លើកឡើងពីភាពខុសគ្នា នៅពេលកម្ពុជាធ្វើម្ចាស់ផ្ទះស៊ីហ្គេម
រាជធានីភ្នំពេញ ៖ ទន្ទឹមនឹងការប្រឹងប្រែងហ្វឹកហាត់ក្នុងនាមជាកីឡាការិនីជម្រើសជាតិផ្នែកកីឡាវ៉ូវីណាម កីឡា
រាជធានីភ្នំពេញ ៖ ទន្ទឹមនឹងការប្រឹងប្រែងហ្វឹកហាត់ក្នុងនាមជាកីឡាការិនីជម្រើសជាតិផ្នែកកីឡាវ៉ូវីណាម កីឡា
រាជធានីភ្នំពេញ ៖ ទន្ទឹមនឹងការប្រឹងប្រែងហ្វឹកហាត់ក្នុងនាមជាកីឡាការិនីជម្រើសជាតិផ្នែកកីឡាវ៉ូវីណាម កីឡាការិនី ពៅ សុខា ក៏លើកឡើងពីភាពខុសគ្នានៅពេលចេញប្រកួតលើឆាកអន្តរជាតិ និងព្យាករណ៍ក្នុងពេលកម្ពុជាធ្វើជាម្ចាស់ផ្ទះស៊ីហ្គេមថា គ្រប់យ៉ាងគឺនឹងមានភាពខុសគ្នាដូចមេឃ និងដី រវាងកីឡាករ-កីឡាការិនីដែលជាម្ចាស់ផ្ទះ និងកីឡាករ-កីឡាការិនី ដែលគ្រាន់តែចេញប្រកួត។ ជាមួយនឹងការពន្យល់ នាងក៏រំពឹងច្រើនផងដែរថា ខ្លួននឹងដណ្ដើមបានមេដាយមាសក្នុងនាមជាម្ចាស់ផ្ទះ និងជឿជាក់១០០ភាគរយថាកម្ពុជានឹងបានមេដាយមាសច្រើនក្នុងនាមជាម្ចាស់ផ្ទះ។
កីឡាការិនី ពៅ សុខា ដែលត្រូវបានគេដឹងថាបានក្លាយជាឯកអគ្គរាជទូតសុច្ឆន្ទៈផ្នែកកីឡាស្ត្រី អាស៊ាននាពេលកន្លងមកនោះ បានលើកឡើងថា ការប្រកួតនៅស្រុកគេ និងការប្រកួតនៅលើទឹកដីខ្លួនឯង គឺពិតជាមានលទ្ធផលខុសគ្នា100ភាគរយ ដោយនាងគ្រាន់តែលើកយកតែមួយចំនុចពីអ្នកគាំទ្រប៉ុណ្ណោះ គឺសំលឹងឃើញពីភាពខុសគ្នាបាង់ទៅហើយ។ នាងធ្វើការពន្យល់ថា នៅពេលឡើងប្រកួតនៅក្នុងប្រទេសគេ គឺទោះជាមានភាពក្លាហានប៉ុណ្ណា និងមានទំនុកចិត្តខ្ពស់បែបណាក៏ដោយ ក៏សន្ទុះនៃការប្រឹងប្រែងមិនអស់នោះដែរ ពោលគឺពាក្យសាមញ្ញហៅថាចាញ់ច្រាប។
កីឡាការិនីរូបនេះបានលើកឧទាហរណ៍ថា នៅពេលឡើងសង្វៀនហើយឮសំលេងអ្នកគាំទ្រប្រទេសគេទះដៃ ឬ ហ៊ោយ៉ាងសន្ធាប់គាំទ្រកីឡាករគេ គឺធ្វើអោយនាង និងកីឡាករកីឡាការិនីទៅពីចម្ងាយដូចនាងហាក់ដូចជាមានអារម្មណ៍មួយមិនសូវនឹងននោះទេ ហើយនាងយល់ថា ការផ្ដល់កម្លាំងចិត្តគឺជារឿងសំខាន់ខ្លាំងណាស់ សម្រាប់ការប្រកួតមួយលើកៗ។
កីឡាការិនីរូបនេះរំពឹងថា ការប្រកួតនៅពេលកម្ពុជាធ្វើជាម្ចាស់ផ្ទះ នឹងមានអ្នកទស្សនាកកកុញ ហើយតួលេខអ្នកគាំទ្រនៅក្នុងពេលនោះ នឹងផ្ដល់កម្លាំងចិត្តធំណាស់ ដើម្បីអោយកីឡាករ បូករួមទាំងរូបនាងផង ប្រឹងប្រែងមិនស្ដាយកម្លាំង។ នាងថា នៅពេលចេញប្រកួតនៅស្រុកគេ គឺអោយតែឃើញអ្នកគាំទ្រហាក់បាត់កម្លាំងចិត្តតែម្ដង ហើយសម្រែកគាំទ្រ និង សំលេងទះដៃដែលរមែងគេបន្ទរគាំទ្រដល់ជាតិសាសន៏គេនោះ គឺមិនមែនតែនាងនោះទេ ដែលមានអារម្មណ៏ហាក់បាក់ស្មារតី គឺសូម្បីតែកីឡាករផ្សេងទៀត ក៏មានអារម្មណ៍មិនខុសគ្នា។ ក្នុងនាមជាម្ចាស់ផ្ទះក៏មានអាទិភាពមួយទៀត លើផ្នែកគណកម្មការ និង ស្ថានភាពស្នាក់នៅដើម្បីត្រៀមប្រកួតផងដែរ ដែលនាងបញ្ជាក់ថា នេះគឺជាហេតុផលមួយដ៏ល្អដែលអាចអោយកីឡាករកីឡាការិនីគ្រប់ផ្នែកមានឱកាសឈ្នះមេដាយខ្ពស់។
នាងលើកថាកាលណាប្រទេសមួយធ្វើជាម្ចាស់ផ្ទះ និយាយជារួមគឺហើយស្ថានភាពអំណោយផលច្រើនណាស់ ទី១គឺយើងស៊ាំនឹងបរិយាកាសស្នាក់នៅ ការហូបចុក និង មានគ្រូបង្វឹកចាំឆ្កឹះចំណុចសំខាន់នីមួយៗគ្រប់ពេលត្រូវប្រកួត ហើយស្ថានភាពល្អប្រសើរបែបនេះ បើធៀបនឹងពេលចេញប្រកួតនៅក្រៅប្រទេសគឺមិនដូចគ្នាទេ ព្រោះនៅខាងក្រៅប្រទេស គឺមិនខុសពីត្រូវខ្លួនទីពឹងខ្លួនច្រើនជាងការទទួលបានការគាំទ្រផ្នែកកម្លាំងចិត្តផងដែរ ទើបការឈ្នះមេដាយរបស់កីឡាករឆ្លងប្រទេសគ្រប់រូប មិនមែនជារឿងងាយទេ ទម្រាំជោគជ័យជូនជាតិ។
ការលើកឡើងរបស់កីឡាការិនី ពៅ សុខា គឺស្របពេលដែលការប្រកួតស៊ីហ្គេមក្នុងឆ្នាំ២០២៣ ដែលកម្ពុជាត្រូវធ្វើជាម្ចាស់ផ្ទះ កាន់តែរំកិលជិតដល់ ខណៈដែលកីឡាករកីឡាការិនីគ្រប់ផ្នែកកំពុងត្រូវបានពង្រឹងយ៉ាងយកចិត្តទុកដាក់។
កីឡាការិនីរូបនេះបានបង្ហាញជំហរថា ខ្លួននឹងប្រឹងអោយអស់ពីសមត្ថភាពសម្រាប់នាំ២០២៣ ហើយតាមរយៈតំណែងជាទូតសុឆន្ទៈរបស់ស៊ីហ្គេមនៅកម្ពុជាកនកន្លងមក ក៏ធ្វើអោយនាងទទួលបានបទពិសោធន៍ច្រើនណាស់ដែរ ក្នុងការពង្រឹងជំហរ។ កីឡាការិនីកីឡាវ៉ូវីណាម របស់មជ្ឈមណ្ឌលកីឡា កងយោធពលខេមរភូមិន្ទនៃក្រសួងការពារជាតិ និងជាកីឡាការិនីជម្រើសជាតិកម្ពុជា ប្រភេទកីឡាវ៉ូវីណាមរូបនេះបន្តថា បេសសកកម្មជាកីឡាការិនីជម្រើសជាតិ និងក្នុងនាមនាងជាទូតសុច្ឆន្ទៈ បានធ្វើអោយនាងកាន់តែមានការប្រយ័ត្នប្រយែងខ្ពស់ ហើយតួនាទីជាទូតសុឆន្ទៈ ក៏ជួយអោយនាងបានរួមចំណែកពាំនាំពីការរីកចំរើនក្នុងវិស័យកីឡាកម្ពុជាទៅកាន់ពិភពលោក និងពាំនាំបទពិសោធន៍ពីការចូលរួមផ្សព្វផ្សាយផ្សេងៗពីអន្តរជាតិមកកាន់កម្ពុជាផងដែរ។
កីឡាការិនីរូបនេះបន្តថា នាងនឹងដើរតួនាទីអោយកាន់តែសកម្ម ដើម្បីអោយអន្តរជាតិបានដឹងកាន់តែច្រើន ពីការត្រៀមខ្លួនរបស់កម្ពុជាសម្រាប់ការប្រកួតស៊ីហ្គេ មក្នុងឆ្នាំ២០២៣ ហើយនឹងប្រឹងអោយបានមេដាយ ក្នុងពេលកម្ពុជាធ្វើជាម្ចាស់ផ្ទះ៕
ចែករំលែកព័តមាននេះ