សង្ស័យបង្ក្រាបបានតែដំបូងទី
ខេត្តកំពង់ឆ្នាំង ៖ ក្នុងរយៈពេល៧ថ្ងៃចុងខែមិថុនា និងដើមខែកក្កដា ដែលជារដូវបិទនេសាទ កន្លងទៅនេះ សមត្ថកិច្ចជលផលបានប្រតិបត្តិការបង្ក្រាបបទល្មើសនេសាទគ្រប់ប្រភេទបានចំនួន១៩៧កន្លែងរបាំងសាច់អួន
ខេត្តកំពង់ឆ្នាំង ៖ ក្នុងរយៈពេល៧ថ្ងៃចុងខែមិថុនា និងដើមខែកក្កដា ដែលជារដូវបិទនេសាទ កន្លងទៅនេះ សមត្ថកិច្ចជលផលបានប្រតិបត្តិការបង្ក្រាបបទល្មើសនេសាទគ្រប់ប្រភេទបានចំនួន១៩៧កន្លែងរបាំងសាច់អួន
ខេត្តកំពង់ឆ្នាំង ៖ ក្នុងរយៈពេល៧ថ្ងៃចុងខែមិថុនា និងដើមខែកក្កដា ដែលជារដូវបិទនេសាទ កន្លងទៅនេះ សមត្ថកិច្ចជលផលបានប្រតិបត្តិការបង្ក្រាបបទល្មើសនេសាទគ្រប់ប្រភេទបានចំនួន១៩៧កន្លែងរបាំងសាច់អួន របាំងស្បៃមុង និងរបាំងបិទផ្ជិតព្រែក សរុបជាង៦ពាន់ម៉ែត្រ និងលបលូប្រមាណជាង ២០០មាត់។ នេះបើយោងតាមសេចក្តីរាយការណ៍របស់នាយខណ្ឌរដ្ឋបាលជលផលកំពង់ឆ្នាំង ក្នុងពិធី ដាំកូនឈើព្រៃលិចទឹក ក្នុងឃុំឆ្នុកទ្រូ ស្រុកបរិបូរណ៏ កាលពីចុងសប្តាហ៍កន្លងទៅនេះ ។
លោក សោម ភិរុណ នាយខណ្ឌរដ្ឋបាលជលផលកំពង់ឆ្នាំង បានបន្តថា រយៈពេល៧ថ្ងៃ ដោយ គិតចាប់ពីថ្ងៃទី២៩ មិថុនា ដល់ថ្ងៃទី០៦ កក្កដា ២០១៦ នៅក្នុងរដូវបិទនេសាទឆ្នាំនេះ ខណ្ឌរដ្ឋបាលជល ផលកំពង់ឆ្នាំង បានដាក់ចេញនូវវិធានការណ៍បង្ក្រាបបទល្មើសនេសាទគ្រប់ប្រភេទនៅក្នុងដែនសមត្ថ កិច្ចរបស់ខ្លួនមិនថា ថ្ងៃ ឬយប់ គឺកម្លាំងខណ្ឌរដ្ឋបាលជលផលកំពង់ឆ្នាំង រួមសហការជាមួយគណៈបញ្ជាការឯកភាពរដ្ឋបាលខេត្ត ស្រុក ឃុំ បានចុះប្រតិបត្តិការបង្ក្រាបបទល្មើសជលផល តាមបណ្តាស្រុក បរិបូរណ៌ ស្រុកកំពង់លែង ស្រុកកំពង់ត្រឡាច ស្រុកជលគីរី ក្រុងកំពង់ឆ្នាំង ។ ជាលទ្ធផល គឺបង្ក្រាបបានមានរបាំងសាច់អួន៦៧កន្លែង ស្មើនឹងជាង២ពាន់ម៉ែត្រ, របាំងស្បៃមុង១១៤កន្លែង ស្មើនឹងជាង៣ ពាន់ម៉ែត្រ, របាំងកាត់បិតជិតព្រែកចំនួន១៦កន្លែង ស្មើនឹង៣៨៥ម៉ែត្រ, លបប្រើមុខ១០០ បានចំនួន៩៣ខ្សែ ស្មើនឹង៧៧៣ម៉ែត្រ, ដាយត្រីប្រាម្សៅ២មាត់ ស្មើនឹង២៥ម៉ែត្រ និងលបលូស្បៃមុងចំនួន២០៦មាត់ ផងដែរ។ ក្នុងនោះខណ្ឌរដ្ឋបាលជលផលកំពង់ឆ្នាំង បានប្រើប្រាស់កម្លាំងពី១៥នាក់ទៅ៣០នាក់ និងមានកាណូតជាមធ្យោបាយចាប់ពី៤ទៅ៦គ្រឿងក្នុងពេលប្រតិបត្តិការបង្ក្រាបមួយលើកៗ ។
លោកនាយខណ្ឌបានបន្តថា នៅក្នុងការបង្ក្រាបបទល្មើសនេសាទឆ្នាំនេះ ក៏មានបញ្ហាប្រឈមមួយចំនួនផងដែរ ដូចជា ស្ថានភាពភូមិសាស្ត្រមួយចំនួនមានសភាពគោករាក់ កំប្លោកច្រើន ដែលបង្កការលំបាកដល់ការចល័តកម្លាំងចុះប្រតិបត្តិការជាក់ស្តែង។ ការប្រព្រឹត្តិបទល្មើសជលផលដូចជា ការឆក់ត្រី ការលួចនេសាទនៅពេលយប់នៅឆ្ងាយៗពីទីតាំងឈរជើងរបស់ក្រុមចម្រុះ, វត្តមានមិនពេញលេញរបស់ក្រុមចំរុះ និងមធ្យោបាយចុះល្បាតមានតិចនៅឡើយ។ បើទោះបីបែបនេះក្តី ក្នុងទិសដៅបន្ត គឺត្រូវសហការជាមួយគណៈបញ្ជាការឯកភាពរដ្ឋបាលខេត្ត ស្រុក ឃុំ ក្នុងការបង្ក្រាបបទល្មើសនេសាទគ្រប់ប្រភេទ, បន្តការផ្សព្វផ្សាយបន្ថែមពីច្បាប់ស្តីពីជលផល និងលិខិតបទដ្ឋាននានាឱ្យប្រជានេសាទបានយល់ដឹង, ចាត់វិធានការបង្កាទប់ស្កាត់ និងបង្ក្រាបអ្នកឆក់ត្រី ស្បៃមុង របាំងខុសច្បាប់ ការកាប់បំផ្លាញព្រៃលិចទឹកយកដីជាកម្មសិទ្ធិ ការលួចនេសាទក្នុងតំបន់អភិរក្ស ព្រមទាំងចលនាប្រមូលឧបករណ៍ឆក់ត្រី និងចាត់ វិធានការទប់ស្កាត់ភ្លើងឆេះព្រៃជាដើម ឱ្យមានប្រសិទ្ធភាពខ្ពស់បន្ថែមទៀត ៕
ចែករំលែកព័តមាននេះ