ប៊ុនឌឿន ទទួលស្គាល់ថាឡុង ជិនពិតជាខ្លាំងមែន ខណៈធន់ អៀងឡេង ឈ្នះណង សាវ ៤-១
- ភ្នំពេញ
រាជធានីភ្នំពេញ ៖ កីឡាករជើងខ្លាំង វៀត ប៊ុនឌឿន មកពីក្លិបគុហារព្រហ្មជ័យ សារភាពថា ឡុង ជិន ពិតជាខ្លាំងមែន ក្រោយពី
រាជធានីភ្នំពេញ ៖ កីឡាករជើងខ្លាំង វៀត ប៊ុនឌឿន មកពីក្លិបគុហារព្រហ្មជ័យ សារភាពថា ឡុង ជិន ពិតជាខ្លាំងមែន ក្រោយពី
រាជធានីភ្នំពេញ ៖ កីឡាករជើងខ្លាំង វៀត ប៊ុនឌឿន មកពីក្លិបគុហារព្រហ្មជ័យ សារភាពថា ឡុង ជិន ពិតជាខ្លាំងមែន ក្រោយពីបានតស៊ូប្រកួតជាមួយគ្នាអស់៥ទឹកពេញ ទីបំផុតត្រូវបានចៅក្រមផ្ដល់ពិន្ទុឱ្យចាញ់ដាច់តែម្ដង នៅក្នុងការប្រកួតដណ្ដើមប្រាក់លានខារ៉ាបាវ នៅលើសង្វៀនស៊ីអិនស៊ី កាលពីថ្ងៃសៅរ៍ ទី២២ មករា ឆ្នាំ២០២២។
រវាងគូនេះធ្លាប់ប៉ះគ្នាជាច្រើនលើករួចមកហើយ ប៉ុន្តែវៀត ប៊ុនឌឿន ចាញ់ច្រើនជាងឈ្នះ ។ ចំណែកការប៉ះគ្នាលើកនេះ វៀត ប៊ុនឌឿន ព្យាយាមវាយសម្រុកតាំងពីដើមទឹកទី១ម្លេះ ដោយសាតែគេមានបំណងដើម្បីវាយផ្ដួលឡុង ជិន ឱ្យបានឆាប់បំផុត ប៉ុន្តែមិនអាចទៅរួចឡើយ ។ ផ្ទុយទៅវិញ បែរជាត្រូវឡុង ជិន ចាប់គ្រៀកបុកជង្គង់ចូលពោះទឹកពេញៗ ធ្វើឱ្យប៊ុនឌឿន លែងហ៊ានចូលផ្ដេសផ្ដាស។
ទោះជាបែបនេះក៏ដោយ វៀត ប៊ុនឌឿន នៅតែព្យាយាមសម្រុកចូលវាយមិនបន្ធូដៃឡើយ ចាប់ពីទឹកទី២រហូតទៅ ប៉ុន្តែមិនខុសពីទឹកទី១ប៉ុន្មានឡើយ ដោយត្រូវបានឡុង ជិន ដាក់សម្ពាធជាប់រហូត តាមចាប់គ្រៀកបោកផ្ទប់ខ្សែរេញ រើខ្លួនស្ទើតែមិនរួចម្ដងៗទៅហើយ ។ ប៉ុន្តែទោះបីជាឡុង ជិន មានប្រៀបជាងយ៉ាងណាក៏ដោយ ក៏គេមិនអាចវាយផ្ដួល វៀត ប៊ុនឌឿន ឱ្យសន្លប់ បានត្រឹមតែវាយបកសងទៅសងមករហូតដល់ចប់ទឹកទី៥ ចប់ការប្រកួតត្រូវបានគណៈកម្មការផ្ដល់ពិន្ទុឱ្យឡុង ជិន ឈ្នះដាច់ទាំង៥ទឹក និងបានក្លាយជាម្ចាស់ប្រាក់លាន។
កីឡាករធន់ អៀងឡេង មកពីសមាគមកីឡាប្រដាល់កងយោធពលខេមរៈភូមិន្ទដែលបានក្លាយជាម្ចាស់ប្រាក់លានលើកនេះ បន្ទាប់ពីគេបានយកឈ្នះលើកីឡាករណង សាវ មកពីក្លិបនរាយតេជៈដោយពិន្ទុទាំងប្រផិតប្រផើយក្នុងលទ្ធផល៤-១ ។ ការប្រកួតរវាងគូនេះបានធ្វើឱ្យអ្នកតាមដានការប្រកួតមានការចាប់អារម្មណ៍យ៉ាងខ្លាំង ជាពិសេសកីឡាករណង សាវ ដែលបានតាំងចិត្តនៅមុនពេលប្រកួតថា ត្រូវតែដណ្ដើមយកប្រាក់លានឱ្យទាល់តែបាន ។ ការប្រកួតនៅក្នុងទឹកទី១និងទី២ណង សាវ បង្កើនការវាយសម្រុកទៅលើ ធន់ អៀងឡេង យ៉ាងសន្ធាប់ ដោយបានប្រើស្នៀតកែង និងជង្គង់បុកសំដៅពោះទឹក និងគល់ថ្គាម ប៉ុន្តែត្រូវបានធន់ អៀងឡេង បារ៉ាស់ជាប់រហូត ហើយបានទាត់បកសងវិញភ្លាមៗ ។
ជាពិសេសស្នៀតកណ្ដាប់ដៃរបស់គេក៏បានម៉ាត់សំដៅផ្ទៃមុខធ្វើឱ្យណង សាវ គេចចេញស្ទើតែមិនទាន់ ។ ចូលដល់ទឹកទី៣និងទី៤ ណង សាវ ហាក់បីដូចជាស្រុតកម្លាំងបន្តិច គេមិនសូវហ៊ានចូលវាយដូចកាលពីទឹកទី២ទៀតនោះទេ គឺបានត្រឹមតែវាយទប់ដើម្បីការពារខ្លួនច្រើនជាង ។ ចូលដល់ទឹកទី៥ណង សាវ ត្រូវ ធន់ អៀងឡេង ចាប់គ្រៀកបុកជង្គង់ចូលពោះទឹកពេញៗ ហើយថែមទាំងបង្ខំឱ្យណង សាវ ដកថយអែបខ្សែរេញជាញឹកញាប់ទៀតផង ។
ទីបំផុតចប់ការប្រកួតណង សាវ ត្រូវបានគណៈកម្មការប្រកួតប្រកាសឱ្យចាញ់ពិន្ទុធន់ អៀងឡេង ទាំងមិនអស់ចិត្ត ហើយគេក៏មានការសោកស្ដាយដែននៅពេលដែលបាត់បង់ឱកាសក្នុងការដណ្ដើមយកប្រាក់លាននោះ ៕
ចែករំលែកព័តមាននេះ