អាជីវករព្រួយបារម្ភ ក្រោយចោរចូលឆ្មក់តូបលក់ទូរស័ព្ទក្នុងផ្សារត្រពាំងផុង
- កំពង់ស្ពឺ
ខេត្តកំពង់ស្ពឺ ៖ តូបលក់ទូរស័ព្ទមួយកន្លែងក្នុងចំណោមតូបជាច្រើនទៀត ត្រូវចោរធ្វើសកម្មភាពគាស់យកទូរស័ព្ទអស់ចំនួន
ខេត្តកំពង់ស្ពឺ ៖ តូបលក់ទូរស័ព្ទមួយកន្លែងក្នុងចំណោមតូបជាច្រើនទៀត ត្រូវចោរធ្វើសកម្មភាពគាស់យកទូរស័ព្ទអស់ចំនួន
ខេត្តកំពង់ស្ពឺ ៖ តូបលក់ទូរស័ព្ទមួយកន្លែងក្នុងចំណោមតូបជាច្រើនទៀត ត្រូវចោរធ្វើសកម្មភាពគាស់យកទូរស័ព្ទអស់ចំនួន4គ្រឿង នៅក្នុងផ្សារត្រពាំងផុង បានធ្វើឲ្យអាជីវករដែលលក់ដូរនៅទីនោះមានការព្រួយបារម្ភយ៉ាងខ្លាំងអំពីសន្តិសុខ និងសុវត្ថិភាពរបស់ពួកគាត់។
ហេតុការណ៍ចោរគាស់តូបលក់ទូរស័ព្ទខាងលើនេះ បានកើតឡើងកាលពីវេលាយប់រំលងអធ្រាត្រឈានចូលថ្ងៃទី23 មករា ឆ្នាំ២០២២ នៅចំណុចតូបលក់ទូរស័ព្ទមួយកន្លែង ក្នុងផ្សារត្រពាំងផុង ស្ថិតក្នុងឃុំព្រះខែ ស្រុកបរសេដ្ឋ ខេត្តកំពង់ស្ពឺ។
យោងតាមអាក់ខោនហ្វេសប៊ុកមួយឈ្មោះម៉ីម៉ី ដែលទំនងជាម្ចាស់តូបលក់ទូរស័ព្ទបានសរសេរសារបង្ហោះថា គួរឱ្យខ្លា.ចណាស់ តូបរបស់គាត់ត្រូវចោរគាស់ហើយ វា.យបំបែកកញ្ចក់ទូយកទូរស័ព្ទទៅអស់ចំនួន4គ្រឿង ។ ក្នុងនោះក៏មានការខំមិនសួរពីសុខទុក្ខចំពោះម្ចាស់តូបដែលបាត់បង់ទូរស័ព្ទផងដែរ ហើយក៏មានអ្នកខ្លះទៀតបានសម្តែងនូវការភ័.យខ្លា.ចអំពីសន្តិសុខ និងសុវត្ថិភាពនៅពេលយប់ ខណៈដែលអ្នកខំមិនទាំងនោះទំនងហាក់បីដូចជាមានតូបលក់ទូរស័ព្ទនៅក្នុងផ្សារត្រពាំងផុងនោះផងដែរ។
តាមប្រភពពីសមត្ថកិច្ចមូលដ្ឋានបានឱ្យដឹងថា ពិតជាមានករណីចោរគាស់តូបលក់ទូរស័ព្ទមួយកន្លែងនៅក្នុងផ្សារត្រពាំងផុងប្រាកដមែន ដោយយកទូរស័ព្ទទៅអស់ចំនួន4គ្រឿង។
តាមប្រភពខាងលើបានបន្តថា ម្ចាស់តូបរងគ្រោះឈ្មោះ ម៉េង ហេងឡាយ ភេទប្រុស ឣាយុ១៨ឆ្នាំ មុខរបរលក់ទូរស័ព្ទដៃ រស់នៅភូមិ ព្រៃបាក្រុង ឃុំព្រះខែ ស្រុកបសេដ្ឋ ខេត្តកំពង់ស្ពឺ។
ទាក់ទិននឹងករណីខាងលើនេះដែរ សមត្ថកិច្ចមូលដ្ឋានកំពុងធ្វើការស្រាវជ្រាវចាប់មុខសញ្ញាជនសង្ស័យ ដើម្បីយកមកផ្ដន្ទាទោសតាមច្បាប់ឱ្យខាងតែបាន ៕
ចែករំលែកព័តមាននេះ