ទៀតហើយ ! សុទ្ធតែបង្គាចាក់សារធាតុគីមីចូលក្បាលវា សូមគិតសុខភាពដល់អ្នកបរិភោគផង
- កំពត
ខេត្តកំពត ៖ មន្ត្រីជំនាញ ក.ប.ប. ប្រចាំខេត្តកំពត នាថ្ងៃទី១៧ និង១៩ ខែមករា ឆ្នាំ២០២២ បានចូលរួមសហការជាមួយស្ថាប័ន…
ខេត្តកំពត ៖ មន្ត្រីជំនាញ ក.ប.ប. ប្រចាំខេត្តកំពត នាថ្ងៃទី១៧ និង១៩ ខែមករា ឆ្នាំ២០២២ បានចូលរួមសហការជាមួយស្ថាប័ន…
ខេត្តកំពត ៖ មន្ត្រីជំនាញ ក.ប.ប. ប្រចាំខេត្តកំពត នាថ្ងៃទី១៧ និង១៩ ខែមករា ឆ្នាំ២០២២ បានចូលរួមសហការជាមួយស្ថាប័ន មានសមត្ថកិច្ចធ្វើការស្រាវជ្រាវ រហូតរកឃើញ និងស្ទាក់ចាប់បានរថយន្តដឹកគ្រឿងសមុទ្រចំនួន៥គ្រឿង ស្ថិតនៅមាត់ច្រកព្រែកចាកនៃខេត្តកំពត ក្នុងនោះផងដែររថយន្ត២គ្រឿងចាប់បាន ក្នុងថ្ងៃទី១៧ និង៣គ្រឿងទៀតបន្តរកឃើញ និងចាប់បានក្នុងថ្ងៃទី១៩ ។ នេះបើយោងតាមផេក អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF បានផ្សាយនាយប់ថ្ងៃទី១៩ ខេមករានេះ ។
យោងតាមលទ្ធផលជាក់ស្ដែង រថយន្តទាំង៥គ្រឿងខាងលើ ត្រូវបានមន្ត្រីជំនាញរកឃើញថា បង្គាចំនួន ៦,២៦៨គីឡូក្រាម មានសារធាតុគីមី ដោយចាក់បញ្ចូលគីមីទៅក្នុងក្បាលបង្គា ដែលធ្វើឱ្យប៉ះពាល់ដល់សុខភាពអ្នកបរិភោគក៏ដូចជា អ្នកប្រើប្រាស់យ៉ាងខ្លាំងផងដែរ ។ បង្គាទាំងអស់ត្រូវបានមន្ត្រីជំនាញដកហូត និងកម្ទេចចោលភ្លាមៗមិនចាំយូរឡើយ រីឯម្ចាស់ទំនិញត្រូវបានរងការពិន័យតាមច្បាប់ជាធរមាន ពីមន្ត្រីជំនាញ ក.ប.ប. សាខាខេត្តកំពត ។
សូមបញ្ជាក់ថា ៖ កាលពីវេលាម៉ោង១០និង៣០នាទីយប់ ថ្ងៃទី១៦ ខែមករានេះ អាជ្ញាធរកំពតបានស្ទាក់ចាប់រថយន្តចំនួន២គ្រឿងដែលដឹកបង្គាសង្ស័យមានសារធាតុគីមីធ្វើអោយឲ្យប៉ះពាល់ដល់សុខភាពអ្នកបរិភោគ នៅលើកំណាត់ផ្លូវជាតិលេខ33 ត្រង់ចំណុចផ្លូវបំបែក ស្ថិតក្នុងភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត ។
រំលឹកថា មើលចុះ! សុទ្ធតែបង្គារាប់តោនចាក់ចាហួយក្នុងខួរវា ធ្វើឲ្យធ្ងន់គីឡូ ចុះអ្នកហូបម៉េចវិញទៅ?
ចែករំលែកព័តមាននេះ