ខេត្តកំពង់ស្ពឺ ៖ មន្ទីរសុខាភិបាល នៃរដ្ឋបាលខេត្តកំពង់ស្ពឺ បានចេញសេចក្តីជូនដំណឹង កាលពីថ្ងៃទី១៩ ខែធ្នូ ឆ្នាំ២០២៥ អំពីការពិនិត្យ ព្យាបាលជំងឺជូនវិរកងទ័ព…
ខេត្តកំពង់ស្ពឺ ៖ មន្ទីរសុខាភិបាល នៃរដ្ឋបាលខេត្តកំពង់ស្ពឺ បានចេញសេចក្តីជូនដំណឹង កាលពីថ្ងៃទី១៩ ខែធ្នូ ឆ្នាំ២០២៥ អំពីការពិនិត្យ ព្យាបាលជំងឺជូនវិរកងទ័ព និងគ្រួសារដោយឥតគិតថ្លៃ ។
មន្ទីរសុខាភិបាលនៃរដ្ឋបាលខេត្តកំពង់ស្ពឺ មានកិត្តយស ជម្រាបជូនដំណឹងដល់សាធារណៈជន បងប្អូនប្រជាពលរដ្ឋទាំងអស់មេត្តាជ្រាបថា៖ ដើម្បីចូលរួមគាំទ្រដល់យុទ្ធសាស្ត្ររបស់ប្រមុខរាជរដ្ឋាភិបាល និងគាំទ្រដល់វីរកងទ័ពជួរមុខ ដែលកំពុងការពារបូរណភាពទឹកដីនៅតាមព្រំដែនកម្ពុជា~ថៃ មន្ទីរសុខាភិបាល មានការយកចិត្តទុកដាក់ខ្ពស់អំពីសុខភាពរបស់វីរកងទ័ព រួមទាំងគ្រួសាររបស់កងទ័ពដែលនៅជួរក្រោយផងដែរ។ ក្នុងន័យនេះ ការពិនិត្យសុខភាព និងការព្យាបាលជំងឺជូនវីរកងទ័ព និងគ្រួសារកងទ័ព នៅតាមមន្ទីរពេទ្យបង្អែកខេត្ត មន្ទីរពេទ្យបង្អែកស្រុក និងមណ្ឌលសុខភាព ត្រូវទទួលបានការយកចិត្តទុកដាក់ខ្ពស់ និង ដោយឥតគិតថ្លៃ។
អាស្រ័យដូចបានជម្រាបជូនខាងលើ សូមបងប្អូនប្រជាពលរដ្ឋ និងសាធារណៈជន មេត្តាជ្រាបជា ព័ត៌មាន និងសូមអរគុណដល់ការរួបរួមគ្នាដើម្បីសន្តិភាពប្រទេសកម្ពុជា ៕
ចែករំលែកព័តមាននេះ