ដើមចមនៃពាក្យបណ្តឹងបានបញ្ជាក់ថាកើតហេតុជាង១ម៉ោង ប្អូនស្រីរបស់ដើមបណ្តឹងបានទៅពឹងឲ្យជួយដើររកប្តី លុះដល់វេលាម៉ោង៩យប់ក៏ប្រទះឃើញប្តីកំពុងឱបស្រីនៅក្នុង
ខេត្តប៉ៃលិន ៖ សេចក្តីរាយការណ៍មួយបានឲ្យដឹងថា កាលពីវេលាម៉ោងប្រមាណ៩និង៥០នាទីយប់ ថ្ងៃទី១៧ ខែមករា ឆ្នាំ២០២២ ការិយាល័យនគរបាលព្រហ្មទណ្ឌកម្រិតស្រាលខេត្ត បានទទួលពាក្យបណ្តឹងមួយពីស្ត្រីឈ្មោះ ហៃ គឹមហឿន អាយុ៤២ឆ្នាំ មុខរបរលក់ដូរ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ដែលបានប្ដឹងចោទប្រកាន់ទៅលើឈ្មោះ គូ ប៊ុនណា ភេទប្រុស អាយុ៤០ឆ្នាំ ជាកសិករ រស់នៅក្នុងភូមិ ឃុំ ជាមួយគ្នា ពីបទហិ.ង្សាដោយចេតនា ។
ដើមចមនៃពាក្យបណ្តឹងបានបញ្ជាក់ថា នៅវេលាម៉ោង៨និង៣០នាទីយប់ថ្ងៃទី១៧ ខែមករា ឆ្នាំ២០២២ ពោលគឺមុនកើតហេតុជាង១ម៉ោង ប្អូនស្រីរបស់ដើមបណ្តឹងបានទៅពឹងឲ្យជួយដើររកប្តីឈ្មោះ គូ ប៊ុនណា ។ លុះដល់វេលាម៉ោង៩យប់ក៏ប្រទះឃើញបុរសឈ្មោះ គូ ប៊ុនណា កំពុងឱបស្រីនៅក្នុងអាហារដ្ឋានទេសភាពជើងភ្នំច្រៀងខារ៉ាអូខេយ៉ាងសប្បាយរីករាយ ធ្វើដូចអត់មានរឿងអី្វ ខណៈប្រពន្ធកើតទុក្ខយ៉ាងខ្លាំងព្រោះបាត់ប្តីពីផ្ទះ ។
សេចក្តីរាយការណ៍បន្តថា នៅពេលដឹងថា ឈ្មោះ គូ ប៊ុនណា កំពុងកៀកកើយជាមួយស្រីក្នុងអាហារដ្ឋាន ស្ត្រីទាំង២នាក់បងប្អូនក៏ដើរចូលទៅបម្រុងហៅប្តីឲ្យវិលទៅផ្ទះវិញ ព្រោះជាវេលារំលងអធ្រាត្រហើយ ។ ពេលនោះស្រាប់តែប្តីកើតជម្លោះជាមួយប្រពន្ធ ទាស់ពាក្យសម្តីជេរគ្នាទៅវិញទៅមក រហូតមានការប្រវាយប្រតប់គ្នាទៀតផង ។
ខណៈឃើញដូច្នេះ ដើមបណ្តឹង ហៃ គឹមហឿន ដែលជាបងថ្លៃក៏ចូលទៅជួយឃាត់ដើម្បីកុំឲ្យប្តីប្រពន្ធនេះមានរឿងកាន់តែវែងឆ្ងាយ។ ប៉ុន្តែជាលទ្ធផល ស្រាប់តែឈ្មោះ គូ ប៊ុនណា យកក្បាលមីក្រូហ្វូនមកវាយគាត់ត្រូវក្បាល និងថ្ងាស បណ្តាលឲ្យបែកឈាម ។
ក្រោយពីទទួលបានពាក្យបណ្តឹងខាងលើនគរបាលការិយាល័យព្រហ្មទណ្ឌកម្រិតស្រាល ក្រោមការចង្អុលបង្ហាញពីឧត្តមសេនីយ៍ទោ សេង សាគន្ធ ស្នងការនគរបាលខេត្ត និងដឹកនាំផ្ទាល់ដោយឧត្តមសេនីយ៍ត្រី ស្រី សាម៉ុន ស្នងការរងទទួលផែនព្រហ្មទណ្ឌ ក៏បានទៅឃាត់ខ្លួនជនឈ្មោះ គូ បុ៊នណា ដើម្បីអនុវត្តតាមនីតិវិធី ៕
ចែករំលែកព័តមាននេះ