រាជធានីភ្នពេញ ៖ នៅលើទំព័រហ្វេសប៊ុករបស់ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានឲ្យដឹងថា នៅថ្ងៃទី២៣ ខែធ្នូ ឆ្នាំ២០២៥នេះ…
រាជធានីភ្នពេញ ៖ នៅលើទំព័រហ្វេសប៊ុករបស់ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានឲ្យដឹងថា នៅថ្ងៃទី២៣ ខែធ្នូ ឆ្នាំ២០២៥នេះ សារព័ត៌មានពិភពលោកនៅតែសម្លឹងមកលើសកម្មភាព នៃការឈ្លានពានរបស់យោធាថៃ មកលើកម្ពុជា ។
សារព័ត៌មានទាំងនោះមានដូចជា សារព័ត៌មាន IntelliNews ជាសារព័ត៌មានអង់គ្លេស បានផ្សាយអត្ថបទ «ប្រធានាធិបតី ត្រាំ ចោទថៃថា បានចាប់ផ្តើមសង្គ្រាមសាជាថ្មីជាមួយកម្ពុជា»។ ចំណែកទូរទស្សន៍ Channel News Asia បានចុះផ្សាយពីកម្ពុជា ស្នើថៃរៀបចំកិច្ចប្រជុំ GBC នៅប្រទេសម៉ាឡេស៊ី។ សារព័ត៌មានផ្សេងៗទៀត ចុះផ្សាយពីលទ្ធផល នៃការទស្សនកិច្ចការទូតរបស់បេសកកម្មពិសេសចិន មកកម្ពុជានិងថៃ ហើយសារព័ត៌មានផ្សេងទៀត បានផ្តោតលើចំនួនជនស៊ីវិលស្លាប់ នៅក្នុងការប្រយុទ្ធគ្នានេះ។ ចំណែកមន្ត្រីអង្គការសហប្រជាជាតិ បានសង្កត់ធ្ងន់លើជនភៀសសឹក និងបានស្នើឱ្យថៃ និងកម្ពុជា បន្ធួរបន្ថយភាពតានតឹង ។
ជាមួយគ្នានេះ សារព័ត៌មានមួយចំនួន ក៏បានផ្តោតលើអាស៊ាន ជំរុញកម្ពុជា និងថៃ បញ្ចប់អរិភាព ជាមួយគ្នា។ នេះជាផ្នែកមួយ នៃការនាំយកសំឡេងកម្ពុជាទៅឱ្យពិភពលោកបានដឹង ដឹងពីការរងគ្រោះរបស់កម្ពុជា និងដឹងពីការឈ្លានពានរបស់ថៃ មកលើទឹកដីកម្ពុជា។ មេដឹកនាំថៃ បានបង្ហាញការតូចចិត្តថា ហេតុអ្វីបានជាគ្មានប្រទេសណាមួយ ថ្កោលទោសកម្ពុជា និងហាក់ដូចជាប្រទេសទាំងនោះ មានគោលជំហរនៅខាងកម្ពុជា ? ជាការធម្មតា រវាងកម្ពុជា ដែលរងគ្រោះពីការឈ្លានពាន និងថៃ ដែលជាអ្នកឈ្លានពានគេ គឺពិភពលោកបានដឹងពីការពិតនេះ ៕
ចែករំលែកព័តមាននេះ