រាជធានីភ្នំពេញ ៖ក្រសួងសុខាភិបាលបានបញ្ជាក់ថា បានរកឃើញអ្នកជំងឺកូវីដ១៩បំប្លែងថ្មីអូមីក្រុង ក្នុងសហគមន៍បន្ថែម២៣នាក់ និងនាំចូល៧នាក់ ខណៈគ្មានអ្នកស្លា.ប់ដោយកូវីដនោះទេ ។
ក្រសួងសុខាភិបាលបានឲ្យដឹង នៅថ្ងៃទី១៩ មករា ឆ្នាំ២០២២ថា បានរកឃើញអ្នកឆ្លងថ្មី ៣០នាក់ទៀត (អូមីក្រុងទាំងអស់) ជាសះស្បើយ១៧នាក់ និងស្លា.ប់ «គ្មាន» ។
ក្រសួងថា ក្នុងចំណោមអ្នកឆ្លងមានករណីឆ្លងសហគមន៍ ២៣នាក់ (អូមីក្រុង) និងអ្នកដំណើរពីបរទេស៧នាក់ (អូមីក្រុង)។
គិតត្រឹមព្រឹក ថ្ងៃទី១៩ ខែមករា ឆ្នាំ២០២២ មានអ្នកឆ្លងសរុប១២០,៨៧៧ នាក់ អ្នកជាសះស្បើយ១១៧,១៤៦នាក់ និងអ្នកស្លា.ប់៣,០១៥នាក់ ។
ពាក់ព័ន្ធនឹងករណីចាក់វ៉ាក់សាំង ក្រសួងបានឲ្យដឹងថា កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី១៨ ខែមករា ឆ្នាំ២០២២ ចាក់លើប្រជាជន អាយុពី១៨ឆ្នាំឡើងមាន ១០១,៨២% ធៀបជាមួយចំនួនប្រជាជនគោលដៅ១០លាននាក់ ។
លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩៩,៣៣% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់។លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៥,៦៧% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់ ។ លើកុមារអាយុ ០៥ឆ្នាំ មាន ១០៣,៩៦% ធៀបជាមួយនឹងប្រជាជនគោលដៅ ៣០៤,៣១៧ នាក់ ។ ក្រសួងថា ជាលទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាននាក់ មាន ៨៩,៤៩% ៕
ចែករំលែកព័តមាននេះ