TA សោកស្តាយចំពោះបញ្ហា Djokovic ដែលប៉ះពាល់ដល់កីឡាករដទៃទៀត
អូស្ត្រាលី ៖ អ្នករៀបចំព្រឹត្តិការណ៍ Australian Open បង្ហាញការសោកស្តាយយ៉ាងខ្លាំង ចំពោះបញ្ហាកីឡាករ Novak Djokovic ដែល
អូស្ត្រាលី ៖ អ្នករៀបចំព្រឹត្តិការណ៍ Australian Open បង្ហាញការសោកស្តាយយ៉ាងខ្លាំង ចំពោះបញ្ហាកីឡាករ Novak Djokovic ដែល
អូស្ត្រាលី ៖ អ្នករៀបចំព្រឹត្តិការណ៍ Australian Open បង្ហាញការសោកស្តាយយ៉ាងខ្លាំង ចំពោះបញ្ហាកីឡាករ Novak Djokovic ដែលប៉ះពាល់ដល់កីឡាករ-កីឡាការិនីដទៃទៀត ដែលចូលរួមប្រកួតប្រជែងរដូវកាលនេះ។ នេះបើយោងតាមការចេញផ្សាយពីសារព័ត៌មាន CNN។
កីឡាករលំដាប់លេខ១ពិភពលោក Djokovic ដែលមិនបានចាក់វ៉ាក់សាំងបង្ការជំងឺកូវីដ-១៩ ត្រូវបាននិរទេសចេញពីអូស្ត្រាលីត្រឡប់ទៅកាន់ប្រទេសស៊ែបវិញ កាលពីថ្ងៃទី១៦ ខែមករា ឆ្នាំ២០២២ ក្រោយចាញ់ក្តីប្រឆាំងនឹងការសម្រេចចិត្តរបស់រដ្ឋាភិបាលអូស្ត្រាលី ដែលលុបទិដ្ឋាការរបស់គេក្រោមហេតុផលនៃការរំលោ.ភបំពានច្បាប់សុខភាពសាធារណៈ។ ដែលធ្វើឱ្យម្ចាស់ពានរង្វាន់ Grand Slam ២០សម័យវ័យ៣៤ឆ្នាំរូបនេះ បាត់បង់សិទ្ធិប្រកួត Australian Open 2022 ដែលទើបចាប់ផ្តើមកាលពីថ្ងៃទី១៧ ហើយដែលនឹងបញ្ចប់នៅថ្ងៃទី៣០ ខែមករា ឆ្នាំ២០២២ ខាងមុខ។
សេចក្តីថ្លែងការណ៍របស់សមាគមវាយកូនបាល់អូស្ត្រាលី (TA) បានលើកឡើងថា «យើងចង់បញ្ជាក់ឱ្យច្បាស់តាំងពីដំបូងថា យើងគោរពការសម្រេចចិត្តរដ្ឋមន្ត្រីអន្តោប្រវេសន៍ និងតុលាការសហព័ន្ធអូស្ត្រាលី។ យើងបានធ្វើការយ៉ាងជិតស្និទ្ធជាមួយភាគីពាក់ព័ន្ធ ដើម្បីផ្តល់នូវកម្មវិធីប្រកបដោយសុវត្ថិភាពសម្រាប់កីឡាករ-កីឡាការិនី បុគ្គលិក និងអ្នកគាំទ្រ»។
លិខិតបន្តថា «ក្នុងនាមគ្រួសារវាយកូនបាល់អូស្ត្រាលី យើងទទួលស្គាល់ថាព្រឹត្តិការណ៍ថ្មីៗមានការរំខានដល់គ្រប់គ្នា ហើយយើងមានការសោកស្តាយ ចំពោះផលប៉ះពាល់នេះ លើកីឡាករទាំងអស់។ នេះជាមេរៀនដែលត្រូវរៀន ហើយយើងនឹងពិនិត្យគ្រប់ទិដ្ឋភាពនៃការរៀបចំ និងការអនុវត្តដើម្បីជូនដំណឹងពីផែនការដូចដែលយើងបានធ្វើជារៀងរាល់ឆ្នាំ។ យើងសង្ឃឹមថា កីឡាករ និងអ្នកគាំទ្រជុំវិញពិភពលោកនឹងផ្តោតលើការប្រកួតនៅលើទីលាន»៕
ចែករំលែកព័តមាននេះ