កំពង់ផែពហុបំណងតម្លៃ ១.៣០០ លានដុល្លារគ្រោងសាងសង់នៅខេត្តកំពត
- ភ្នំពេញ
រាជធានីភ្នំពេញ ៖ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគរបស់ ក្រុមហ៊ុនមួយឈ្មោះ KAMPOT LOGISTICS AND PORT COMPANY LIMITED…
រាជធានីភ្នំពេញ ៖ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគរបស់ ក្រុមហ៊ុនមួយឈ្មោះ KAMPOT LOGISTICS AND PORT COMPANY LIMITED…
រាជធានីភ្នំពេញ ៖ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគរបស់ ក្រុមហ៊ុនមួយឈ្មោះ KAMPOT LOGISTICS AND PORT COMPANY LIMITED ក្នុងការវិនិយោគអភិវឌ្ឍន៍មណ្ឌលភ័ស្តុភារកម្ម និងកំពង់ផែពហុបំណង ដែលមានទីតាំងវិនិយោគស្ថិតនៅភូមិចង្ហោន សង្កាត់ព្រែកត្នោត ក្រុងបូកគោ ខេត្តកំពត ។ តាមការឱ្យដឹងរបស់ CDC គម្រោងនេះនឹងបោះទុនប្រមាណ ១.៣០០ លានដុល្លារអាមេរិក និងដែលអាចបង្កើតការងារបានចំនួន ៥៩០ កន្លែង ។
លោក កែវ សុជាតិ ប្រធានក្រុមហ៊ុន KW Cambodia សាខាខេត្តកំពតក៏បានឱ្យដឹងផងដែរថា សម្រាប់គម្រោងវិនិយោគកំពង់ផែពហុបំណងនេះ លោកឃើញឃើញថា បាននិងកំពុងទាក់ទាញការវិនិយោគនានានៅក្នុងខេត្តកំពត ជាពិសេសនៅតំបន់ជុំវិញគម្រោងអភិវឌ្ឍន៍មួយនេះ ។ លោកថា ម្រោងនេះ គេបានចាប់ផ្ដើមចាក់ដីបំពេញទីតាំង និងត្រៀមអភិវឌ្ឍន៍ជាបណ្ដើរៗហើយ តែនៅពេលក្រុមប្រឹក្សាអភិវឌ្ឍន៍កម្ពុជាបានចេញវិញ្ញាបនបត្រចុះបញ្ជីវិនិយោគជាផ្លូវការ គឺជាការផ្ដល់ទំនុកចិត្ត និងការជំរុញឱ្យវិនិយោគដែលគ្រោងនឹងវិនិយោគនៅក្នុងតំបន់ក្បែរគម្រោងធំនេះ ចាប់ផ្ដើមបញ្ចេញសកម្មភាពបន្ថែមទៀត ។
ខេត្តកំពត បានកំពុងសាងសង់កំពង់ផែទេសចរណ៍អន្តរជាតិមួយ ក្រោមគម្រោងហិរញ្ញប្បទានរបស់ធនាគារអភិវឌ្ឍន៍អាស៊ី ដែលជាផ្នែកមួយនៃគម្រោងអភិវឌ្ឍន៍ហេដ្ឋារចនាសម្ព័ន្ធទេសចរណ៍ សម្រាប់កំណើនប្រកបដោយបរិយាបន្នក្នុងមហាអនុតំបន់មេគង្គ (GMS TIIG No. 3194-CAM(COL) ។ ការសាងសង់កំពង់ផែនេះបានសម្រេចប្រមាណជិត ៩០% ហើយ ។
កំពង់ផែទេសចរណ៍អន្តរជាតិនេះ អាចផ្ទុកទេសចរ និងអ្នកដំណើរប្រមាណ ១ លាននាក់ ។ កំពង់ផែនេះនឹងក្លាយជាច្រកទ្វារអន្តរជាតិផ្លូវសមុទ្រយ៉ាងសំខាន់ តភ្ជាប់ការដឹកជញ្ជូនភ្ញៀវទេសចរទៅកាន់បណ្តាកោះនានានៅភាគខាងត្បូង និងតភ្ជាប់ខេត្តកំពត នៃប្រទេសកម្ពុជា ទៅកាន់ពិភពលោក ៕
ចែករំលែកព័តមាននេះ