ខេត្តក្រចេះ ៖ ចម្លាក់ថ្មប្រាសាទជាច្រើនបានរងការបាក់បែកប្រេះស្រាំដួលរលំមកដី បន្ទាប់ពីត្រូវបានឈូសឆាយបំផ្លិចបំផ្លាញ និងកាប់រំលំឈើពីក្រុមហ៊ុនវិនិយោគព្រៃសម្បទានដ៏ធំមួយ ដែលមានទីតាំងនៅតំបន់ត្រើយម្ខាង ស្រុកសំបូរ ខេត្តក្រចេះ ។ ទន្ទឹមនិងការធ្វើឲ្យខូចខាតនូវតំបន់ទីប្រសាទនេះ…
ខេត្តក្រចេះ ៖ ចម្លាក់ថ្មប្រាសាទជាច្រើនបានរងការបាក់បែកប្រេះស្រាំដួលរលំមកដី បន្ទាប់ពីត្រូវបានឈូសឆាយបំផ្លិចបំផ្លាញ និងកាប់រំលំឈើពីក្រុមហ៊ុនវិនិយោគព្រៃសម្បទានដ៏ធំមួយ ដែលមានទីតាំងនៅតំបន់ត្រើយម្ខាង ស្រុកសំបូរ ខេត្តក្រចេះ ។ ទន្ទឹមនិងការធ្វើឲ្យខូចខាតនូវតំបន់ទីប្រសាទនេះ ប្រជាសហគមន៍ជនជាតិដើមភាគតិច«ស្ទៀង»ដែលរស់នៅក្នុង ឃុំកំពង់ចាម ស្រុកសំបូរ ខេត្តក្រចេះ អំពាវនាវសុំឱ្យអាជ្ញាធរនិងមន្ត្រីជំនាញនៃមន្ទីរវប្បធម៌ និងវិចិត្រសិល្បៈ ខេត្តនេះចុះជួយអន្តរាគមន៍ ប្រមូលបំណែក ថ្ម ប្រាសាទបុរាណ ចំនួន២កន្លែង ដែលរងការឈូសឆាយ បំផ្លិចបំផ្លាញដោយក្រុមហ៊ុន សិងបាយអូថេក (THINK BIOTECH (CAMBODIA) CO., LTD) ។
ពលរដ្ឋនៅតំបន់នោះនិយាយថា ប្រាសាទលាវចោម និងប្រាសាទត្រពាំងក្របៅ ដែលមានទីតាំងស្ថិតនៅក្នុងភូមិសាស្ត្រ ភូមិអាជេន ឃុំកំពង់ចាម ត្រូវបានក្រុមហ៊ុន សិងបាយអូថេក THINK BIOTECH (CAMBODIA) CO., LTD ប្រើគ្រឿងចក្រឈូសឆាយបំផ្លិចបំផ្លាញ នាប៉ុន្មានខែកន្លងទៅថ្មីៗនេះ ។ មន្រ្តីនៃមន្ទីវប្បធម៌ខេត្តនិយាយថា តាមរយៈរូបភាពដែលអ្នកភូមិបានថតទុកជាភស្តុតាង រចនាប័ទ្ម នៃក្បាច់ចម្លាក់ជាប់ផ្ដែរ និងសសរស្ដម្ភ ដែលជាបំណែកនៅសេសសល់របស់ប្រាង្គប្រាសាទទាំង២នេះ មានលក្ខណៈស្រដៀងគ្នាទៅនឹងរចនាប័ទ្មនៃប្រាសាទ សំបូរព្រៃគុក ។ ដោយសារតែស្រុកសំបូរ ជារាជធីនគរសម្ភរនាសម័យចេនឡាទឹកលិច ទើបស្រុកមួយនេះសម្បូរទៅដោយប្រាង្គប្រាសាទជាច្រើន ដែលកំពុងតែកប់នៅក្នុងព្រៃនិងនៅលើកោះ។
ជុំវិញការអំពាវនាវពីបងប្អូនជនជាតិដើមភាគតិច ដែលស្នើឲ្យអាជ្ញាធរខេត្ត និងអាជ្ញាធរពាក់ព័ន្ធជួយអន្តរាគមន៍ប្រមូលបំណែកថ្មប្រាសាទបុរាណ ប្រធានមន្ទីរវប្បធម៌ និងវិចិត្រ សិល្បៈខេត្តក្រចេះ លោក ទេព វាសនា បានថ្លែងប្រាប់អ្នកសារព័ត៌មានថា ករណីនេះ លោកបានផ្ញើរបាយការណ៍ទៅក្រសួងហើយ ។ យ៉ាងណាក៏ដោយ ការបាត់បង់ប្រាសាទបុរាណទាំង២នេះ គឺជាការបាត់បង់ដ៏ធំធេង នៃសម្បត្តិបេតិកភណ្ឌដ៏មានតម្លៃរបស់ជាតិខ្មែរ ។
សូមបញ្ជាក់ថា ក្រុមហ៊ុន សិងបាយអូថេក (THINK BIOTECH (CAMBODIA) CO., LTD) គឺជាក្រុមហ៊ុនតំណាងឲ្យរដ្ឋាភិបាលកូរ៉េអភិវឌ្ឍន៍រួមគ្នាជាមួយរដ្ឋាភិបាល កម្ពុជាវិនិយោគ ដំណាំឧស្សាហកម្មអាកាស្យា ឬ ស្ថានីយ ស្ដារព្រៃឈើ ឡើងវិញដែលវិនិយោគលើផ្ទៃដីជាង៣ម៉ឺនហិកតា កាលពី ខែមិថុនាឆ្នាំ ២០១២ ស្ថិតនៅក្នុងស្រុកសំបូរ ខេត្តក្រចេះ និងមួយផ្នែកចូលដីស្រុក
សៀមបូក ខេត្តស្ទឹងត្រែង ។ មួយរយៈពេលចុងក្រោយនេះ ក្រុមហ៊ុននេះ កំពុងរងការចោទថា កំពុងតែធ្វើការប្រមូលកាប់ឈើខុសច្បាប់ពីតំបន់អភិរក្សព្រៃឡង់មកចូលក្រុមហ៊ុន មកកែច្នៃរូបភាពជាឈើមានច្បាប់។
ព័ត៌មានលម្អិតនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ