ផ្ទុះភ្នំភ្លើង និងស៊ូណាមី នៅប៉ាស៊ីហ្វិក ស្លា.ប់នារី២នាក់នៅប៉េរូ
មនុស្ស២នាក់បានត្រូវស្លា.ប់ដោយសារលង់ទឹកនៅប្រទេសប៉េរូ មកពីរលកធំខុសពីធម្មតា បណ្ដាលមកពីការផ្ទុះភ្នំភ្លើងបាតសមុទ្រ នៅប្រជុំកោះ
មនុស្ស២នាក់បានត្រូវស្លា.ប់ដោយសារលង់ទឹកនៅប្រទេសប៉េរូ មកពីរលកធំខុសពីធម្មតា បណ្ដាលមកពីការផ្ទុះភ្នំភ្លើងបាតសមុទ្រ នៅប្រជុំកោះ
ប្រជុំកោះតុងហ្គា ៖ មនុស្ស២នាក់បានត្រូវស្លា.ប់ដោយសារលង់ទឹកនៅប្រទេសប៉េរូ មកពីរលកធំខុសពីធម្មតា បណ្ដាលមកពីការផ្ទុះភ្នំភ្លើងបាតសមុទ្រ នៅប្រជុំកោះតុងហ្គា។
បន្ថែមលើការខូចខាតសម្ភារធ្ងន់ធ្ងរ ក្នុងបណ្ដាប្រទេសនៅជាប់មហាសមុទ្រប៉ាស៊ីហ្វិករលកយក្សស៊ូណាមី បណ្ដាលមកពីការផ្ទុះដ៏ខ្លាំងនៃភ្នំភ្លើងក្រោមបាតសមុទ្រ នៅប្រជុំកោះតុងហ្គា ក្នុងមហាសមុទ្រប៉ាស៊ីហ្វិកភាគខាងត្បូង បានសម្លា.ប់មនុស្ស២នាក់នៅប្រទេសប៉េរូ។ ប៉ុន្តែការគំរា.មកំហែងចាត់ទុកថា ចប់សព្វគ្រប់ហើយនាថ្ងៃទី១៦ ខែមករា។ នារី២នាក់បានស្លា.ប់ដោយលង់ទឹកនៅកន្លែងកម្សាន្តមាត់សមុទ្រ NAYLAMP តំបន់ LAMBAYEQUE ភាគខាងជើងប៉េរូ មកពីរលកធំខុសពីធម្មតា ពេលមានការផ្ទុះភ្នំភ្លើងនៅប្រជុំកោះតុងហ្គា។ នេះជាប្រកាសកាលពីថ្ងៃទី១៦ ខែមករា របស់មជ្ឈមណ្ឌលជាតិប្រតិបត្តិការបន្ទាន់ប៉េរូ។
មុននេះប៉េរូបានបិទកំពង់ផែ២២ ហើយប៉ូលិសគូសបញ្ជាក់ថា បានជួយសង្គ្រោះមនុស្ស២៣នាក់នៅឆ្នេរសមុទ្រ។
ស៊ូណាមីបណ្ដាលឲ្យមានការខូចខាតច្រើននៅភាគខាងជើងទីក្រុង NUKU’ALOFA រដ្ឋធានីប្រជុំកោះតុងហ្គា ដោយបណ្ដានាវា និងផ្ទាំងថ្មធំៗត្រូវរលកយក្សច្រានមកទើរលើមាត់ច្រាំង តែមិនមានជនរងគ្រោះស្លា.ប់ឡើយនៅប្រជុំកោះនោះ។ នេះជាការអះអាងរបស់នាយករដ្ឋមន្ត្រីនូវែលហ្សេឡង់ លោកស្រី JACINDA ARDERN។
លោកស្រីគូសបញ្ជាក់ថា ទំហំនៃការខូចខាតពិបាកក្នុងការវាយតម្លៃក្នុងប្រទេសប្រជុំកោះតូចនេះនៅប៉ាស៊ីហ្វិក ដោយបណ្ដាញគមនាគមន៍ត្រូវដាច់។ ទីក្រុង NUKU’ALOFA ក្រោមដណ្ដប់ដោយពពកផេះភ្នំភ្លើងយ៉ាងក្រាស់ តែសភាពការណ៍មានភាពស្ងប់ស្ងាត់។ ប្រជុំកោះតុងហ្គា ត្រូវការជំនួយខាងទឹក ព្រោះផេះ បណ្ដាលឲ្យមានការបំពុលទឹក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ