រាជធានីភ្នំពេញ ៖ រដ្ឋបាលខេត្តព្រះសីហនុបានប្រកាសផ្អាកចរាចរឆ្លងកាត់វិថី តេជោ (ទីលានតេជោ) ជាបណ្តោះអាសន្ន ដើម្បីរៀបចំបើកទិកាទេសចរណ៍អាស៊ានលើកទី៤០ ឆ្នាំ២០២២ ។ យោងតាមសេចក្តីជូនដំណឹងស្តីពីការផ្អាកចរាចរឆ្លងកាត់វិថីតេជោ(ទីលានតេជោ)…
រាជធានីភ្នំពេញ ៖ រដ្ឋបាលខេត្តព្រះសីហនុបានប្រកាសផ្អាកចរាចរឆ្លងកាត់វិថី តេជោ (ទីលានតេជោ) ជាបណ្តោះអាសន្ន ដើម្បីរៀបចំបើកទិកាទេសចរណ៍អាស៊ានលើកទី៤០ ឆ្នាំ២០២២ ។
យោងតាមសេចក្តីជូនដំណឹងស្តីពីការផ្អាកចរាចរឆ្លងកាត់វិថីតេជោ(ទីលានតេជោ) ជាបណ្តោះអាសន្ន ដើម្បីរៀបចំវេទិកាទេសចរណ៍អាស៊ានលើកទី៤០ ឆ្នាំ២០២២ របស់លោក គួច ចំរើន អភិបាលខេត្តព្រះសីហនុ បានលើកឡើងថា រាជរដ្ឋាភិបាលកម្ពុជាបានអនុញ្ញាតឱ្យក្រសួងទេសចរណ៍រៀបចំវេទិកាទេសចរណ៍អាស៊ានលើកទី៤០ ឆ្នាំ២០២២ ដែលរួមមានកិច្ចប្រជុំស្ថាប័នទេសចរណ៍ជាតិអាស៊ាន(NTO) និងកិច្ចប្រជុំរដ្ឋមន្ត្រីទេសចរណ៍អាស៊ាន ព្រមទាំងការតាំងពិព័រណ៍ទេសចរណ៍(Travex) នៅខេត្តព្រះសីហនុ ដែលនឹងប្រព្រឹត្តទៅចាប់ពីថ្ងៃទី១៦ ដល់ ថ្ងៃទី២២ ខែមករា ឆ្នាំ២០២២ ស្ថិតនៅសណ្ឋាគារឆ្នេរសុខា និងទីលានតេជោ សង្កាត់លេខ៤ ក្រុងព្រះសីហនុ ខេត្តព្រះសីហនុ។
លោកអភិបាលបានលើកឡើងថា ដើម្បីឱ្យកម្មវិធីខាងលើ ប្រព្រឹត្តទៅដោយរលូនមានសន្តិសុខ សុវត្ថិភាព និងរក្សាបានសណ្ដាប់ធ្នាប់សាធារណៈល្អប្រសើរ ព្រមទាំងបញ្ចៀសបាននូវការកកស្ទះចរាចរណ៍ រដ្ឋបាលខេត្តព្រះសីហនុនឹងផ្អាកការធ្វើចរាចរយានជំនិះគ្រប់ប្រភេទឆ្លងកាត់វិថីតេជោ (ទីលានតេជោ) ជាបណ្តោះអាសន្នចាប់ពីចំណុចត្រីកោណប្រសព្វ ព្រះស្កន្ទទ្រង់ក្ងោក(ជិតកន្ទុយនាគឆ្នេរសុខា ដល់ចុងផ្លូវលេខ៥០២ (ផែទូកទេសចរណ៍៥០២) ចាប់ពីវេលាម៉ោង៦និង០០នាទីព្រឹក ថ្ងៃទី១៧ ដល់ថ្ងៃទី១៩ ខែមករា ឆ្នាំ២០២២ ។
ចំពោះការបញ្ចៀសធ្វើដំណើរឆ្លងកាត់តាមទីតាំង និងកាលបរិច្ឆេទខាងលើដោយក្ដីអនុគ្រោះ ។ ផុតរយៈពេលហាមឃាត់បណ្ដោះអាសន្ននេះ រដ្ឋបាលខេត្តនឹងបើកឱ្យធ្វើចរាចរជាធម្មតាវិញ ។
ជាមួយគ្នានោះ លោកអភិបាលខេត្តស្នើឲ្យស្នងការដ្ឋាននគរបាលខេត្តព្រះសីហនុ បញ្ជាការដ្ឋានកងរាជអាវុធហត្ថខេត្តព្រះសីហនុ រដ្ឋបាលក្រុងព្រះសីហនុ និងមន្ទីរអង្គភាពពាក់ព័ន្ធត្រូវធ្វើការផ្សព្វផ្សាយឱ្យបានទូលំទូលាយ និងចាត់តាំងអនុវត្តឱ្យមានប្រសិទ្ធភាពខ្ពស់ ៕
ចែករំលែកព័តមាននេះ