សហរដ្ឋអាមេរិក ៖ ពលរដ្ឋអាមេរិកជាច្រើនលាននាក់ ចាប់ផ្ដើមតាំងពីដើមឆ្នាំ២០២២ទៅ ដើរកាត់គំនរសំរាម និងកាកសំណាល់ ដែលនៅសល់ពាសពេញ ខណៈពេលប្រមូលយកចេញមិនទាន់ ដែលបណ្តាលមកពីការឆ្លងរាលដាលខ្លាំងពេកនៃវីរុសប្រភេទ «អូមីក្រុង» ហើយអ្នកប្រមូលសំរាមជាច្រើននាក់ត្រូវបានដេកឈឺដោយសារតែឆ្លងវីរុសនេះ។
តាមចិញ្ចើមថ្នល់គំនរសំរាមនៅគរចោល។ ហើយទីក្រុងមួយចំនួនមានសំរាមកកស្ទះ ដោយសារតែក្នុងសេវាកម្មប្រមូលសំរាម ហើយអ្នកប្រមូលកាន់តែច្រើនឆ្លងកូវីដ ជាហេតុនាំឲ្យកាកសំណល់នៅសល់គរតាមដងផ្លូវសាធារណៈ។ សភាពការណ៍កកស្ទះដោយសារតែសំរាមនោះកាន់តែធ្ងន់ធ្ងរ ជាពិសេសពេលបុណ្យណូអែល និងពេលបុណ្យចូលឆ្នាំថ្មីឆ្នាំសកល។ ព្រោះថា ពលរដ្ឋអាមេរិកនាពេលនោះ មានសំរាមកាកសំណល់ជាច្រើនដែលត្រូវបញ្ចេញ។
តាមវិទ្យុរដ្ឋ NPR បានឱ្យថា កាកសំណល់មានជាច្រើន ព្រោះពេលបុណ្យពលរដ្ឋនាំគ្នាបរិភោគច្រើន ហើយក៏ផលិតសំរាមច្រើនផងដែរ។ ចំពោះបណ្ដានិយោជិតសម្អាតសាធារណៈភាគច្រើនមិនទាន់បានចាក់វ៉ាក់សាំង ដែលបែបនោះកាន់តែមានអាសន្ននៅក្នុងប្រទេសអាមេរិក។ ចំណែកបុគ្គលិកប្រមូលសំរាមមានចំនួនដល់ទៅ១ភាគ៤ មិនបានមកធ្វើការក្នុងតំបន់មួយចំនួន ព្រោះតែការឆ្លងរីកដាលនៃវីរុសកូវីដនេះ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ