យោងតាមឯកសារផ្លូវការរបស់មន្ទីរប៉ង់តាហ្គោនដែលបង្ហាញកាលពីថ្ងៃទី១២ ខែមករា ឆ្នាំ២០២២ ថា សហរដ្ឋអាមេរិកបានអនុម័តដោះលែងអ្នកទោស៥នាក់ថែមទៀត ចេញពីពន្ធនាគារយោធាហ្គង់តាណាម៉ូ ដែលនៅទីនោះមាន
សហរដ្ឋអាមេរិក ៖ យោងតាមឯកសារផ្លូវការរបស់មន្ទីរប៉ង់តាហ្គោនដែលបង្ហាញកាលពីថ្ងៃទី១២ ខែមករា ឆ្នាំ២០២២ ថា សហរដ្ឋអាមេរិកបានអនុម័តដោះលែងអ្នកទោស៥នាក់ថែមទៀត ចេញពីពន្ធនាគារយោធាហ្គង់តាណាម៉ូ ដែលនៅទីនោះមានឃុំឃាំងអ្នកទោស ៣៩នាក់ទៀត ដែលគេថាជាអ្នកស្ថិតក្នុងក្រុមភេរវកម្មនានា ដូចជាក្រុមអាល់កៃដាជាដើម។
យោងតាមឯកសារថ្មីទាំងនោះចេញផ្សាយនាសប្ដាហ៍នេះថា ដោយពុំមានការចោទប្រកាន់ផ្លូវការ បុរសជនជាតិយេម៉ែន៣នាក់មានឈ្មោះ MOUAZ AL ALAOUL ឈ្មោះ SOUCHEIL AL CHARABI និងឈ្មោះ OMAR AL RAMMAH ជនជាតិសូម៉ាលីម្នាក់ឈ្មោះGULED HASSAN DURAN និងជនជាតិកេនយ៉ាម្នាក់ឈ្មោះ MOHAMMED ABDUL MALIK បានទទួលលិខិតដោះលែងកាលពីដំណាច់ឆ្នាំ២០២១។ គណៈកម្មការមួយទទួលបន្ទុកពិនិត្យឡើងវិញ ជំរំឃុំឃាំងហ្កង់តាណាម៉ូ ដែលមានសមាសភាពបណ្ដាអ្នកទទួលខុសត្រូវជាន់ខ្ពស់នៃរដ្ឋាភិបាលអាមេរិក បានវិនិច្ឆ័យថា ពួកអ្នកទាំងនេះលែងជាតំណាងនៃគ្រោះថ្នាក់សម្រាប់សហរដ្ឋអាមេរិកទៀតហើយ។
ការអនុញ្ញាតឲ្យដោះលែងអ្នកទោសនៅហ្គង់តាណាម៉ូ៥នាក់ថ្មីនេះទៀត នាំឲ្យចំនួនអ្នកទោសដែលអាមេរិកសន្យាដោះលែង មានដល់១៨នាក់ហើយ។ អ្នកទោសត្រូវដោះលែងថ្មីទាំងនេះមានការយឺតយ៉ាវក្នុងការចាកចេញ ព្រោះក្រុងវ៉ាស៊ិនតោន ពុំធ្វើមាតុភូមិនិវត្តន៍អតីតអ្នកទោសទាំងនេះ ទៅកាន់យេម៉ែនព្រោះជាប្រទេសកំពុងមានសង្គ្រាមសីុវិលយ៉ាងសាហាវ ឬទៅកាន់សូម៉ាលីជាប្រទេសមួយទៀតកំពុងមានវិបត្តិដែរ។
បណ្ដាអ្នកជំនាញការឯករាជ្យរបស់ អ.ស.ប ក្នុងសប្ដាហ៍នេះបានស្នើដល់សហរដ្ឋអាមេរិកឲ្យបិទពន្ធនាគារយោធាហ្គង់តាណាម៉ូ ជាកន្លែងមានការរំលោ.ភបំពានសិទ្ធិមនុស្សមិនឈប់ឈរ។ ពន្ធនាគារហ្គង់តាណាម៉ូនោះដែលបើកចាប់តាំងពី២០ឆ្នាំមកហើយ ក្រោយការវាយប្រហារភេរវកម្មថ្ងៃទី១១ ខែកញ្ញា ឃុំឃាំងអ្នកទោសដល់ទៅ៧៨០នាក់ ដោយពួកអ្នកទោសទាំងនេះ មានព័ត៌មាននានាថា រងការធ្វើបាបខ្លាំងដោយពួកទាហានអាមេរិក។ ក្រោយមកអ្នកទោសទាំងនេះភាគច្រើន ត្រូវបានដោះលែងដោយមួយចំនួនជាប់ឃុំនៅទីនោះអស់ពេលដល់ជាង១០ឆ្នាំទាំងដោយគ្មានបទចោទប្រកាន់៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ