ទឹកជំនន់ថ្មីនៅប្រេស៊ីល មនុស្ស១០នាក់ស្លា.ប់
អាជ្ញាធរមូលដ្ឋានរាយការណ៍នាថ្ងៃទី១២ ខែមករា ឆ្នាំ២០២២នេះថា មនុស្ស១០នាក់បានត្រូវស្លា.ប់ កាលពីថ្ងៃទី៩និងទី១០ ខែមករា ដោយសារទឹកជំនន់ និងការបាក់ដីជាបន្តបន្ទាប់ មកពី
ប្រទេសប្រេស៊ីល ៖ អាជ្ញាធរមូលដ្ឋានរាយការណ៍នាថ្ងៃទី១២ ខែមករា ឆ្នាំ២០២២នេះថា មនុស្ស១០នាក់បានត្រូវស្លា.ប់ កាលពីថ្ងៃទី៩និងទី១០ ខែមករា ដោយសារទឹកជំនន់ និងការបាក់ដីជាបន្តបន្ទាប់ មកពីមានភ្លៀងធ្លាក់ខ្លាំង ក្នុងរដ្ឋMINAS GERAIS ភាគអាគ្នេយ៍ប្រេស៊ីល។
ក្នុងចំណោមជនរងគ្រោះទាំងនេះមាន៥នាក់ ជាសមាជិកនៃគ្រួសារតែមួយ ក្នុងនោះមានកុមារ២នាក់ ដែលស្លា.ប់ដោយរថយន្តពួកគេត្រូវកប់ដោយការហូរភក់ ក្នុងទីក្រុង BRUMADINHO។ ចាប់តាំងពីមានភ្លៀងធ្លាក់ពីដើមខែតុលាមក មនុស្ស១៩នាក់ហើយបានត្រូវស្លា.ប់ ក្នុងរដ្ឋនោះមកពីទឹកជំនន់ ចំណែកមនុស្សជាង១៧.២០០នាក់ទៀត ត្រូវបង្ខំចិត្តចាកចេញពីផ្ទះសម្បែង។
អភិបាលរងរដ្ឋ MINAS GERAIS លោក PAULO BRANT ក្នុងវីដេអូមួយផ្សាយតាម INSTAGRAM លើកឡើងពីភ្លៀងធ្លាក់ខ្លាំងពិសេស ក្នុងរយៈពេលដ៏ខ្លីកម្រិតទឹកភ្លៀងមានខ្ពស់ ព្រមទាំងពីការខុសឆ្គងនាពេលកន្លងមក របស់បណ្ដាទីក្រុងដែលពង្រីកដោយអានាធិបតេយ្យមិនរៀបរយ និងពីការខ្វះសកម្មភាពប្រឈមមុខនឹង ភាពកាន់តែរ៉ាក់ទៅនិងពោរពេញដោយការបំពុលនៃស្ទឹងនានា។ ទីក្រុងប្រមាណជា១៤៥ក្នុងចំណោមទីក្រុងទាំង៨៥៣នៃរដ្ឋMINAS GERAISបានចេញការប្រកាសអាសន្នទឹកជំនន់៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ