សៀវភៅកាលាមសូត្របានបរិយាយអំពីទ្រឹស្តីថា «កុំទាន់អាលជឿទាំង១០ចំណុច» ដែលជាទ្រឹស្តីមានអត្តន័យអប់រំយ៉ាងជ្រាលជ្រៅ និងមានអត្ថប្រយោជន៍ដ៏ទូលំទូលាយដល់សង្គមមនុស្ស ដើម្បីបានជាគំនិតថាមុននឹងជឿលើអ្វីមួយត្រូវគិតឱ្យបានល្អិតល្អន់ កុំចេះតែជឿដោយគ្មានហេតុផល ។ ខាងក្រោមនេះជាខ្លឹមសារអប់រំនៃពាក្យថា កុំទាន់អាលជឿទាំង១០ចំណុចគឺ៖
១-កុំទាន់អាលជឿព្រោះសេចក្តីរាយការណ៍។
២-កុំទាន់អាលជឿព្រោះតែទំនៀមទម្លាប់។
៣-កុំទាន់អាលជឿព្រោះពាក្យចចាមអារ៉ាម។
៤-កុំទាន់អាលជឿព្រោះការអាងក្បួនឬគម្ពីរ។
៥-កុំទាន់អាលជឿតាមតែការត្រិះរិះ រឺស្មានតាមហេតុផល។
៦-កុំទាន់អាលជឿព្រោះលំនឹកស្មាន។
៧-កុំទាន់អាលជឿព្រោះការត្រិះរិះតាមស្ថានភាពឬអាការ:។
៨-កុំទាន់អាលជឿព្រោះត្រូវនឹងទ្រឹស្តី ដែលពិនិត្យពិច័យហើយ។
៩-កុំទាន់អាលជឿព្រោះឃើញទំនងគួរឲ្យជឿ។
១០-កុំទាន់អាលជឿព្រោះតែ បុគ្គលរូបនេះ ជាគ្រូរបស់អ្នក ។
ការជឿដោយមិនមានហេតុផល និងមិនបានពិចារណាឱ្យបានច្បាស់លាស់គឺជាការជឿប្រកបដោយគ្រោះថ្នាក់បំផុត គឺគ្រោះថ្នាក់ទាំងបញ្ហាអាយុជីវិត គ្រោះថ្នាក់ទាំងបញ្ហាទ្រព្យសម្បត្តិ និងគ្រោះថ្នាក់ដល់ពេលវេលា គឺការខាតបង់ពេលវេលាទៅដោយឥតប្រយោជន៍ ៕ សាន សារិន
ចែករំលែកព័តមាននេះ