ក្រុងព្យុងយ៉ាង អះអាងពីការបា.ញ់សាកទឹកចុងក្រោយមីស៊ីលលឿនជាងសំឡេង
ប្រទេសកូរ៉េខាងជើងអះអាងថា ខ្លួនបានបា.ញ់សាកល្បង ទឹកចុងក្រោយនៃមីស៊ីលលឿនជាងសំឡេងដោយជោគជ័យ
ប្រទេសកូរ៉េខាងជើង ៖ ប្រទេសកូរ៉េខាងជើងអះអាងថា ខ្លួនបានបាញ់សាកល្បង ទឹកចុងក្រោយនៃមីស៊ីលលឿនជាងសំឡេងដោយជោគជ័យ កាលពីថ្ងៃទី១១ ខែមករា ឆ្នាំ២០២២ ក្រោមវត្តមានរបស់ប្រធានគណៈកម្មាធិការកិច្ចការរដ្ឋលោកគីមជុងអ៊ុន។ នេះបើតាមសេចក្ដីរាយការណ៍ចេញផ្សាយនាថ្ងៃទី១២ ខែមករា របស់ទីភ្នាក់ងារព័ត៌មានផ្លូវការកូរ៉េខាងជើង KCNA។
បើតាម KCNA បានឱ្យដឹងថា ការបាញ់សាកល្បងនោះសំដៅ ត្រួតពិនិត្យមើលជាលើកចុងក្រោយ លក្ខណៈបច្ចេកទេសពិសេសរបស់ប្រព័ន្ធអាវុធលឿនជាងសំឡេង ដោយបណ្ឌិត្សសភាវិទ្យាសាស្ត្រការពារ។ កាលពីថ្ងៃទី១១ ខែមករា គណៈកម្មាធិការនាយសេនាធិការកងទ័ពកូរ៉េខាងត្បូងវាយតម្លៃថា មីស៊ីលនោះត្រូវបានបាញ់ចេញពីខេត្ត JAGANG ទៅកាន់សមុទ្រខាងកើត។
មីស៊ីលនោះហោះហើរ ក្នុងចម្ងាយលើសពី៧០០គីឡូម៉ែត្រ និងក្នុងកម្ពស់៦០គីឡូម៉ែត្រ ព្រមទាំងក្នុងល្បឿនលឿនជាងសំឡេងដល់១០ដង។បែបនេះបង្ហាញពីការកែលម្អមួយបើប្រៀបធៀបទៅនឹងមីស៊ីលលឿនជាងសំឡេង ដែលបាញ់សាកកាលពីថៃ្ងទី៥ ខែមករា ដែលហោះហើរក្នុងល្បឿនលឿនជាងសំឡេងត្រឹម៦ដង៕ ដកស្រង់ចេញពីវេបសាយ ៖ yna
ចែករំលែកព័តមាននេះ