ក្រុមហ៊ុន T-Mobile គឺកំពុងតែជាប់នៅក្នុងបញ្ជីឈ្មោះក្រុមហ៊ុន ដែលបានលេចធ្លាយព័ត៌មានផ្ទាល់ខ្លួនរបស់អតិថិជន តែការលេចធ្លាយលើកនេះ គឺធ្វើឡើងយ៉ាងស្ងប់ស្ងាត់ ដោយ Hacker ជនជាតិររុស្ស៊ីម្នាក់ ជាមេខ្លោងនៅពីក្រោយការលេចធ្លាយព័ត៌មានផ្ទាល់ខ្លួនរបស់អ្នកប្រើប្រាស់បណ្តាញសង្គមល្បីៗមួយចំនួនដូចជា LinkedIn, MySpace, Tumblr និង VK.com ។
បុគ្គលិករបស់ក្រុមហ៊ុនខាងលើនេះ បានលួចទិន្នន័យរបស់អតិថិជនជាង១,៥លាននាក់របស់ក្រុមហ៊ុន T-Mobile នៃសាធារណៈរដ្ឋឆេក (Czech) ដើម្បីយកទៅលក់បន្ត ។ បុគ្គលិកក្រុមហ៊ុននេះ បានលក់ទន្និន័យទីផ្សាររបស់អតិថិជនរបស់ T-Mobile ដែលមានដូចជាឈ្មោះ អ៊ីមែល លេខកុងធនាគារ និងព័ត៌មានផ្ទាល់ខ្លួនជាច្រើនទៀត ។
ប៉ុន្តែក្រុមហ៊ុន T-Mobile នៃសាធារណៈរដ្ឋឆេក (Czech) បានបដិសេធនឹងការផ្តល់ព័ត៌មានទាក់ទងនឹងទិន្នន័យ ដែលត្រូវបានលួច ដោយមូលហេតុថា ប៉ូលិសកំពុងធ្វើការតាមដានរឿងនេះបន្ថែម ។
បន្ថែមពីលើនេះទៅទៀត ក្រុមហ៊ុនខាងលើបានធានាថា ទិន្នន័យដែលត្រូវបានលួចនោះ មិនមានព័ត៌មានសំខាន់ៗ ដូចជាទីកន្លែងស្នាក់នៅ និងលេខសម្ងាត់ឡើយ តែគឺមានតែព័ត៌មាន ដែលអាចសម្រួលដល់ការធ្វើពាណិជ្ជកម្មទីផ្សារតែប៉ុណ្ណោះ ។
ការស៊ើបអង្កេតទៅលើរឿងនេះ គឺកំពុងតែត្រូវបានបោះទៅឲ្យក្រុមប៉ូលិសរបស់សាធារណៈរដ្ឋឆេក (Czech) ពីបទល្មើសប្រព្រឹត្តិដោយមានចេតនា ព្រោះវាបានកើតឡើងមិនមែនដោយមូលហេតុនៃការធ្វេសប្រហែសបច្ចេកទេសឡើយ តែវាបានកើតឡើងដោយមានការប៉ុនប៉ងពីបុគ្គលិកក្រុមហ៊ុន ។
ក្រុមហ៊ុន T-Mobile នៃសាធារណៈរដ្ឋឆេក បានប្រាប់ឲ្យដឹងទៀតថា ពួកគេនឹងធ្វើការផ្តល់ដំណឹងដល់អតិថិជនរបស់ពួកគេអំពីដំណើរការនៃការស៊ើបអង្កេតនេះ ៕
ចែករំលែកព័តមាននេះ