ADផ្ទាំងផ្សព្វផ្សាយពាណិជ្ជកម្ម

Picture

កូវីដបម្លែងថ្មី IHU នៅបារាំង មានករណីឆ្លងទាបនៅឡើយ

1 អាទិត្យ មុន

ការសិក្សាថ្មីមួយបានពិនិត្យលើកូវីដបម្លែងថ្មី IHU ដែលត្រូវបានរកឃើញដំបូងគេនៅប្រទេសបារាំង ហើយរកឃើញថាវាមិនមានអ្វីគួរឱ្យបារម្ភខ្លាំងក្លានោះទេរហូតមកដល់ពេលនេះ។ ការសិក្សាដែលបានបោះពុម្ពផ្សាយនៅលើ medRxiv ក្រោយពីមានការរកឃើញនៅប្រទេសបារាំង។ អ្នកស្រាវជ្រាវបានរកឃើញថា វ៉ារ្យ៉ង់នេះមិនទាន់រីករាលដាលដល់កម្រិតណា ដែលជាកង្វល់ធំនៅឡើយទេ។…

ការសិក្សាថ្មីមួយបានពិនិត្យលើកូវីដបម្លែងថ្មី IHU ដែលត្រូវបានរកឃើញដំបូងគេនៅប្រទេសបារាំង ហើយរកឃើញថាវាមិនមានអ្វីគួរឱ្យបារម្ភខ្លាំងក្លានោះទេរហូតមកដល់ពេលនេះ។ ការសិក្សាដែលបានបោះពុម្ពផ្សាយនៅលើ medRxiv ក្រោយពីមានការរកឃើញនៅប្រទេសបារាំង។

Picture

អ្នកស្រាវជ្រាវបានរកឃើញថា វ៉ារ្យ៉ង់នេះមិនទាន់រីករាលដាលដល់កម្រិតណា ដែលជាកង្វល់ធំនៅឡើយទេ។ អ្នកស្រាវជ្រាវបាននិយាយថា៖ “ការសិក្សានេះបានពិពណ៌នាអំពីការលេចឡើងនៃកូវីដប្រភេទថ្មី ហើយដាក់ឈ្មោះថា IHU។ ទោះជាយ៉ាងណាក៏ដោយអ្នកស្រាវជ្រាវបាននិយាយថា វានៅមានការព្រួយបារម្ភតិចនៅឡើយ ដោយសារតែចំនួនករណីឆ្លងនៅទាប។”

អង្គការសុខភាពពិភពលោក WHO បាននិយាយកាលពីថ្ងៃពុធថា កូវីដប្រភេទថ្មីនេះ ដែលដាក់ឈ្មោះដោយអ្នកសិក្សានៅវិទ្យាស្ថាន IHU Mediterranee Infection មិនមែនជាកង្វល់មួយនៅឡើយទេ ព្រោះវាបានរីករាលដាលតិចតួចនៅប្រទេសបារាំង។

យោងតាមកាសែត The New York Times លោក Abdi Mahmud អ្នកគ្រប់គ្រងឧប្បត្តិហេតុកូវីដ បាននិយាយកាលពីថ្ងៃអង្គារថា៖ “មេរោគនោះមានឱកាសច្រើនក្នុងការឆ្លង។ តែវានៅមានករណីឆ្លងតិចនៅឡើយ។ ដូចនេះ ការបារម្ភក៏តិចទៅតាមហ្នឹងដែរ៕”