ADផ្ទាំងផ្សព្វផ្សាយពាណិជ្ជកម្ម

Picture

រឿងទាំង ៥ គួរធ្វើ​ ដើម្បីជួយ​អ្នក​ឱ្យមាន​សុវត្ថិភាព​គ្រប់គ្រង​ហិរញ្ញវត្ថុមុន​​អាយុ ៣០ ឆ្នាំ

2 ឆ្នាំ មុន
  • ភ្នំពេញ

រាជធានី​ភ្នំពេញ ​៖ តាម​ការ​ស្រាវជ្រាវ​អោយ​ដឹងថា យុវវ័យ​ជា​ច្រើនមិនសូវ​ជា​មាន​ផ្នត់គំនិតចេះ​គ្រប់គ្រង​ហិរញ្ញវត្ថុ ឬ​ចាយ​អោយ​ត្រូវ​នឹង​តម្រូវការ​ណាស់​ ។ យុវជន យុវនារី​ខ្លះ បាន​ប្រើប្រាស់​ពេលវេលា ​និង​មាសប្រាក់​របស់​ខ្លួនទៅ​ក្នុង​រឿង​ដែល​មិនសូវ​ជា​ផ្តល់​ប្រយោជន៍​អោយ​ពួក​គេ​នោះទេ…

រាជធានី​ភ្នំពេញ ​៖ តាម​ការ​ស្រាវជ្រាវ​អោយ​ដឹងថា យុវវ័យ​ជា​ច្រើនមិនសូវ​ជា​មាន​ផ្នត់គំនិតចេះ​គ្រប់គ្រង​ហិរញ្ញវត្ថុ ឬ​ចាយ​អោយ​ត្រូវ​នឹង​តម្រូវការ​ណាស់​ ។ យុវជន យុវនារី​ខ្លះ បាន​ប្រើប្រាស់​ពេលវេលា ​និង​មាសប្រាក់​របស់​ខ្លួនទៅ​ក្នុង​រឿង​ដែល​មិនសូវ​ជា​ផ្តល់​ប្រយោជន៍​អោយ​ពួក​គេ​នោះទេ ​។ នៅ​ក្នុង​អាយុ​ ២០ ​ផ្លា​យ អ្នកខ្លះ​ចាយវាយ​លុយកាក់​សឹងតែ​មិន​គ្រប់ និង​មិន​ស័ក្តិ​សម​ទៅ​នឹង​ចំណូល​ដែល​ខ្លួន​មាន អាច​ថា ​សុំ​លុយ​ម៉ែឪ​មក​ចាយទៀត ​។ ដូច្នេះអ្នក​គួរ​ធ្វើ​រឿង​ទាំងនេះ មុន​ពេល​អ្នកមាន​អាយុ​លើស ៣០ ឆ្នាំ ​៖

រឿង​ទី ​១ ដែល​អ្នក​គួរ​ធ្វើ​ និងតាមដាន​ការ​ចំណាយ​របស់​អ្នក​៖ ប្រសិនបើ​អ្នក​មិន​ចង់​ទឹកភ្នែក​ក្រោយ​អាយុ ៣០ ឆ្នាំ អ្នក​គួរ​ចាប់ផ្តើម​គិតគូរ​រឿង​ចំណូល​ចំណាយ​ឡើង​វិញ តាមដាន​ថា​ ប្រាក់​ចំណាយ​ច្រើន​ជាង​ប្រាក់​ចំណូល​ទេ បើ​ច្រើន​ជាង​អ្នក​ត្រូវ​រក​វិធី​កាត់​បន្ថយ​ការ​ចំណាយ ​។

រឿង​ទី​ ២ ដែល​អ្នក​គួរ​ធ្វើ​ និងរស់នៅ​ដោយ​ប្រើ​ជីវិត​សាមញ្ញ​ ៖ ត្រូវ​ទុក​ជីវិត​បែប​ហា​យ​សូ របស់​អ្នក​នៅ​អោយ​ឆ្ងាយ​សិន សន្សំ​ប្រាក់​តាម​លទ្ធភាព​ដែល​អ្នក​អាច​ធ្វើ​បាន ចៀសវាង​យក​ប្រាក់​ទៅ​ទិញ​របស់​ប្រណីត​ៗ និង​ថ្លៃ​ៗ​ ។ ហើយ​អ្នក​ត្រូវ​គិត​ថា បើ​សន្សំ​ប្រាក់​មិន​ទាន់​មាន​គោលដៅ ក៏​ត្រូវ​គិត​ថា​ សន្សំ​ប្រាក់​ក្នុង​គ្រា​មាន​អាសន្ន​ដែរ ​។

រឿង​ទី​ ៣ ដែល​អ្នក​គួរ​ធ្វើ​ និងកុំ​ខ្ចី​លុយ​គេសម្រាប់​ហ៊ឺហារ ឬ​គ្រាន់តែ​បង្អួត​គេ ​៖ ប្រសិនបើ​អ្នកមាន​គម្រោង​ខ្ចី​លុយ​គេ ឬ​បង់​រំលស់ សួរ​ខ្លួនឯង​យក​លុយ​នោះ មក​ដើម្បី​អ្វី ? តើយ​កមក​ទិញ​របស់​ថ្លៃ​ៗ​បង្អួត​គេ ឬ​ខ្ចី​លុយ​គេ​មក​ប្រើប្រាស់​ជា​ប្រយោជន៍ ដូច​បង់ថ្លៃ​សាលារៀន ធ្វើ​អា​ជី​កម្ម​អ្វីមួយ ឬ​ទិញ​ផ្ទះ វិនិយោគ ។​ល​។ ប្រើ​សិន​បើ​អ្នក​ខ្ចី​លុយ​គេ​ដើម្បី​វិនិយោគ​ទាំងនេះ អ្នក​គួរ​ខ្ចី ​។

រឿង​ទី ​៤ ដែល​អ្នក​គួរ​ធ្វើ​ និងបង្កើត​ក្តី​សុ​បិ​ន្ត​រយៈពេល​ខ្លី​សិន ​៖ នៅ​ពេល​អ្នក​សន្សំ​ប្រាក់ អ្នក​ត្រូវ​មាន​គោលដៅ​ខ្លី​មួយ​ទៅ​លើ​ប្រាក់​សន្សំ​នេះ ដូច​ជា ហានិភ័យ​ពេល​បាត់បង់​ការងារ​ធ្វើ​ភ្លាម​ៗ ប៉ុន្តែ​ប្រសិនបើ​អ្នកមាន​គោលដៅ​វែង​ឆ្ងាយ​រឹតតែ​ល្អ ព្រោះ​វា​នឹង​ជំរុញទឹកចិត្ត​អ្នក​អោយ​សន្សំ​បាន​កាន់តែ​ច្រើន ​។ ជា​ការ​ពិត​ប្រសិនបើ​អ្នក​មិន​មាន​គោលដៅ នោះ​អ្នក​នឹង​គិត​ថា សន្សំ​លុយ​ដើម្បី​អ្វី ​! ដូចនេះ​អ្នក​ត្រូវ​រក​អោយ​ឃើញ​នូវ​គោលដៅ​ច្បាស់លាស់​របស់​មួយ​អោយ​បាន ​។

រឿង​ទី ​៥ ដែល​អ្នក​គួរ​ធ្វើ​ និងរៀន​ទទួលយក​ហានិភ័យដែល​នឹង​កើត​មាន​ ៖ ប្រសិនជាអ្នកនៅក្មេង គួររៀនទទួលយកហានិភ័យ ទទួលយកនូវអ្វីដែលអ្នកបានគណនា តែមិនដូចប្រាថ្នា នោះភាពវ័យក្មេងរបស់អ្នកនឹងអាចរៀនពីវាបានច្រើន ។ នៅពេលអ្នករៀនអំពីហានិភ័យនានាអំពីប្រាក់កាក់ នោះអ្នកនឹងអាចកសាងសមត្ថភាពការគិត និងកាន់តែប្រុងប្រយ័ត្ន មុនពេលអ្នកសម្រេចចិត្តលើអ្វីមួយ ។ មួយវិញទៀតបរាជ័យមិនមែនជាឧបសគ្គ សម្រាប់រារាំងភាពជោគជ័យរបស់អ្នកទេ បើអ្នកបរាជ័យពីវ័យក្មេងនោះអ្នកនៅមានឱកាសច្រើនដើម្បីកែប្រែវា ។

យុវវ័យគួរ​ត្រៀម​ ឬ​គណនាសម្រាប់ការផ្លាស់ប្តូរជីវិតខ្លួនឯង ដែល​អ្វីមួយដែល​នឹង​អាច​កើត​មាន​ ដូច​ជាការ​ផ្លាស់​ប្តួរទីកន្លែងដែលអាច​អោយ​អ្នក​មានឱកាស​ការងារ​កាន់តែ​ច្រើន សន្សំលុយ​សម្រាប់​រៀន​ជំនាញ ​ឬ​ការ​បណ្តុះបណ្តាល​បន្ថែម ចាប់​យក​ការងារ​ថ្មី​នៅ​ក្រុមហ៊ុន​ផ្សេង ដោយ​ទទួល​បាន​ប្រាក់ខែ​តិច ប៉ុន្តែ​មាន​សក្តានុពល​ខ្លាំង​ជាងមុន ​។ អ្នក​ត្រូវ​ដឹង​ថា​ មនុស្ស​កាន់តែ​ចាស់​កាន់តែ​មាន​ទំនួល​ខុស​ត្រូវ​ច្រើន ដូចនេះ​បានជា​អ្នក​ត្រូវ​ប្រឹង​និង​សន្សំ​ប្រាក់​ នៅ​ពេល​អ្នកមាន​ទំនួល​ខុស​ត្រូវ​តិច ​៕ ប្រភព ​៖ investopedia

អត្ថបទសរសេរ ដោយ