កីឡាការិនី លឹម សុខវិច្ឆិកា រំពឹងជោគជ័យក្នុងវិស័យកីឡាការ៉ាតេដូ
- ភ្នំពេញ
រាជធានីភ្នំពេញ ៖ ជ័យជម្នះរបស់កីឡាការិនីការ៉ាតេដូ លឹម សុខវិច្ឆិកា ដែលបានឈ្នះមេដាយមួយគ្រឿងជាប្រវត្តិសាស្ត្រលើកដំបូង
រាជធានីភ្នំពេញ ៖ ជ័យជម្នះរបស់កីឡាការិនីការ៉ាតេដូ លឹម សុខវិច្ឆិកា ដែលបានឈ្នះមេដាយមួយគ្រឿងជាប្រវត្តិសាស្ត្រលើកដំបូង
រាជធានីភ្នំពេញ ៖ ជ័យជម្នះរបស់កីឡាការិនីការ៉ាតេដូ លឹម សុខវិច្ឆិកា ដែលបានឈ្នះមេដាយមួយគ្រឿងជាប្រវត្តិសាស្ត្រលើកដំបូងរបស់នាង នៅក្នុងការប្រកួតជើងឯកអាស៊ីនៅប្រទេសកាហ្សាក់ស្ថានកីឡាការ៉ាតេ-កា កាលពីចុងឆ្នាំ២០២១ បានធ្វើអោយនាងបានក្លាយជាកីឡាការិនីវ័យក្មេងមួយរូប ដែលទទួលបានការចាប់អារម្មណ៍។ លទ្ធផលជ័យជម្នះរបស់កីឡាការិនីកម្ពុជារូបនេះ កំពុងក្លាយ ជាធនធានកីឡាការិនីស្រករក្រោយ សម្រាប់ស៊ីហ្គេមខាងមុខ។ នាងដណ្តើមបានមេដាយសំរឹទ្ធ នៅក្នុងព្រឹត្តិការណ៍កីឡាការ៉ាតេដូជើងឯកអាស៊ីលើកទី១៧ ឆ្នាំ២០២១ នៅទីក្រុងអាល់ម៉ាទី ប្រទេសកាហ្សាក់ស្ថាន ខណៈដែលមេដាយសំរិទ្ធិដែលនាងដណ្ដើមបាន ដ្បិតថាមិនមែនជាមេដាយមាស តែក៏ជាមុខមាត់មួយរបស់កម្ពុជា។
កីឡាការិនី លឹម សុខវិច្ឆិកា ដែលគ្រងតំណែងម្ចាស់មេដាយសំរឹទ្ធ នៅក្នុងចំណោមកីឡាករពិភពលោកនេះ បានបង្ហាញអារម្មណ៍សប្បាយរីករាយ ដោយនាងប្រកាសថា ការឈ្នះមេដាយសំរឹទ្ធ គឺជាលើកដំបូង ដែលនាងបានចូលប្រកួតលើឆាកអន្តរជាតិ ហើយបានឈ្នះការប្រកួតជើងឯកអាស៊ី។ នាងលើកឡើងថា នាងសប្បាយចិត្តខ្លាំងណាស់ បើទោះជាមេដាយ ដែលនាងដណ្ដើមបាន មិនមែនជាមេដាយមាសក៏ដោយ តែគឺបានបង្ហាញពីសមត្ថភាពធំមួយ ដែលនាងបានចូលប្រឡូកនៅក្នុងវិស័យកីឡា។
កីឡាការិនីមួយរូបនេះបានបន្តថា វាមិនមែនជារឿងងាយស្រួលទេ ដែលអាចទទួលបានលទ្ធផល នៅក្នុងពេលចេញប្រកួតនោះ ហើយនេះក៏ផ្ដល់កម្លាំងចិត្តមួយដ៏ខ្ពស់ សម្រាប់នាងនៅក្នុងវិស័យការ៉ាតេដូ ដែលកំពុងធ្វើអោយនាងកាន់តែបង្កើនការប្រឹងប្រែង។ កញ្ញាបានបន្តថា កីឡាគឺជាចំណូលចិត្តរបស់នាង ហើយនាងមិនដែលនឹកស្មានថា លើកទី១ ដែលនាងចេញប្រកួត ជើងឯកអាស៊ី ហើយអាចឈ្នះមេដាយសំរឹទ្ធ ក្នុងចំណោមអ្នកខ្លាំងៗលើពិភពលោកបែបនេះឡើយ។ នេះជាលទ្ធផលដ៏ល្អមួយ បន្ទាប់ពីនាងបានឆ្លងកាត់ការប្រកួតដ៏តានតឹងចំនួន៤ ទំរាំយកបានមេដាយនាគ្រានោះ។
កីឡាការិនីរូបនេះកំពុងត្រូវបានគេឃើញបង្ហាញពីការប្រឹងប្រែងហ្វឹកហាត់ ដោយការពុះពាររបស់នាង ក៏ស្របនឹងអត្តពលិកកម្ពុជាមួយចំនួនបង្កើនការហ្វឹកហ្វឺនដូចគ្នា ក្រោយពេលការបើកប្រទេស ហើយតម្រូវអោយហ្វឹកហាត់ជុំគ្នាឡើងវិញ។ នាងក៍ទើបតែបញ្ចប់ការប្រកួតមួយចំនួនក្នុងពេលមុននេះ ដោយក្រោយបញ្ចប់ការប្រកួត ក៏ទទួលបានលទ្ធផលល្អ។
កីឡាការិនីលឹម សុខវិច្ឆិកា អះអាងថា នាងឈ្នះមេដាយសំរឹទ្ធ ក្នុងប្រភេទទម្ងន់៥៩គីឡូក្រាម ហើយអ្នកឈ្នះមេដាយសំរឹទ្ធមួយគ្រឿងទៀត គឺកីឡាការិនី ឆន ស្រី ភា ដែលឈ្នះមេដាយសំរឹទ្ធ ក្នុងប្រភេទទម្ងន់៥៥គីឡូក្រាម នារី U21។ យ៉ាងណាមិញ កីឡាការិនីរូបនេះទទួលបានការចាប់អារម្មណ៍ខ្លាំង គឺដោយសារតែនាង ត្រូវគេមើលឃើញថា ពោរពេញដោយការព្យាយាម និងឆន្ទៈក្នុងវិស័យមួយនេះ ដែលធ្វើអោយគេយល់ថា នាងនឹងសម្រេចគោលដៅដណ្ដើមយកមេដាយមាស ៕
ចែករំលែកព័តមាននេះ