ឌុច ច័ន្ទសុវត្តី ធនធានកីឡាហុកគី ត្រៀមដណ្តើមមេដាយមាសស៊ីហ្គេមឆ្នាំ២០២៣
- ភ្នំពេញ
រាជធានីភ្នំពេញ ៖ មកដល់ពេលនេះ កីឡាការិនី ឌុច ច័ន្ទសុវត្តី ជម្រើសជាតិកីឡាហុកគីឆ្នាំ២០២១ ត្រូវបានគេមើលឃើញថា កំពុង
រាជធានីភ្នំពេញ ៖ មកដល់ពេលនេះ កីឡាការិនី ឌុច ច័ន្ទសុវត្តី ជម្រើសជាតិកីឡាហុកគីឆ្នាំ២០២១ ត្រូវបានគេមើលឃើញថា កំពុងពង្រឹងសមត្ថភាពអោយឈានឡើង ដោយនាងក៏ត្រូវគេរំពឹងថា នឹងអាចរក្សាបានតំណែងជម្រើសជាតិ នៅឆ្នាំ២០២២ខាងមុខ ស្របពេលដែលនាង ក៏បន្តការហ្វឹកហាត់បង្កើនសមត្ថភាពជាមួយមិត្តរួមក្រុម ធ្វើអោយគេមើលឃើញពីសមត្ថភាព និងយល់ថានាងពិតជាអាចឆ្ពោះទៅកាន់ការដណ្ដើមមេដាយមាស ជួយលើកមុខមាត់កម្ពុជា នៅពេលកម្ពុជាធ្វើជាម្ចាស់ផ្ទះស៊ីហ្គេមឆ្នាំ២០២៣ផងនោះ។
កីឡាការិនី ឌុច ច័ន្ទសុវត្តី អះអាងថា ចាប់តាំងពីនាងបានចូលហ្វឹកហាត់នៅក្នុងជំរុំហ្វឹកហាត់បិទខ្ទប់ក្នុងវិមានពហុកីឡដ្ឋានមរតកតេជោអស់រយៈពេលជាច្រើនខែកន្លែងមកនេះ សមត្ថភាពរបស់គេអភិវឌ្ឍរីកចំរើនខ្លាំង ព្រោះនាងខិតខំហ្វឹកហាត់ជាមួយលោកគ្រូ អ្នកគ្រូដែលជាគ្រូបង្វឹក ដើម្បីក្រេបយកបច្ចេកទេស ក្លាយជាកីឡាការិនីមានភាពលេចធ្លោមួយនៅក្រុមជម្រើសជាតិ ក្រសោបបានឱកាសជាប់ជម្រើសជាតិឆ្នាំ២០២២ បន្តការហ្វឹកហាត់អភិវឌ្ឍសមត្ថភាពត្រៀមប្រជែងដណ្តើមមេដាយស៊ីហ្គេម ឆ្នាំ២០២៣។
កីឡាការិនីមកពីខេត្តសៀបរាប វ័យ២៤ឆ្នាំរូបនេះ បញ្ជាក់ទៀតថា ប្រសិនបើនាងប្រកួតធ្វើតេស្តជាប់ជាកីឡាការិនីជម្រើសជាតិសម្រាប់ឆ្នាំ២០២២បន្តទៀត រូបនាងប្តេជ្ញាចិត្តប្រឹងប្រែងហ្វឹកហាត់ឲ្យអស់ពីសមត្ថភាពជាមួយមិត្តរួមក្រុមឈានទៅសម្រេចក្តីស្រមៃឈ្នះមេដាយមាសជូនកម្ពុជាឲ្យបានពីព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ក្នុងនាមជាក្រុមកីឡាការិនីម្ចាស់ផ្ទះ។
សូមបញ្ជាក់ថា សហព័ន្ធកីឡាហុកគីកម្ពុជា បានសម្រេចរៀបចំប្រកួតធ្វើតេស្តសមត្ថភាពកីឡាការិនីជម្រើសជាតិឆ្នាំ២០២១ដែលមាន១១នាក់ និងកីឡាការិនីឆ្នើម៤នាក់ជ្រើសរើសចេញពីបណ្តាក្លិបរាជធានីខេត្តសរុប១៥នាក់ ប្រកួតធ្វើតេស្តនៅក្នុងវិមានពុហកីឡដ្ឋានមរតកតេជោ កីឡារិនីណាខ្លាំងនឹងជាប់ជម្រើសជាតិឆ្នាំ២០២២ រីឯកីឡាការិនីណាដែលមិនបានជាប់ក្នុងការប្រកួតតេស្តនេះ សហព័ន្ធនឹងជម្រុះចេញពីក្រុមជម្រើសជាតិ ប៉ុន្តែពួកអាចបន្តជួយការងារសហព័ន្ធបានទៀតក្នុងនាមជាមន្ត្រីស្ម័គ្រចិត្ត ៕
ចែករំលែកព័តមាននេះ