យោងតាមអ្នកជំនាញបានឱ្យដឹងថា រោគសញ្ញារបស់កូវីដបម្លែងថ្មីអូមីក្រុង ហាក់ដូចជាខុសប្លែកពីរោគសញ្ញារបស់កូវីដពីមុនៗ​។ លោកវេជ្ជបណ្ឌិត Cara Gluck ប្រធានផ្នែកសេវាព្យាបាលនៅនាយកដ្ឋានសុខភាពទីក្រុង Oklahoma  ថ្មីៗនេះបានប្រាប់សារព័ត៌មាន KOCO News ថា រោគសញ្ញារបស់កូវីដអូមីក្រុង ជារឿយៗមិនសូវធ្ងន់ធ្ងរជាងរោគសញ្ញាដែលកើតចេញពីកូវីដដែលតានោះទែ ដែលធ្វើឱ្យវាពិបាកសម្រាប់មនុស្សក្នុងការធ្វើរោគវិនិច្ឆ័យ។

លោក​បាន​និយាយ​ថា​៖ “​ជាមួយ​នឹង​អាកាសធាតុ​ដូច​ជា​មនុស្ស​គិត​ថា​វា​គ្រាន់​តែ​ជា​អា​ឡែ​ហ្ស៊ី​ប៉ុណ្ណោះ​ ព្រោះ​ពួក​គេ​ប្រហែល​មិន​មាន​ជំងឺ​ធ្ងន់ធ្ងរ​ទេ​នៅពេលកើតជំងឺអូមីក្រុង។”

រោគសញ្ញារបស់អូមីក្រុង ជារឿយៗរួមមានគ្រុនក្តៅ អស់កម្លាំង ឈឺបំពង់ក ដែលជាទូទៅកើតមាននៅលើជំងឺផ្តាសាយធម្មតា។

វាពិបាកសម្រាប់ប្រជាជនទូទាំងប្រទេសក្នុងការកំណត់ថាតើពួកគេឆ្លងកូវីដអូមីក្រុង ឬ ជំងឺផ្តាសាយ ដោយសារតែប្រភេទអូមីក្រុងនេះមានលេខកូដសែនស្រដៀងទៅនឹងជំងឺផ្តាសាយ។

ពេលខ្លះអ្នកដែលកើតជំងឺកូវីដបង្កដោយអូមីក្រុង ធ្វើតេស្តមិនឃើញវិជ្ជមាននោះទេ។ លោកវេជ្ជបណ្ឌិត Rochelle Walensky នាយកមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក បាននិយាយនៅក្នុងកម្មវិធី “Good Morning America” របស់ ABC កាលពីថ្ងៃពុធថា លទ្ធផលតេស្តអង់ទីហ្សែនអវិជ្ជមានអាចតម្រូវឱ្យអ្នកធ្វើតេស្ត PCR ដែលចំណាយពេលពីរបីថ្ងៃ ហើយមិនមែន លឿនដូចការធ្វើតេស្តអង់ទីហ្សែន ឬ ​Rapid Test នោះទេ៕