អ្នកនាំពាក្យសាលាដំបូងរាជធានីភ្នំពេញ លោក ប្លង់ សុផល ព្រះរាជអាជ្ញារង បានឲ្យដឹងថា តំណាងអយ្យការអមសាលាដំបូងរាជធានីភ្នំពេញ បានសម្រេចធ្វើការចោទប្រកាន់ជនសង្ស័យជាជនជាតិចិនចំនួន៩នាក់ជាផ្លូវការហើយ ពីបទ
រាជធានីភ្នំពេញ ៖ អ្នកនាំពាក្យសាលាដំបូងរាជធានីភ្នំពេញ លោក ប្លង់ សុផល ព្រះរាជអាជ្ញារង បានឲ្យដឹងថា តំណាងអយ្យការអមសាលាដំបូងរាជធានីភ្នំពេញ កាលពីថ្ងៃទី៣១ ខែធ្នូ ឆ្នាំ២០២១ នេះ បានសម្រេចធ្វើការចោទប្រកាន់ជនសង្ស័យជាជនជាតិចិនចំនួន៩នាក់ជាផ្លូវការហើយ ពីបទ«រក្សាទុក ដឹកជញ្ជូន នឹងជួញដូរដោយខុសច្បាប់នូវសារធាតុ.ញៀន» និងបទ«សម្អាតប្រាក់» ។
អំពើខាងលើនេះ គឺជាបទល្មើស រក្សាទុក ដឹកជញ្ជូន និងជួញដូរដោយខុសច្បាប់នូវសារធាតុ.ញៀន និងសម្អាតប្រាក់ ដែលប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០២០ រហូតដល់ថ្ងៃទី២៤ ខែធ្នូ ឆ្នាំ២០២១ តាមបញ្ញាត្តិមាត្រា៤០ នៃច្បាប់ស្តីពីការត្រួតពិនិត្យគ្រឿង.ញៀន និងមាត្រា ៣ ថ្មី និងមាត្រា ២៩ ថ្មី១ នៃច្បាប់ស្តីពីសោធនកម្ម មាត្រា ៣ មាត្រា ២៩ និងមាត្រា ៣០ នៃច្បាប់ស្តីពីការឆាំងការសម្អាតប្រាក់ នឹងហិរញ្ញប្បទានភាវរកម្ម ។ បានឃើញមាត្រា ៤៤ នឹងមាត្រា ១២៤ នៃក្រមនីតិវិធីព្រហ្មទណ្ឌ ។
យោងតាមមាត្រាខាងលើនេះ ជនជាប់ចោទម្នាក់ៗ មិនអាចគេចផុតពីជាប់ពន្ធនាគារអស់មួយជីវិតនោះទេ ។ ក្រោយពីតំណាងអយ្យការចោទប្រកាន់ជាផ្លូវការហើយ សំណុំរឿងបានចាត់បញ្ជូនទៅខាងចៅក្រមស៊ើបសួររួច ដើម្បីឃុំខ្លួនជាជនសង្ស័យជាជនជាតិចិនទាំង៩នាក់ដាក់ពន្ធនាគារជាបណ្តោះអាសន្ន រង់ចាំសវនាការផ្តន្ទាទោសទៅតាមអំពើដែលពួកគេបានប្រព្រឹត្ត ។
សូមរម្លឹកថា កម្លាំងសមត្ថកិច្ចមន្ទីរប្រឆាំងបទល្មើសគ្រឿង.ញៀន នារសៀលថ្ងៃទី២៩ ខែធ្នូ ឆ្នាំ២០២១ បានបញ្ជូនជនសង្ស័យជាជនជាតិចិន ដែលជាឈ្មួញគ្រឿង.ញៀនចំនួន៩នាក់ និងថ្នាំញៀ.នជាង៣៥០គីឡូក្រាម ទៅកាន់សាលាដំបូងរាជធានីភ្នំពេញ ។ ក្រោយកិច្ចសហប្រតិបត្តិការរវាងសមត្ថកិច្ចប្រឆាំងគ្រឿង.ញៀនកម្ពុជា និងចិន បានធ្វើការស្រាវជ្រាវបង្ក្រាបឧក្រិដ្ឋជួញដូរគ្រឿង.ញៀនឆ្លងដែន១ក្រុម ហើយចាប់ខ្លួនជនសង្ស័យបានចំនួន៩នាក់ និងរឹបអូសគ្រឿង.ញៀនជិត៣៥០គីឡូក្រាម នៅរាជធានីភ្នំពេញ ។ អនុវត្តតាមបញ្ជាឯកឧត្តម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម នាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿង.ញៀន ក្រោមការបញ្ជាដឹកនាំផ្ទាល់របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿង.ញៀន ។
កាលពីថ្ងៃទី២៤ ខែធ្នូ ឆ្នាំ២០២១ វេលាម៉ោង១៧និង៥៥នាទី សមត្ថកិច្ចជំនាញនៃមន្ទីរប្រឆាំងគ្រឿង.ញៀន(ក១) ដឹកនាំដោយលោកឧត្តមសេនីយ៍ទោ អ៊ិន សុង នាយករងមន្ទីរ លោកវរសេនីយ៍ឯក ម៉ាក់ សេរីវឌ្ឍនា នាយករងមន្ទីរ លោកវ:សេនីយ៍ទោ ហុង សុវណ្ណារិទ្ធ នាយការិយាល័យ(ក១ )ចូលរួមសហការពីកម្លាំងជំនាញនៃនាយកដ្ឋានស៊ើបការខាងក្រៅ និងបច្ចេកទេ ស សមត្ថកិច្ចគយកំពង់ផែព្រះសីហនុ និងកម្លាំងជំនាញស្នងការដ្ឋាននគរបាលរាជធានីភ្នំពេញ សម្របសម្រួលដោយលោក ស៊ិត វណ្ណៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានដំណើរការស្រាវជ្រាវបង្ក្រាប ។
ករណីខាងលើនេះ ផ្ដើមចេញពីកិច្ចសហប្រតិបត្តិការជាមួយសមត្ថកិច្ចចិន។ សមត្ថកិច្ចកម្ពុជា ទទួលបានព័ត៌មានជំនាញ ហើយក៏បានបើកការស៊ើបអង្កេតអស់រយៈពេលជាង៤ខែ ទើបឈានទៅដល់ការបង្ក្រាបព្រមគ្នានេះ សមត្ថកិច្ចចិនក៏បានបង្ក្រាបក្រុមឧក្រឹដ្ឋជនពាក់ព័ន្ធ នៅឯប្រទេសចិនផងដែរ ។
ជាលទ្ធផល ៖ កិច្ចប្រតិបត្តិការនៅ២គោលដៅផ្សេងគ្នា (នៅចំណុចវីឡាភ្លោះលេខ២១ ផ្លូវលេខ R03 ស្តាផ្លាទីនឹម បុរីប៉េងហូតបឹងស្នោ សង្កាត់និរោធ ខណ្ឌច្បារអំពៅនិង នៅចំណុចភោជនីយដ្ឋានអីយិនម៉ាថូវ សង្កាត់បឹងព្រលឹត ខណ្ឌ ៧មករា រាជធានីភ្នំពេញ ។
ឃាត់ខ្លួនជនសង្ស័យទាំង៩នាក់ខាងលើ រួមមាន ៖ ១-ឈ្មោះ HUANG RUI MING ភេទប្រុស អាយុ៥៨ឆ្នាំ (ជាមេខ្លោង)។ ២-ឈ្មោះ LI YI NAN ភេទប្រុស អាយុ៣៨ឆ្នាំ, ៣-ឈ្មោះ SUN LIANG ភេទប្រុស អាយុ៤២ឆ្នាំ, ៤-ឈ្មោះ SUN HAI TAO ភេទប្រុស អាយុ៤១ឆ្នាំ, ៥-ឈ្មោះ LIU WEI CHENG ភេទប្រុស អាយុ៥២ឆ្នាំ, ៦-ឈ្មោះ CHEN ZHI QUAN ភេទប្រុស អាយុ៦៦ឆ្នាំ, ៧-ឈ្មោះ WANG LEI ភេទប្រុស អាយុ៣១ឆ្នាំ, ៨-ឈ្មោះ WANG YUE ភេទប្រុស អាយុ៣៩ឆ្នាំ និង៩-ឈ្មោះ ZHU XIAO FEI ភេទប្រុស អាយុ៣៩ឆ្នាំ ។
ចំណែកវត្ថុតាងដែលចាប់យកបានមាន ៖ គ្រឿង.ញៀនប្រភេទមេតំហ្វេតាមីន (ICE) សរុបរួមទម្ងន់៣៤៧គីឡូក្រាម៤២៧,៩៩ក្រាម (លាក់ក្នុងបំពង់ដែក ៣៦៧ដើម និង៦១កញ្ចប់ធំ) , ជញ្ជីងថ្លឹងគ្រឿង.ញៀនចំនួន២គ្រឿង និងសម្ភារៈវេចខ្ចប់មួយចំនួនផងដែរ រួមនឹងរថយន្ត១គ្រឿង ម៉ាក TOYOTA ALPHARD ពាក់ស្លាកលេខ ភ្នំពេញ 2BE-2973, ម៉ូតូមួយគ្រឿងម៉ាក HONDA PCX ពណ៌ខ្មៅ ស្លាកលេខ ភ្នំពេញ 1FE-5946, ទូរស័ព្ទដៃចំនួន១០គ្រឿង និងប្រាក់៣០០ដុល្លារអាមេរិក ។
សូមបញ្ជាក់ថា ក្រុមឧក្រឹដ្ឋជនបានរៀបចំបញ្ជូនបំពង់ដែកមកកម្ពុជា ហើយលួចច្រកគ្រឿង.ញៀនបំរុងបញ្ជូនតាមផ្លូវសមុទ្រទៅប្រទេសទី៣ទៀតផង ៕
ចែករំលែកព័តមាននេះ