ក្មេងអនាថា និងសុំទានជិត30នាក់ ទទួលអំណោយពីអ្នកយកព័ត៌មាន
បន្ទាយមានជ័យ ៖ ក្មេងអាណាថា និងសុំទានដែលភាគច្រើនហិតកាវប្រមាណជិត30នាក់ នៅព្រឹកថ្ងៃទី១០ ខែមិថុនា ឆ្នាំ២០១៦នេះ បានទទួលអំណោយជាថវិកា
បន្ទាយមានជ័យ ៖ ក្មេងអាណាថា និងសុំទានដែលភាគច្រើនហិតកាវប្រមាណជិត30នាក់ នៅព្រឹកថ្ងៃទី១០ ខែមិថុនា ឆ្នាំ២០១៦នេះ បានទទួលអំណោយជាថវិកា មី និងទឹកសុទ្ធ ពីអ្នកយកព័ត៌មានជាច្រើនអង្គភាពនៅក្រុងប៉ោយប៉ែត ខេត្តបន្ទាយមានជ័យ។ អំណោយដែលអ្នកយកព័ត៌មានយកចែកជូនដល់ក្មេងអនាថា និងសុំទាននេះម្នាក់ៗទទួលបានមី១៥កញ្ចប់ ទឺកសុទ្ធ២ដប និងថវិកា ៥ ០០០រៀល។ អំណោយទាំងអស់ខាងលើបានមកពីការចូលរួមគ្នាពីក្រុមអ្នកយកព័ត៌មានជាច្រើនអង្គភាពនៅក្រុងប៉ោយប៉ែត ហើយមី១កេះធំ ស្មើនឹង៦កេះតូច ត្រូវបានឧបត្ថម្ភពីសាលាក្រុងប៉ោយប៉ែត។
គួរបញ្ជាក់ថាក្មេងអនាថា និងសុំទាននៅក្រុងប៉ោយប៉ែតមានច្រើន ហើយក្មេងទាំងនោះភាគច្រើនពេលថ្ងៃរើសអេតចាយកាយតាមធុងសំរាម និងដើរហិតកាវ ឯពេលយប់ដេកអាណាធិបតេយ្យតាមសំយ៉ាបតូបលក់ដូររបស់អ្នកស្រុក ឬតាមសំយ៉ាបកាស៊ីណូជាដើម។ ការធ្វើអំណោយសប្បុរសរបស់អ្នកយកព័ត៌មានទៅលើក្រុមក្មេងអានាថានិងសុំទានជាសារមួយប្រាប់ទៅអាជ្ញាធរមានសមត្ថកិច្ច ក៏ដូចជាអង្គការសង្គមស៊ីវិលមេត្តាពិនិត្យមើលលើបញ្ហានេះផង ព្រោះថាកុមាទាំងនេះជាទំពាំងស្នងឬស្សីទៅថ្ងៃក្រោយចុះបើទំពាំងស្អុយរលួយទៅហើយ គ្មានអ្នកយកចិត្តទុកដាក់ និងមើលថែតើទៅរួចដែរទេពាក្យថាទំពាំងស្នងឬស្សី?។ ការប្រមូលក្មេងអនាថា និងសុំទានពីសំណាក់អ្នកយកព័ត៌មានដើម្បីចែកអំណោយនេះមិនមែនទើបតែជាលើកទី១ទេ គឺបានកើតឡើង៣ទៅ ៤ដងរួចទៅហើយ។ កន្លងមកពិធីចែកអំណោយដ៏ធំមួយនោះក៏ធ្លាប់មានវត្តមានអតីតអភិបាលខេត្តបន្ទាយមានជ័យលោក គោស៊ុំ សារឿត អញ្ជើញជាគណអធិបតីទៀតផង៕
ចែករំលែកព័តមាននេះ