១-ក្តីរំពឹង៖ ជាមួយខ្សែការពារដ៏រឹងមាំរបស់ព័រទុយហ្គាល់ រួមទាំងកីឡាករឆ្នើមៗជាច្រើនទៀត ធ្វើឱ្យក្រុមជម្រើសជាតិមួយនេះកាន់តែមានឥទ្ធិពលលើគូប្រកួត ដែលត្រូវបានព័រទុយហ្គាល់រំពឹងថាយ៉ាងហោចណាស់ក៏អាចឈានដល់វគ្គ១៦
១-ក្តីរំពឹង៖ ជាមួយខ្សែការពារដ៏រឹងមាំរបស់ព័រទុយហ្គាល់ រួមទាំងកីឡាករឆ្នើមៗជាច្រើនទៀត ធ្វើឱ្យក្រុមជម្រើសជាតិមួយនេះកាន់តែមានឥទ្ធិពលលើគូប្រកួត ដែលត្រូវបានព័រទុយហ្គាល់រំពឹងថាយ៉ាងហោចណាស់ក៏អាចឈានដល់វគ្គ១៦ក្រុមចុងក្រោយក្នុងការប្រកួត Euro 2016 ខាងមុខនេះដែរ ។ ក្រោយការបរាជ័យក្នុងការប្រកួត World Cup 2014 នាពេលកន្លងទៅនេះ ព័រទុយហ្គាល់ ទទួលបានបទពិសោធន៍ជាច្រើនជាមួយនឹងមេរៀនថ្មីៗ ក្រោមការដឹកនាំរបស់គ្រូបង្វឹកលោក Santos។ ខ្សែប្រយុទ្ធកីឡាករ Ronaldo បាននិយាយថា ក្រុមជម្រើសជាតិព័រទុយហ្គាល់មាន Ronaldo មិនតិចជាង២នាក់ទេ ។
២-លទ្ធផលល្អ៖ យ៉ាងហោចណាស់ព័រទុយហ្គាល់បានឈានដល់វគ្គ១៦ក្រុមចុងក្រោយ ក្នុង៥ប្រកួតចុងក្រោយនេះ ។ ព័រទុយហ្គាល់មិនបានយកឈ្នះការប្រកួតក្នុងទឹកដីរបស់ខ្លួនឡើយក្នុងព្រឹត្តិការណ៍ Euro 2004។ ជាងនេះទៅទៀតព័រទុយហ្គាល់ បានឈានដល់វគ្គពាក់កណ្តាលផ្តាច់ព្រ័ត្រក្នុងឆ្នាំ2000 និង2012 ។ សម្រាប់វគ្គជម្រុះតាមពូលនាពេលកន្លងមក ព័រទុយហ្គាល់ស្ថិតនៅលំដាប់ទី១ក្នុងពូល I ទោះបីក្រុមជម្រើសជាតិមួយនេះរកបានតែ១១គ្រាប់ក្តី ។
៣-កីឡាករក្នុងចំណាប់អារម្មណ៍៖ ខ្សែប្រយុទ្ធវ័យ៣១ឆ្នាំកីឡាករ Cristiano Ronaldo។ កីឡាករឆ្នើមប្រចាំឆ្នាំ៣លើករូបនេះ អាចរកគ្រាប់បាល់បាន៥គ្រាប់ក្នុង៦ប្រកួតនាវគ្គជម្រុះកន្លងមក ។ ប៉ុន្តែ Ronaldo ហាក់ដូចជាធ្វើមិនបានល្អឡើយសម្រាប់រដូវកាលនេះ ខណៈលេងឱ្យក្លិប Real Madrid ។
៤-គ្រូបង្វឹក៖ លោក Fernando Santos សញ្ជាតិព័រទុយហ្គាល់ អាយុ៦១ឆ្នាំ ។ លោកបានបញ្ចប់អាជីពជាកីឡាករបាល់ទាត់នៅអាយុ៣៣ឆ្នាំ មុនពេលចាប់អាជីពជាគ្រូបង្វឹក។
៥-បញ្ជីឈ្មោះសមាសភាពកីឡាករសរុប
(បណ្តោះអាសន្ន)៖
-អ្នកចាំទី៖ Rui Patrício (Sporting), Eduardo (Dinamo), Beto (Sevilla)។
-ខ្សែការពារ៖ Pepe (Real Madrid), Eliseu (Benfica), José Fonte (Southampton), Cédric (Southampton), Fábio Coentrão(Monaco), Bruno Alves (Fenerbahçe), Cédric (Southampton), Eliseu(Benfica)។
-ខ្សែបម្រើ៖ Danny (Zenit), William Carvalho (Sporting), Danilo Pereira (Porto), Adrien Silva (Sporting), Bernardo Silva (Monaco), André Gomes (Valencia), Renato Sanches (Benfica), João Moutinho (Monaco), Miguel Veloso (Dinamo), Vieirinha (Wolfsburg)
-ខ្សែប្រយុទ្ធ ៖ Cristiano Ronaldo (Real Madrid), Éder (Lille), Nani (Fenerbahçe), Ricardo Quaresma (Beşiktaş), Hélder Postiga (Rio Ave), Hugo Almeida (Hannover) ៕
ចែករំលែកព័តមាននេះ