លោកពូទីន គំរា.មពួកលោកខាងលិច ពីចម្លើយតបខាងយោធា
ប្រធានាធិបតីរុស្ស៊ី លោកវ្ល៉ាឌីមៀរពូទីន កាលពីថ្ងៃទី២១ធ្នូបានសន្យា ពីចម្លើយតប ខាងយោធានិងបច្ចេកទេសមួយ ប្រសិនបើពួកលោកខាងលិច នៅតែមានះប្រកាន់នយោបាយពួកគេ ដែល
ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរពូទីន កាលពីថ្ងៃទី២១ធ្នូបានសន្យា ពីចម្លើយតប ខាងយោធានិងបច្ចេកទេសមួយ ប្រសិនបើពួកលោកខាងលិច នៅតែមានះប្រកាន់នយោបាយពួកគេ ដែលវិមានក្រឹមឡាំងចាត់ទុកជាការគំរាមកំហែង។
លោកពូទីនបានគំរា.មគូប្រជែងលោកខាងលិច ពេលកំពុងមានភាពតានតឹងកាន់តែខ្លាំងលើសំណុំរឿងអ៊ុយក្រែន។ នៅមុខក្រសួងការពារប្រទេសរុស្ស៊ី លោកពូទីនថ្លែងថា ក្នុងករណីនៅតែមានការប្រកាន់យកផ្លូវ ដែលមានលក្ខណៈឈ្លានពានច្បាស់ក្រឡែត ពីសំណាក់ពួកលោកខាងលិច នោះយើងនឹងចាត់បណ្ដាវិធានការយោធានិងបច្ចេកទេស សមស្របជាការសងសឹកវិញ។
យើងពិតជាមានសិទិ្ធ។ សម្រាប់វិមានក្រឹមឡាំងសហរដ្ឋអាមេរិកនិងអូតង់ បានពង្រឹងវត្តមានយាធាពួកគេនៅតាមព្រំដែនរុស្ស៊ី ដោយបំពាក់អាវុធឲ្យអ៊ុយក្រែននិងដោយទ្រទ្រង់ខាងនយោបាយដល់ប្រទេសនេះ និងធ្វើសមយុទ្ធយោធានានា ព្រមទាំងដាក់ពង្រាយកងកម្លាំងនៅសមុទ្រខ្មៅ។ គេបានដើរមកដល់មាត់ទ្វាររបស់យើងតែយើងមិនអាចដកថយឡើយ។
ចំណែករដ្ឋមន្ត្រីការពារប្រទេសរុស្ស៊ី លោកស័រហ្គេយឆយហ្គូ បានចោទប្រកាន់ក្រុងវ៉ាសិុនតោនថា រៀបចំការបង្កហេតុនានានៅអ៊ុយក្រែន ដោយរៀបចំជាពិសេស ការបញ្ចូនសមមាសភាពគីមីមិនអាចកំណត់ដឹង មកកាន់រណសិរ្សជម្លោះ រវាងកងកម្លាំងអ៊ុយក្រែននិងកងកម្លាំងបំបែកខ្លួននិយមស្និទ្ធរុស្ស៊ី។ លោកថាសមាជិក១២០នាក់នៃក្រុមហ៊ុនយោធាឯកជន ក៏នឹងបញ្ជូនមកកាន់តំបន់នេះដែរ ដើម្បីជួយបណ្ដុះបណ្ដាលកងកម្លាំងពិសេសអ៊ុយក្រែន និងបណ្ដាក្រុមរ៉ាឌីកាលដែលមានសកម្មភាពប្រយុទ្ធ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ