ការមានស្បែកខ្មៅនៅត្រង់ក្រញ៉ដៃ អាចជារឿងធម្មតា ព្រោះវាជាផ្នែកដែលប៉ះពាល់បំផុតនៃស្បែក ហើយវាក៏ឆ្លងកាត់ការកកិតជាច្រើនផងដែរ ប៉ុន្តែសម្រាប់មនុស្សមួយចំនួន ក្រញ៉ដៃខ្មៅខុសពីធម្មតា ហើយថែមទាំងអាចមានមូលហេតុដោយសារបញ្ហាសុខភាពទៀតផង។ ថ្ងៃនេះ អ្នកនឹងបានស្គាល់ពីមូលហេតុ៣យ៉ាង ដែលធ្វើឱ្យក្រញ៉ដៃឡើងពណ៌ខ្មៅខុសពីធម្មតា។

១. កង្វះវីតាមីនបេ១២

កង្វះសារធាតុវីតាមីនបេ១២ អាចបណ្តាលឱ្យមានបញ្ហាខ្មៅក្រញ៉ដៃ។ ការស្រាវជ្រាវបង្ហាញថា ការឡើងពណ៌នៅលើក្រញ៉ដៃ អាចជាសញ្ញាខាងក្រៅនៃការខ្វះវីតាមីនបេ១២។ រោគ​សញ្ញា​ផ្សេង​ទៀត​ដែល​អាច​បង្ហាញ​រួម​មាន ​ភាព​ទន់​ខ្សោយ និង ការ​ទល់​លាមក​ជាដើម។

២. ប្រតិកម្មទៅនឹងថ្នាំ

ការស្រាវជ្រាវបង្ហាញថា មូលហេតុមួយទៀតនៃស្នាមខ្មៅ អាចត្រូវបានផ្សារភ្ជាប់ទៅនឹងការប្រើប្រាស់ថ្នាំជាក់លាក់ ព្រោះវាទំនងជាបណ្តាលឱ្យមានពណ៌ខ្មៅលើក្រញ៉ដៃ។ ពួកវារួមមានថ្នាំប្រឆាំងនឹងការកកឈាម ប្រភេទជាក់លាក់នៃថ្នាំអង់ទីប៊ីយោទិច ថ្នាំប្រឆាំងនឹងការរលាកដែលមិនមែនជាស្តេរ៉ូអ៊ីត (NSAIDS) និងថ្នាំគ្រាប់ពន្យារកំណើត។

៣. ការឡើងខ្មៅ អាកាន់តូស៊ីស ណាយគ្រីកែន (Acanthosis Nigricans)

ស្ថានភាពនេះបណ្តាលឱ្យខ្មៅ និងឡើងក្រាស់នៃស្បែកនៅលើផ្នែកផ្សេងៗនៃរាងកាយដូចជា កែងដៃ និង សន្លាក់ជាដើម។ Acanthosis Nigricans អាចបង្ហាញពីវត្តមាននៃបញ្ហាសុខភាពកាន់តែជ្រៅ ដូចជាជំងឺទឹកនោមផ្អែម អតុល្យភាពអរម៉ូន ឬសូម្បីតែមហារីក ដូច្នេះប្រសិនបើអ្នកសម្គាល់ឃើញកែងដៃ អ្នកឡើងខ្មៅភ្លាមៗ ហើយរមាស់ នៅតែបន្តកើតមាន  សូមទៅជួបអ្នកប្រឹក្សាសុខភាពដែលនៅជិតបំផុតរបស់អ្នក៕