ម៉ាឡេស៊ី ជួបប្រទះទឹកជំនន់អាក្រក់បំផុត ត្រូវជម្លៀសមនុស្សចេញច្រើននាក់
ភ្លៀងបានធ្លាក់ខ្លាំងបំផុតនៅម៉ាឡេស៊ីចាប់តាំងពីថ្ងៃទី១៧ធ្នូមក បណ្ដាលឲ្យមានការខូចខាតធ្ងន់ធ្ងរបំផុត។
យោងតាមសេចក្ដីរាយការណ៍របស់រដ្ឋាភិបាលថា
ប្រទេសម៉ាឡេស៊ី ៖ ភ្លៀងបានធ្លាក់ខ្លាំងបំផុតនៅម៉ាឡេស៊ីចាប់តាំងពីថ្ងៃទី១៧ធ្នូមក បណ្ដាលឲ្យមានការខូចខាតធ្ងន់ធ្ងរបំផុត។
យោងតាមសេចក្ដីរាយការណ៍របស់រដ្ឋាភិបាលថា មនុស្សយ៉ាងតិច២៩.០០០នាក់ ត្រូវជម្លៀសចេញនាថ្ងៃទី១៩ធ្នូ ក្នុងប្រទេសអាស៊ីអាគ្នេយ៍នេះ ដោយសារទឹកជំនន់ដ៏អាក្រក់បណ្ដាលមកពីភ្លៀងធ្លាក់ខ្លាំង ដែលប្រទេសនេះមិនធ្លាប់ជួបប្រទះចាប់តាំងពី៧ឆ្នាំមកហើយ។ ម៉ាឡេស៊ីតែងជួបប្រទះនឹងព្យុះមូសុងនាចុងឆ្នាំ។ ភ្លៀងខ្លាំងបណ្ដាលឲ្យទឹកស្ទឹងទាំងឡាយ ជោរជន់នាំឲ្យទឹកជន់លិចក្នុងតំបន់ទីក្រុងជាច្រើនបណ្ដាលឲ្យស្ទះចរាចរណ៍រថយន្តតាមផ្លូវថ្នល់សំខាន់ៗ។
វេបសាយរបស់រដ្ឋាភិបាលរៀបរាប់ពីមនុស្សជាង២២.០០០នាក់រងគ្រោះ ដោយទឹកជំនន់ ក្នុងរដ្ឋ៨របស់ប្រទេស ក្នុងនោះមានរដ្ឋប៉ាហាំងភាគកណ្ដាលម៉ាឡេស៊ី ដែលជម្លៀសមនុស្សចេញជាង១០.០០០នាក់។ នាយករដ្ឋមន្ត្រីប្រទេសនេះ លោកISMAIL SABRI YAAKOB បានសម្ដែងការភ្ញាក់ផ្អើលដែលឃ្រើញរដ្ឋមានជាងគេរបស់ប្រទេស គឺរដ្ឋSELANGOR នៅជាប់រដ្ឋធានីគូឡាឡាំពួរជួបប្រទះទឹកជំនន់ដ៏អាក្រក់បែបនេះ ដែលតម្រូវឲ្យមនុស្សជាង៥.០០០នាក់ត្រូវចាកចេញពីផ្ទះសម្បែងពួកគេ។
ក្នុងសន្និសីទសារព័ត៌មានមួយនាថ្ងៃទី១៩ធ្នូ នាយករដ្ឋមន្ត្រីរូបនេះថ្លែងថា ចំណុះទឹកភ្លៀងដែលធ្លាក់ក្នុងពេលតែ១ថ្ងៃកាលពីថ្ងៃទី១៨ធ្នូនៅរដ្ឋSELANGOR ស្មើនឹងកម្រិតទឹកភ្លៀងធ្លាក់ធម្មតាដល់ទៅ១ខែ។ លោកសន្យាពីការផ្ដល់ជំនួយដោយរហ័ស ដល់បណ្ដាជនរងគ្រោះដោយទឹកជំនន់និងបញ្ចេញមូលនិធិបន្ទាន់ ១០០លានរីនហ្គីតប្រមាណជា២១លានអឹរ៉ូ។ ទឹកជំនន់នៅតែគ្រោះថ្នាក់នៅរដ្ឋ៦ នាភាគកណ្ដាលនិងភាគឦសានប្រទេសនាព្រឹកថ្ងៃទី១៩ធ្នូ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ