រាជធានីភ្នំពេញ ៖ ករណីឃាតកម្មដែលបង្កឡើងដោយជនដៃដល់ម្នាក់ និងបក្ខពួក១ក្រុម ប្រដាប់ដោយកូនកាំបិតចុងស្រួច ជិះម៉ូតូ ២គ្រឿង បានធ្វើសកម្មភាពដកកូនកាំបិតចាក់ទៅលើជនរង គ្រោះ ជាច្រើនកាំបិតបណ្តាលឲ្យដេកស្លាប់ក្នុងថ្លុកឈាម នៅចំណុច…
រាជធានីភ្នំពេញ ៖ ករណីឃាតកម្មដែលបង្កឡើងដោយជនដៃដល់ម្នាក់ និងបក្ខពួក១ក្រុម ប្រដាប់ដោយកូនកាំបិតចុងស្រួច ជិះម៉ូតូ ២គ្រឿង បានធ្វើសកម្មភាពដកកូនកាំបិតចាក់ទៅលើជនរង គ្រោះ ជាច្រើនកាំបិតបណ្តាលឲ្យដេកស្លាប់ក្នុងថ្លុកឈាម នៅចំណុច សួនច្បារមុខវត្តចង្ក្រានតាព្រហ្ម ហៅវត្តស្ទឹងមានជ័យ ផ្លូវ ២១៧ ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ កាលពីថ្ងៃទី៣០ ខែមិថុនា ឆ្នាំ២០២៥ វេលាម៉ោងប្រមាណ ២៣និង៣០ នាទី ពេលធ្វើសកម្មភាពរួចក្រុមជន សង្ស័យបាននាំគ្នាជិះម៉ូតូគេចខ្លួនដោយសុវត្តិភាព ។ គួររំលឹកថា ក្រោយមានទំនា.ស់ ចា.ក់បុរសម្នាក់ស្លា.ប់យ៉ាងរន្ធ.ត់ក្បែររបងវត្តស្ទឹងមានជ័យ
បន្ទាប់ពីទទួលបានព័ត៌មានខាងលើនេះ កម្លាំងជំនាញកងរាជអាវុធហត្ថរាជធានីភ្នំពេញ សហការជាមួយកម្លាំងជំនាញមូលដ្ឋានអាវុធហត្ថខណ្ឌមានជ័យ បានបើកការស៊ើបអង្កេត និងស្រាវជ្រាវ ជាបន្តបន្ទាប់ រហូតដល់ថ្ងៃទី០២ ខែកក្កដា ឆ្នាំ២០២៥ វេលាម៉ោងប្រមាណ១៤និង៣០នាទី កម្លាំងជំនាញ កងរាជអាវុធហត្ថរាជធានីភ្នំពេញ ធ្វើការពន្លាតសមត្ថកិច្ចដែនដី ដោយសហការជាមួយកម្លាំងជំនាញកងរាជអាវុធហត្ថខេត្តកំពង់ចាម និងមូលដ្ឋានអាវុធ ហត្ថស្រុកស្រីសន្ធរ បានឈានទៅដល់ឃាត់ខ្លួនជនសង្ស័យម្នាក់និងបន្តឃាត់ខ្លួន៣ នាក់ បន្ថែមទៀត នៅក្នុងភូមិសាស្ត្ររាជធានីភ្នំពេញ នាំមកកាន់ការិយាល័យព្រហ្មទណ្ឌ នៃមន្ទីរស្រាវជ្រាវ និង បង្ក្រាបបទល្មើស កងរាជអាវុធហត្ថរាជធានីភ្នំពេញ ដើម្បីចាត់ការតាមនីតិវិធី ។
ជនទាំង០៤ នាក់មាន ៖ ១-ឈ្មោះ ងៀប សាដទីរ៉ា ភេទប្រុស អាយុ៣៦ ឆ្នាំ (ជនដៃដល់) ២-ឈ្មោះ សេង អៀមសៀ ភេទប្រុស អាយុ២៦ ឆ្នាំ ៣-ឈ្មោះ មាស ពេជ្រ ភេទប្រុស អាយុ៣៦ ឆ្នាំ ៤- ឈ្មោះ ហ៊ាង សីហៈ ហៅ ម៉ៅ ភេទប្រុស អាយុ៤៦ ឆ្នាំ ។
ក្រោមវិធានការជំនាញជនសង្ស័យឈ្មោះ ងៀប សាដទីរ៉ា (ជនដៃដល់) បានសារភាពឱ្យដឹងថា ខ្លួនពិតជាបានប្រព្រឹត្តអំពើឃាតកម្ម ដោយបានយកកាំបិតចាក់ទៅលើជនរងគ្រោះជាច្រើនកាំបិតបណ្ដាលឱ្យស្លាប់ប្រាកដមែន មូលហេតុដោយសារខ្លួនមានជម្លោះជាមួយជនរងគ្រោះ ។ ចំណែកឯជនសង្ស័យ៣ នាក់ទៀត បានឆ្លើយសារភាពឱ្យដឹងដូចៗ គ្នាថា ពួកគេពិតជាមានពាក់ពន្ធក្នុងអំពើឃាតកម្មខាងលើ ហើយក៏ជាមុខសញ្ញាប្រើប្រាស់ដោយខុស ច្បាប់នូវសារធាតុញៀន និងក៏ធ្លាប់ជាប់ពន្ធនាគារពាក់ពន្ធករណីគ្រឿងញៀនផងដែរ ។
បច្ចុប្បន្ន ជនសង្ស័យទាំង៤ នាក់ ត្រូវបានការិយាល័យជំនាញ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់ ចំណែកជនសង្ស័យដែលជាបក្ខពួកនៅសេសសល់ ពាក់ពន្ធករណីខាងលើហើយកំពុងរត់គេចខ្លួន សមត្ថកិច្ចអាវុធហត្ថរាជធានីភ្នំពេញ ធ្វើការស្រាវជ្រាវដើម្បីឃាត់ខ្លួនបន្ត ៕
ចែករំលែកព័តមាននេះ