សូមសរសើរ ! ប្លន់ពីយប់ព្រឹកឡើងចាប់បាន
រាជធានីភ្នំពេញ ៖ ជនសង្ស័យ៣នាក់ត្រូវបានកម្លាំងសមត្ថកិច្ចនៃអធិការដ្ឋាននគរបាលខណ្ឌមានជ័យ សហការជាមួយកម្លាំងនគរបាលប៉ុស្តិ៍រដ្ឋបាលចាក់អង្រែលើ ធ្វើការឃាត់ខ្លួន
រាជធានីភ្នំពេញ ៖ ជនសង្ស័យ៣នាក់ត្រូវបានកម្លាំងសមត្ថកិច្ចនៃអធិការដ្ឋាននគរបាលខណ្ឌមានជ័យ សហការជាមួយកម្លាំងនគរបាលប៉ុស្តិ៍រដ្ឋបាលចាក់អង្រែលើ ធ្វើការឃាត់ខ្លួន
រាជធានីភ្នំពេញ ៖ ជនសង្ស័យ៣នាក់ត្រូវបានកម្លាំងសមត្ថកិច្ចនៃអធិការដ្ឋាននគរបាលខណ្ឌមានជ័យ សហការជាមួយកម្លាំងនគរបាលប៉ុស្តិ៍រដ្ឋបាលចាក់អង្រែលើ ធ្វើការឃាត់ខ្លួននៅចំណុចផ្ទះជួលខាងក្រោយវត្តច្បារអំពៅ ស្ថិតក្នុងសង្កាត់ច្បារអំពៅ២ ខណ្ឌច្បារអំពៅ បន្ទាប់ពីពួកគេទាំង៣នាក់ប្រើដាវសាំមូរ៉ៃប្លន់យកទូរស័ព្ទ និងកាបូបលុយពីយុវជនម្នាក់បានសម្រេចដោយសុវត្ថិភាព កាលពីវេលាម៉ោង២រំលងអធ្រាត្រឈានចូលថ្ងៃទី០១ ខែមិថុនា ឆ្នាំ២០១៦ នៅចំណុចសួនច្បារក្រោមស្ពានអាកាសក្បាលថ្នល់ ស្ថិតក្នុងសង្កាត់ចាក់អង្រែលើ ខណ្ឌមានជ័យ ។
ជនសង្ស័យទាំង៣នាក់មាន ទី១-ឈ្មោះ ស៊ុន លី ភេទប្រុស អាយុ២៤ឆ្នាំ មុខរបរនេសាទត្រី មានទីលំនៅភូមិបារ៉ែន ឃុំស្អាង ស្រុកស្អាង ខេត្តកណ្តាល, ទី២-ឈ្មោះ នូ សុភ័ត្រា ភេទប្រុស អាយុ១៧ឆ្នាំ មុខរបរលក់បន្លែនៅផ្សារដើមគរ មានទីលំនៅផ្ទះជួលក្នុងសង្កាត់បឹងសាឡាង ខណ្ឌទួលគោក និងទី៣-ឈ្មោះ សុខ ឌី ភេទប្រុស អាយុ២៨ឆ្នាំ មុខរបរកម្មករសំណង់ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ។ រីឯជនរងគ្រោះមានឈ្មោះ ម៉ាន់ រី អាយុ២៤ឆ្នាំ មុខរបរស៊ីឈ្នួលបើកឡាន មានទីលំនៅក្រុងតាខ្មៅ ខេត្តកណ្តាល ។
តាមសម្តីរៀបរាប់របស់ជនរងគ្រោះបានអោយដឹងថា ដំបូងឡើយរូបគេចេញពីខេត្តកណ្តាលទៅមើលបងស្រីដែលកំពុងសម្រាកព្យាបាលជម្ងឺនៅមន្ទីរពេទ្យឯកជនមួយក្បែរកន្លែងកើតហេតុ រហូតមកទល់វេលាម៉ោង២ទាបភ្លឺខ្លួនបានដើរចេញមកក្រៅរកម៉ូតូឌុបជិះត្រឡប់ទៅកាន់លំនៅឋានវិញ ពេលនោះពុំមានម៉ូតូឡើយ ។ ដោយមានអារម្មណ៍ថាអស់កម្លាំងពេកជនរងគ្រោះបានដើរទៅអង្គុយលើសួនច្បារក្រោមស្ពានអាកាសក្បាលថ្នល់តែម្នាក់ឯង ។ លុះមិនទាន់បានប៉ុន្មាននាទីផង ស្រាប់តែជនសង្ស័យ៣នាក់ដើរមកក្បែររួចសុំបារីពីជនរងគ្រោះដើម្បីជក់ ហើយដកដាវសាំមូរ៉ៃចេញពីចង្កេះភ្ជង់ជនរងគ្រោះគំរាមយកទូរស័ព្ទ និងកាបូបលុយបានសម្រេចភ្លាមៗ រួចរត់គេចខ្លួនបាត់ស្រមោល ។
ក្រោយពេលកើតមានហេតុការណ៍ ជនរងគ្រោះបានទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលចាក់អង្រែលើ ដើម្បីអោយសមត្ថកិច្ចជួយអន្តរាគមន៍តាមចាប់ជនសង្ស័យ ។ ភ្លាមៗក្រោយទទួលបានពាក្យបណ្តឹងរបស់ជនរងគ្រោះ សមត្ថកិច្ចបានបើកការស្រាវជ្រាវតាមដានតាំងពីវេលាម៉ោងកើតហេតុរហូតមកទល់ព្រឹកឡើងទើបចាប់ជនសង្ស័យទាំ៣នាក់បានតែម្តង ដោយដកហូតបានដាវសាំមូរ៉ៃ១ដើម និងទ្រព្យសម្បត្តិរបស់ជនរងគ្រោះត្រឡប់មកវិញដូចដើមគ្មានបាត់បង់អ្វីឡើយ ។
យ៉ាងណាមិញ បច្ចុប្បន្នជនសង្ស័យត្រូវបានបញ្ចូនទៅឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌមានជ័យ រង់ចាំកសាងសំណុំរឿងបញ្ចូនទៅតុលាការចាត់ការទៅតាមផ្លូវច្បាប់ ។ ដោយឡែកទ្រព្យសម្បត្តិរបស់ជនរងគ្រោះទាំងប៉ុន្មានដែលក្រុមជនល្មើសធ្វើសកម្មភាពភ្ជង់ប្លន់ ត្រូវបានសមត្ថកិច្ចប្រគល់ជូនជនរងគ្រោះវិញទាំងអស់ រួចធ្វើការអប់រំណែនាំកុំអោយទៅអង្គុយកន្លែងស្ងាត់ៗតែម្នាក់ឯងទៀតនៅពេលក្រោយ ៕
ចែករំលែកព័តមាននេះ