ខេត្តបន្ទាយមានជ័យ ៖ រយៈពេល២ថ្ងៃទៀត កម្លាំងប្រដាប់អាវុធទាំង៣ស្ថាប័នមានចំនួនជាង២០០នាក់នឹងទៅដាំកូនឈើលើដីព្រៃលិចទឹកតំបន់៣ មានដូចជាដើមរាំងទឹក ឫស្សីផ្អែម គ្រាប់ត្នោតជាដើម។ អភិបាលខេត្តបន្ទាយមានជ័យ ឧត្តម អ៊ុំ…
ខេត្តបន្ទាយមានជ័យ ៖ រយៈពេល២ថ្ងៃទៀត កម្លាំងប្រដាប់អាវុធទាំង៣ស្ថាប័នមានចំនួនជាង២០០នាក់នឹងទៅដាំកូនឈើលើដីព្រៃលិចទឹកតំបន់៣ មានដូចជាដើមរាំងទឹក ឫស្សីផ្អែម គ្រាប់ត្នោតជាដើម។ អភិបាលខេត្តបន្ទាយមានជ័យ ឧត្តម អ៊ុំ រាត្រី បានមានប្រសាសន៍បែបនេះ ក្នុងកិច្ចប្រជុំគណៈបញ្ជាការឯកភាពខេត្ត កាលពីថ្ងៃទី១៦ ធ្នូ ឆ្នាំ២០២១ នៅសាលប្រជុំសាលាខេត្តបន្ទាយមានជ័យ ។
ក្នុងកិច្ចប្រជុំគណៈបញ្ជាការឯកភាពខេត្តបន្ទាយមានជ័យ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានមានប្រសាសន៍ថា បានដាក់វិធានដល់អង្គភាពពាក់ព័ន្ធទូរទាំងខេត្តបន្ទាយមានជ័យ ត្រៀមកម្លាំងជាង២០០នាក់ ត្រូវចូលរួមដាំកូនឈើលើដីព្រៃលិចទឹកតំបន់៣បឹងទន្លេសាប ដែលត្រូវបានដកហូតពីការរុករានទន្ទ្រានដីព្រៃលិចទឹកតំបន់៣តាមបទបញ្ជាប្រមុខរាជរដ្ឋភិបាលកម្ពុជា សម្តេចតេជោ ហ៊ុន សែន ដើម្បីបង្ក្រាបទប់ស្កាត់អោយបាន ។
ឯកឧត្តមបានបញ្ជាក់ថា ខេត្តបន្ទាយមានជ័យបានត្រៀមកម្លាំងប្រមាណ២០០នាក់ ដើម្បីចុះដាំឈើនៅថ្ងៃទី១៨ ធ្នូ ឆ្នាំ២០២១ នៅក្នុងភូមិសាស្ត្រស្រុកព្រៈនេត្រព្រៈ និងស្រុកមង្គលបូរី ដែលមានដីព្រៃលិចទឹកតំបន់៣បឹងទន្លេសាប មានផ្ទៃដី១២.២៩៧ហិកតា និងត្រូវបានរុករានទន្ទ្រានមានផ្ទៃដី៥.៣៥០ហិកតា ដែលត្រូវបានដកហូតមកវិញជាសម្បត្តិរដ្ឋ។
ឯកឧត្តម អ៊ុំ រាត្រី បានបញ្ជាក់ទៀតថា ជាការការណែនាំពីប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ដើម្បីបង្ក្រាបទប់ស្កាត់ការរុករានទន្ទ្រានដីព្រៃលិចទឹកតំបន់៣បឹងទន្លេសាប ហើយត្រូវបោះបង្គោលដែលបាត់ និងខូចខាតឡើងវិញហើយលើកប៉ាណូកំណត់តំបន់ព្រៃលិចទឹកតំបន់៣ និងត្រូវបានដកហូតមកវិញនៅព្រៃលិចទឹកដែលត្រូវបានទន្ទ្រាននិងដាំកូនឈើស្ថាឡើងវិញ ហើយខេត្តបន្ទាយមានជ័យបានត្រៀមកម្លាំង២០០នាក់ ដាំកូនឈើមាន ដើមរាំងទឹក ឫស្សីផ្អែម គ្រាប់ត្នោត ៕
ចែករំលែកព័តមាននេះ