ឡានមួយគ្រឿងបុ.ករុញយានយន្ត៣គ្រឿងបន្តបន្ទាប់ ផ្អើ.លមុខព្រលានយន្តហោះ
- ភ្នំពេញ
រាជធានីភ្នំពេញ ៖ គ្រោះថ្នាក់ចរាចរណ៍មួយបានកើតឡើង ខណៈរថយន្តកាមរីបាឡែន១គ្រឿងបានបើកបុ.ករុញម៉ូតូម៉ាកហុងដាឌ្រី
រាជធានីភ្នំពេញ ៖ គ្រោះថ្នាក់ចរាចរណ៍មួយបានកើតឡើង ខណៈរថយន្តកាមរីបាឡែន១គ្រឿងបានបើកបុ.ករុញម៉ូតូម៉ាកហុងដាឌ្រី
រាជធានីភ្នំពេញ ៖ គ្រោះថ្នាក់ចរាចរណ៍មួយបានកើតឡើង ខណៈរថយន្តកាមរីបាឡែន១គ្រឿងបានបើកបុ.ករុញម៉ូតូម៉ាកហុងដាឌ្រីម ធុនសេ១២៥ មួយគ្រឿង រុញផ្ទប់ម៉ូតូកង់បី១គ្រឿងទៀតនៅខាងមុខ ធ្វើឲ្យម៉ូតូកង់បីខ្ទាតជ្រុលទៅបុកពីក្រោយរថយន្តម៉ាកSOUEAST ១គ្រឿងទៀតយ៉ាងពេញទំហឹង បណ្ដាលឲ្យមនុស្ស២នាក់រងរបួសធ្ងន់ធ្ងរ និងម្នាក់ទៀតរបួសស្រាល។
ហេតុការណ៍ខាងលើនេះបានកើតឡើងកាលពីវេលាម៉ោង៧និង៣០នាទីព្រឹក ថ្ងៃទី១៤ ខែធ្នូ ឆ្នាំ២០២១ ត្រង់ចំណុចមុខអាកាសយានដ្ឋានអន្តរជាតិភ្នំពេញ តាមបណ្តោយផ្លូវមហាវិថីសហព័ន្ធរុស្សី ស្ថិតក្នុងភូមិក្បាលដំរី១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
អ្នកឃើញហេតុការណ៍បានប្រាប់ឱ្យដឹងថា នៅមុនកើតហេតុ យានយន្តទាំង៤គ្រឿងបានបើកបរធ្វើដំណើរក្នុងទិសដៅស្របគ្នាពីលិចទៅកើត ដោយរថយន្តម៉ាកSOUEAST ពណ៌ស ពាក់ស្លាកលេខ ភ្នំពេញ 2BL-2514 បើកមុខគេ ។ ចំណែកម៉ូតូកង់បី ពណ៌លឿង ពាក់ស្លាកលេខ តាកែវ 1I-0058 បើកបន្ទាប់ ហើយម៉ូតូម៉ាកហុងដាឌ្រីម ធុនសេ១២៥ ពណ៍ខ្មៅ ពាក់ស្លាកលេខ ភ្នំពេញ 1AT-4893 បើកពីក្រោយម៉ូតូកង់បី ។ដោយឡែករថយន្តបង្កម៉ាកកាមរីបាឡែន ពណ៌ខ្មៅ ពាក់ស្លាកលេខ ភ្នំពេញ 22AC-7334 បើកក្រោយគេ។
តាមប្រភពដដែលបានបន្តទៀតថា លុះពេលទៅដល់ត្រង់ចំណុចកើតហេតុខាងលើ ដោយសារតែនៅខាងមុខមានការកកស្ទះចរាចរណ៍ រថយន្តម៉ាកSOUEAST រួមជាមួយម៉ូតូកង់បី និងម៉ូតូហុងដាឌ្រីមក៏បានឈប់បន្តបន្ទាប់គ្នា ។ ចំណែកឯរថយន្តកាមរីបាឡែកបើកលឿនស្លេវ ហើយអត់បានបន្ថយល្បឿននោះទេក៏ជ្រុលទៅបុ.កពីក្រោយហុងដាឌ្រីមសេ១២៥ រុញផ្ទប់ពីក្រោយម៉ូតូកងបីនិងរថយន្តម៉ាកSOUEAST ពេញទំហឹងតែម្ដង។
តាមប្រភពខាងលើបានបន្តទៀតថា ខណៈនោះបណ្ដាលឲ្យអ្នកបើកម៉ូតូហុងដាឌ្រីម និងម៉ូតូកង់បីរងរបួសធ្ងន់ធ្ងរ ហើយក្មេងប្រុសម្នាក់រងរបួសស្រាល ហើយយានយន្ត ទាំង៤គ្រឿងបានរងការខូចខាតដូចគ្នាផងដែរ ។
ក្រោយពេលកើតហេតុ នគរបាលខណ្ឌពោធិ៍សែនជ័យបានបញ្ជូនជនរងគ្រោះទៅកាន់មន្ទីរពេទ្យដើម្បីសង្គ្រោះបន្ទាន់ បន្ទាប់មកធ្វើការវាស់វែងនាំយកយានយន្តទាំងអស់ទៅរក្សាទុករង់ចាំការដោះស្រាយនៅពេលក្រោយ ៕
ចែករំលែកព័តមាននេះ