យោងតាមអ្នកជំនាញផ្នែកសុខភាពចំណីអាហារបានឱ្យដឹងថា ការទទួលទានអាហារហើយចូលសម្រាន្តភ្លាមមិនផ្តល់ផលល្អដល់ប្រព័ន្ធរំលាយអាហារឡើយ ជាពិសេសគឺបណ្តាអាហារដែលសម្បូរខ្លាញ់ច្រើន ។
យោងតាមអ្នកជំនាញផ្នែកសុខភាពចំណីអាហារបានឱ្យដឹងថា ការទទួលទានអាហារហើយចូលសម្រាន្តភ្លាមមិនផ្តល់ផលល្អដល់ប្រព័ន្ធរំលាយអាហារឡើយ ជាពិសេសគឺបណ្តាអាហារដែលសម្បូរខ្លាញ់ច្រើន ។ ទទួលទានអាហារទាំងអស់នេះអាចនឹងធ្វើឱ្យចុកឆ្អល់ចុងដង្ហើម។ ប្រសិនជាអាចធ្វើទៅបាន គេគួរចូលដេកក្រោយការទទួលអាហាររួចពី២ទៅ៣ម៉ោង ។ ទោះជាយ៉ាងនេះក្តី ក្រុមអ្នកជំនាញដដែលបានស្នើថា មានអាហារ១០ប្រភេទដែលគេមិនគួរទទួលទានមុនពេលចូលដេក ។ អាហារទាំងនោះមានដូចជា៖
១-ប៉ាស្តា (Pasta) ៖ ប៉ាស្តាជាអាហារមួយប្រភេទផ្ទុកសារធាតុខ្លាញ់ច្រើនបំផុតដែលគេចាំបាច់ត្រូវតែជៀសវាងទទួលទានមុនពេលចូលដំណេក ។ វាអាចជាអាហារប្រើពេលខ្លីនិងមិនពិបាកក្នុងការចម្អិន ប៉ុន្តែចូរចងចាំថា សារធាតុកាបូអីុដ្រាដដ៏សម្បូរបែបរបស់វានឹងបម្លែងទៅជាខ្លាញ់នៅពេលអ្នកទទួលទានហើយចូលដេក ។
២-ភីហ្សា (Pizza) ៖ វាជាអាហារដែលមានការពេញនិយមខ្លាំងណាស់ដែរនៅទូទាំងពិភពលោក ។ យ៉ាងណាក៏ដោយ វាមិនមែនជាអាហារដែលងាយស្រួលរំលាយនោះទេ។ ទទួលទានអាហារបែបនេះនឹងជំរុញឱ្យប្រព័ន្ធរំលាយអាហាររបស់អ្នកបំពេញមុខងារយ៉ាងលំបាកបំផុត ។ បន្ថែមពីនេះ វាផ្ទុកសារធាតុអាស៊ីដក្នុងកម្រិតមួយខ្ពស់ ។ ដូច្នេះទទួលទានហើយចូលដេកភ្លាមនឹងបង្កើនហានិភ័យចុកឆ្អល់ចុងដង្ហើម ។
៣-ស្ករគ្រាប់គ្រប់ប្រភេទ ៖ ទទួលទានស្ករគ្រាប់និងអាហារមានខ្លាញ់ច្រើនជះឥទ្ធិពលដល់រលកខួរក្បាល ហើយវានឹងធ្វើឱ្យអ្នកសុបិនអាក្រក់ សម្រាកមិនបានស្កប់ស្កល់ ។
៤-សាច់ក្រហម ៖ បើទោះណា សាច់ក្រហមជាប្រភពប្រូតេអីុននិងសារធាតុចិញ្ចឹម ប៉ុន្តែការទទួលទានវាច្រើននឹងរំខានដល់ដំណេករបស់អ្នក ។
៥-សូកូឡា ៖ សូកូឡាពណ៌ខ្មៅផ្តល់អត្ថប្រយោជន៍ខ្លាំងបំផុតដល់ខួរក្បាលនិងការចងចាំ ប៉ុន្តែព្រមពេលជាមួយគ្នានេះ វាក៏ផ្តល់ផលអាក្រក់ដល់ទំហំចង្កេះរបស់អ្នកផងដែរ(ធ្វើឱ្យធាត់) ប្រសិនជាទទួលទាននៅពេលយប់ ។ ចូរចងចាំថា បរិមាណកាឡូរីដ៏លើសលប់របស់វានឹងបម្លែងទៅជាខ្លាញ់នៅពេលរាងកាយរបស់អ្នកសម្រាក ។
ហេតុផលមួយទៀតដែលអ្នកមិនគួរទទួលទានសូកូឡាពណ៌ខ្មៅមុនពេលចូលដេក ក៏ព្រោះវាផ្ទុកសារធាតុកាហ្វេអុីនច្រើនដែលនឹងរំខានដល់ដំណេករបស់អ្នក ។
៦-ពពួកបន្លែមួយចំនួន ៖ ពិតណាស់ បន្លែជាប្រភពដែលសម្បូរទៅដោយសារធាតុចិញ្ចឹម តែជាជម្រើសល្អ អ្នកមិនគួរទទួលទានវាមុនពេលចូលសម្រាន្តនោះទេ ។ ខ្ទឹមបារាំង ផ្កាខាត់ណាខៀវ និងស្ពៃក្តោបជាដើមផ្ទុកទៅដោយសារធាតុសរសៃយ៉ាងខ្ពស់ ហើយសារធាតុនេះធ្វើឱ្យអ្នកទទួលទានឆ្អែតបានយូរ ។ ទោះជាយ៉ាងណា ការទទួលទានវាក្នុងពេលយប់ដំណើររំលាយរបស់វាគឺយឺតជាងក្នុងពេលថ្ងៃ ដូច្នេះវាអាចបណ្តាលឱ្យអ្នកហើមពោះ ។
៧-សារធាតុស្រវឹងគ្រប់ប្រភេទ ៖ ទទួលទានស្រាអាចរំខានដល់ដំណេក ធ្វើឱ្យអ្នកចេញញើសច្រើនក្នុងពេលយប់ និងធ្វើឱ្យអ្នកឧហ្សាហ៍ភ្ញាក់ផងដែរ ៕
ចែករំលែកព័តមាននេះ