កីឡារាំថ្នាក់ជាតិ បញ្ចប់ការប្រកួតដោយសម្រាំងបានជើងខ្លាំងឆ្នើមៗ
- ភ្នំពេញ
រាជធានីភ្នំពេញ ៖ សហព័ន្ធកីឡារាំកម្ពុជា បានបញ្ចប់ការប្រកួតកីឡារាំ ជ្រើសរើសជើងឯកថ្នាក់ជាតិ ប្រចាំឆ្នាំ២០២១ របស់ខ្លួនជា
រាជធានីភ្នំពេញ ៖ សហព័ន្ធកីឡារាំកម្ពុជា បានបញ្ចប់ការប្រកួតកីឡារាំ ជ្រើសរើសជើងឯកថ្នាក់ជាតិ ប្រចាំឆ្នាំ២០២១ របស់ខ្លួនជា
រាជធានីភ្នំពេញ ៖ សហព័ន្ធកីឡារាំកម្ពុជា បានបញ្ចប់ការប្រកួតកីឡារាំ ជ្រើសរើសជើងឯកថ្នាក់ជាតិ ប្រចាំឆ្នាំ២០២១ របស់ខ្លួនជាផ្លូវការហើយ បន្ទា ប់ពីបានបើកការប្រកួតកាលពីថ្ងៃទី១២ ធ្នូ ២០២១ នៅមជ្ឈមណ្ឌលសហប្រតិបត្តិការកម្ពុជា-ជប៉ុន ដោយសហព័ន្ធនេះបានបង្ហាញនូវជំនឿចិត្តយ៉ាងខ្លាំងថាធនធានដែលដែលខ្លួនជម្រើសបានក្នុងឆ្នាំនេះ នឹងក្លាយជាធនធានដ៏ខ្លាំងរបស់កម្ពុជា នៅក្នុងព្រឹត្តិការណ៍ស៊ីហ្គេម២០២៣ ដែលកម្ពុជាធ្វើជាម្ចាស់ផ្ទះ។ កីឡាករកីឡាការិនីដែលជាម្ចាស់ពានសម្រាប់វិញ្ញាសានីមួយៗ ក៏សុទ្ធតែជាកម្លាំងក្មេងៗស្របពេលដែលសហព័ន្ធក៏ទទួលស្គាល់ថាវិស័យនេះ មានការឈានឡើង។
លោកស្រី ហង់ ស៊ីមន អគ្គលេខាធិការសហព័ន្ធកីឡារាំកម្ពុជាបញ្ជាក់ថា ព្រឹត្តិការណ៍ជើងឯកថ្នាក់ជាតិឆ្នាំនេះ ទទួលបានការគាំទ្រជាងមុន ដោយកីឡាករកីឡាការិនីចូលប្រកួតក៏ច្រើនជាងមុន ហើយប្រតិភូដែលចូលរួមជាកិត្តិយស ក៏សុទ្ធតែជាមន្ត្រីជាន់ខ្ពស់ក្នុងជួររដ្ឋាភិបាល ដែលមានន័យថា កីឡានេះកំពុងទទួលបានការចាប់អារម្មណ៍ខ្លាំង។ លោកជំទាវថា ក្នុងរយៈពេលនៃការប្រកួត គ្រូបង្វឹក និងគណៈកម្មការត្រូវបានបណ្ដុះបណ្ដាលកាន់តែល្អមុនប្រកួត ហើយ កីឡាករ កីឡាការិនី ដែលបានចូលរួមប្រកួត គឺមានរហូតដល់ចំនួន ៥០នាក់ មកពី៦ក្លិប ដែលជាចំនួនកើនឡើងបើធៀបនឹងឆ្នាំកន្លងទៅ។ ការប្រកួតនៅក្នុងឆ្នាំនេះ សហព័ន្ធបានកំណត់យក ២៣ ដោយសុទ្ធតែវិញ្ញាជាលក្ខណៈអន្តរជាតិ ដោយម្ចាស់ពាន និង ម្ចាស់មេដាយសម្រាប់វិញ្ញាសារនីមួយៗ គឺមានសមត្ថភាព និង សុទ្ធតែជាធនធានល្អ។
អ្វីដែលគួរកត់សម្គាល់ គឺការប្រកួតនេះ បានដំណើរការក្រោមការឧបត្ថម្ភថវិកាគាំទ្ររបស់ក្រសួងអប់រំ យុវជន និងកីឡា និងសហការចូលរួមឧបត្ថម្ភបន្ថែមពីក្រុមហ៊ុនចំនួន១៨ផ្សេងទៀត ដែលកាន់តែជួយអោយសហព័ន្ធមានលទ្ធភាពគ្រប់គ្រាន់។ លោកជំទាវថា សហព័ន្ធកីឡារាំកម្ពុជា កំពុងបោះជំហានទៅរកគោលដៅធំមួយសម្រាប់ស៊ីហ្គេម២០២៣ ហើយក្រោយបញ្ចប់ការប្រកួតជម្រើសជើងឯកឆ្នាំ២០២១ ធនធានដែលសហព័ន្ធជម្រើសបាន គឺកាន់តែធ្វើអោយសហព័ន្ធមានជំនឿចិត្តខ្ពស់ ក្នុងការប្រកួតប្រជែង។
លោកជំទាវ ញ៉ែម មរកត អនុរដ្ឋលេខាធិការ ក្រសួងកិច្ចការនារី និងជាប្រធានសហព័ន្ធកីឡារាំកម្ពុជា បានបង្ហាញនូវមោទនភាព បន្ទាប់ពីការប្រកួតទាំងមូលត្រូវបានបញ្ចប់។ លោកជំទាវថា ក្នុងនាមសហព័ន្ធកីឡារាំកម្ពុជា លោកជំទាវសប្បាយចិត្តដែលធនធានដែលជម្រើសបានពីការប្រកួតទាំងមូល កាន់តែល្អជាងមុន ហើយលោកជំទាវក៏ស្នើឲ្យមន្ត្រីថ្នាក់ដឹកនាំជាគណៈកម្មាធិការប្រតិបត្តិ លោកគ្រូ អ្នកគ្រូបង្វឹក និងកីឡាករ កីឡាការិនី បន្តរក្សាសាមគ្គីភាពផ្ទៃក្នុង សហការគ្នា បង្កើនភាពស្និទ្ធស្នាល ស្វាហាប់ ក្នុងការងារជំនាញកីឡារាំ ឲ្យកាន់តែខ្លាំងក្លា និងឆន្ទៈមោះមុតផងដែរ ដើម្បីឆ្ពោះទៅរកភាពជោគជ័យក្នុងការប្រកួត SEA GAMES ឆ្នាំ២០២២ នៅប្រទេសវៀតណាម និងឆ្នាំ២០២៣ នៅប្រទេសកម្ពុជា។ ការប្រកួតកីឡារាំ ជ្រើសរើសជើងឯកថ្នាក់ជាតិប្រចាំឆ្នាំ២០២១ លើ២៣ប្រភេទវិញ្ញាសានេះ លោកជំទាវថា គឺជាសម្រិតសម្រាំងមួយប្រកបដោយការយកចិត្តទុកដាក់ ហើយធនធានកីឡាករ កីឡាការិនី ដែលជម្រើសបាន ក៏ជាក្ដីសង្ឃឹមដ៏ធំរបស់កម្ពុជា ក្នុងការដណ្ដើមមេដាយលើឆាកអន្តរជាតិផងដែរ។
លោកជំទាវ ឆៃ ច័ន្ទរិទ្ធីសូលីដា រដ្ឋលេខាធិការក្រសួងព័ត៌មាន និងជាអនុប្រធានកិត្តិយសសហព័ន្ធកីឡារាំកម្ពុជា មានប្រសាសន៍ថា វិស័យកីឡារាំនៅកម្ពុជា កាន់តែមានការរីកចម្រើនគួរឱ្យកត់សម្គាល់ ហើយវិស័យមួយនេះ ក៏ទទួលបានការចាប់អារម្មណ៍ចូលរួមគាំទ្រយ៉ាងច្រើនពីយុវជន យុវនារីផងដែរ នាពេលចុងក្រោយ។លទ្ធផលដែលទទួលបានពីការប្រកួតប្រជែង បានបង្ហាញយ៉ាងច្បាស់ថា ការប្រកួតជាលក្ខណៈអន្តរជាតិជុំវិញកីឡាមួយនេះ មានការឈានឡើង ហើយក៏ជាសញ្ញាវិជ្ជមាននៃការប្រឹងប្រែង ទើបអាចទាក់ទាញអោយយុវវ័យចូលប្រកួតច្រើនឡើង និង មានក្លិបអាជីពកើនឡើង ដើម្បីលើកកម្ពស់កីឡារាំ។ លោកជំទាវថា នេះគឺលទ្ធផលនៃសុខសន្តិភាពពេញលេញ ដែលបណ្ដាលមកពីកម្ពុជាមានស្ថេរភាពនយោបាយ សេដ្ឋកិច្ចជាតិមានការរីកចម្រើន ដែលជះឥទ្ធិពលលើគ្រប់វិស័យ ក្នុងនោះការងារអប់រំកាយ និងកីឡា បានដើរតួនាទីយ៉ាងសំខាន់ ក្នុងការអភិវឌ្ឍសង្គម ពីព្រោះ «កីឡាកសាងមនុស្ស មនុស្សកសាងសង្គម» ។
លោកជំទាវបន្ថែមទៀតថា ក្រសួងអប់រំ យុវជន និងកីឡា បានធ្វើកំណែទម្រង់ស៊ីជម្រៅលើវិស័យអប់រំកាយ និងកីឡា ដោយឈរលើមូលដ្ឋានយុទ្ធសាស្ត្រចតុកោណ ដំណាក់កាលទី៤ ផែនការយុទ្ធសាស្ត្រនៃការអភិវឌ្ឍជាតិ និងដោយផ្អែកលើបរិបទនៃការរីកចម្រើនកីឡាជាតិ និងបរិបទនៃការរីកចម្រើនកីឡា នៅក្នុងតំបន់ ក៏ដូចជាអន្តរជាតិ ជាពិសេសការត្រៀមលក្ខណៈសម្បត្តិ ត្រៀមសម្រាប់កម្ពុជាធ្វើជាម្ចាស់ផ្ទះ ក្នុងការរៀបចំប្រកួតកីឡាស៊ីហ្គេមលើកទី៣២ ឆ្នាំ២០២៣ នាពេលខាងមុខ។ លោកជំទាវ បានអំពាវនាវ ដល់វិស័យឯកជន ដៃគូអភិវឌ្ឍ សប្បុរសជន និងប្រជាជនសូមចូលរួមឧបត្ថម្ភគាំទ្រជាស្មារតី សម្ភារ ថវិកា ដើម្បីរួមចំណែកអភិវឌ្ឍវិស័យកីឡាជាតិយើង។ ក្រោមពាក្យស្លោក «រួមគ្នាធ្វើអ្វីៗទាំងអស់គ្នា ដើម្បីកីឡា ឆ្ពោះទៅជោគជ័យ នៅស៊ីហ្គេមឆ្នាំ២០២៣»៕
ចែករំលែកព័តមាននេះ